ZEKARIA 1:4 - OTSAO BAIBEL (BSI)

⁴ Hünzome a hünpu-hünpa hwom lailaile taxchang. Ku ajebue kaitanto wüi hwom hato ku kaxho apüile, hwom ang chichangchizangle tamchu ochax tsün chingo angkya akaxpu. Ikoxle hwome ku kax chiapa tamchu ija ku kax ma chilax.

ZEKARIA 1:4 ပူးပေါင်းရင်းမြစ်များ

MÜNCHUAK-TSAI 78:8

Hwom a hwom pupa hwom lailaile, alünle ajongle hia kax ma chilaxkya khünakbu ang chichangüi, chemthüikoxle Zang tokya hwom mongong ma chemtuechu shingmongle chichang ilaxle hwom a chialekya mongong füi chingotsuak.

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

JEREMIA 35:15

Kue chizakle hünzom hato ku da ajebu ahüile ngopu, ilaxle hwome hünzom ang chichangchizangle ngokya ochax lom dantoxlaxle sukya mwot mokle hüi angkya akaxpu. Kue hünpu hünpa hwom ang tamchu hünzom ang koxle thomkya haxtok ma hünzom ngole hüi angkya kux male, hünzome baozangbu to shwom-töle hia ibu thothale chichang angkya hünzom ang kaxkhün koxle hüipu. Ikoxle hünzome ku kax chiapa chichangba ku kax to mongjao chikox.

ZEKARIA 1:3

ikoxlechu athax kue thüipu, ‘Ku hato chat-hüi, üntoxle ku chuwüi hünzom hato chatüi.

1 PITAR 1:18

Chemthüikoxle hünzome pupa tsün tokhange kople hüikya obato maxün angkya hünzom khüzün shak ang otha chem thompuix ija hünzome awanpu. Ija a ma ang thokya hun hia jangjong fang chichang;

WANGSHEMBU MWOT 26:20

Hwom ochaxbu tokya mong chatle Zang hato hüi angkya wüi changle üntoxle mong chatüna le ahokya mwotli mok angkya changle.

WANGSHEMBU MWOT 3:19

Idaile ochax tokya mong chatlax, ilaxle Zang hato hüilax, ikoxletix chixe hünzom ochaxbu fwotle awüt faüi.

MIKA 2:6

Khünaknue ku hama hwon-anole thüi: “Kwom hama hwon taxano. Ijabu bama kwom hama taxwün ngo. Zang-e kwom to anu-ahaile changüi münchang.

AMOS 5:24

Itülüi, sukya kaxfün a shuasa ningle jenle ju ang tomkox, ilaxle otsao a tamchu chizopkya shuanu ningle jen ang tomkox.

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

JEREMIA 44:16

“Jowanpa mün ma nange kwom füi akaxkya zangwün to mün-apale kwom angampu.

JEREMIA 26:5

ilaxle kue chizakle ahüile ngokya ku dapa, ajebu kax to nathale apakya tokhange, hünzome ija mwot ang achangle mok angkya changpule kue akaxdaoa. Ikoxle hwom kax ma hünzome otuechu chilax.

JEREMIA 18:11

Ikoxle athax, kue hwom zan to kale hwom to sikangün angkya olom zingle ngole le Judah hia Jerusalem angkya khünakbu füi akaxkox. Hwom ang chichang-chizangkyae awangle chingo angkya kax laxkox: hwom kün-mong hia hwome mokle ngokya mwot dantox angkya akaxkox.

JEREMIA 3:12

“Mongong chitüikya Israel, ku hato chat-hüi. Ku a chingcha mix changle ilaxle mongtsikkya müntüiüi; ku nang füi othuithuima mongtsikkya müntüiüi.

ISAIA 31:6

Jowanpae thüile: “Israel khünaknu, hünzome ku zongto ochax lyendaoa ilaxle ku füi alünle ajongle. Ikoxle athax, ku hato anongle chat-hüi!

NEHEMIA 9:30

Zanglao fo to adukya füi nange hwom ang kaxkhün kox. Nange nang ajebu ang akax angkya kax kox, ikoxlechu nang khünaknu ang natüt, ikhoma nange hwom to mixnok wangtingbu lüt ang tom.

NEHEMIA 9:26

“Ikoxlechu nang khünaknue nang füi alünle ajong ilaxle nang kax ma chilaxle tüi; hwome nang Wanlom hato hwom tok aho. Hwom ang kaxkhün koxkya ajebu hwome langle awüt, nang hato mong chatle hüi angkya hwom füi akaxkyabu a. Janpong bato hwome nang tha ajao,

NEHEMIA 9:16

Ikoxle kwom pupa hwom a mongngam hia kax ma chilaxle tüi ilaxle nang kaxtombu mün-apapu le angam.

IZRA 9:7

Kwom pupa hwom tsün tokhange athax kople, kwom, nang khünaknubue huanuma ochax lyenle hüidaoa. Kwom ochaxbu khoma kwom, kwom wanghom hwom, ilaxle kwom nguapabu a mixnok wanghombu chak to dongle changdaoa, ilaxle kwom a lang-huak, tuinabu tsui pao, ilaxle zanda ang laxlaxle pao, le changdaoa. Anyix chemle ngopuix ija ningle kwom a komkaile hopu chitüikya chifün ma ngole hüile.

2 PUKAX-PANGAO 34:21

“Paokox ilaxle ku hanpakma tamchu Israel hia Judah ma ngole tüikya khünaknu hanpakma Jowanpa füi tsaitik-kaxshole changkox. Ija laipex ma anwot-anole tüikya tsaitong-kaxza tikle laxhu. Kem putong hwome chix kax ma chilax tamchu ija laipex ma mokle lün angkya chempang zale tüipuix, ibu chemchu chimok, ile changkya khoma Jowanpa ang kem füi mongmakya tüingole.”

2 PUKAX-PANGAO 30:7

Israel khünak hünzom putong hwom hia hünzom mamixbu, opange Jowanpa, hwom Zang to mongong chithomle tüidaolaxpuix, ibu lailaile taxchang. Chixe hwom to thama adünle sikngün fakya hünzome ngünle hüidaoa.

JEREMIA 4:1

Jowanpae thüi: “Israel khünaknu, hünzom mong chat-se jangtsu, ku hato chat-hüi. Hünzome ku to mongong thom ilaxle kue tsakkya chapabu awütle jangchang,

JEREMIA 23:22

Hwome ku huxsa tuthüt awanle chang koxba, hwome ku khünaknu hato ku kaxho apukse ilaxle ngole hüikya ochax zanglom hia ochax mwottho hwome danle toxdaose.

EZEKEL 20:18

Ikoxle kue hwom khama tüikya tsünzün thom ang kaxkhün koxle thüi: Hünzom pu-pa hwome zingkya wanlombu taxthom ngo; hwome bangkya zanglom-saikha taxto ngo chichangba hwom chapabu füi hünzom chitsaokya ang taxachang.

EZEKEL 33:4

Ija tinglyetkya zing atatle chang füima owawae mik-hingle chingo, zannokbu nguilaxle chix lang, ile jangchang thüikoxle chix mik maxkya bama chix thaikya ang laxüi.

ZEKARIA 7:7

Ija a pongwang angkya nguapabu makhange Jowanpae akaxkya kax. Hepongma Jerusalem ahak-aluale tamchu khünaknue awang laxle tüikya. Tingnu akhople tüikya ting-nok to tata le chichangle shuathongchi angkya haxnu chabu to lünle khünaknu huanuma tüikya.

2 PUKAX-PANGAO 30:6

Ahyenkya kax ija füi, wanghompa hia chix nguakax-wangkhobu kaxtom ma, kaxhomixbu a Judah hia Israel haxtok pangkha towüi aham: “Israel khünaknu, hünzom, Siria noke kem chaxwan tingtakle changpongma azangkyabu, athaxpi hünzom pangwüi Jowanpa, Abraham, Isak hia Jakop hwom Zang hato mongchatle changhüi, ile jangchangba chixchu hünzom hato chatüi.

JEREMIA 3:14

“Mongong chitüikya khünakbu, chatlax; hünzom a ku kux changle. Kue hünzom kha angkya tingnu foto khünak tuipong, saxthom foto khünak tuipongle laxüi ilaxle hünzom a kue Zaion Haxnu to chatle apüiüi.

JEREMIA 25:8

“Ija khoma, hünzome ku kax to chiapale chang koxle, Jowanpa Khüthak Zang-e thüile,

EZEKEL 14:6

“Idaile athaxpi Jowanpa Khüthak Zang, kue hwom füi akaxle ngokya kax hwom hama apuakox: Mong chatlax ilaxle hünzom zakkop chapabu dantoxlax.

DANEL 9:6

Kwome nang dapa aje hwom kax to chiapa. Nang mün ma kwom wanghom hwom hia noknusa füi akaxkya a hwom changkya.