ZEFANIA 3:9 - OTSAO BAIBEL (BSI)

⁹ “Ifüima kue jat-li angkya khünaknu mong alop ang tomüi, ilaxle hwome ku to jopkya boma mama baozangbu owa tochu chijop chitoüi. Hwome pangnusae ku kax ma laxle changüi.

ZEFANIA 3:9 ပူးပေါင်းရင်းမြစ်များ

PONGWANG LAIPEX 11:1

Owangpong ma zangfang angkya khünaknu nok wüi kax tuita ma akaxle tüikya ilaxle hwome zangwün tuita ma wün.

ISAIA 19:18

Chemtue ija hanpak nguile hüiüihex, Ibri zangwün a Ijip nok angkya tingnu aga ma wünüi. Ikhato ngole tüikya khünakbue Jowanpa Khüthak Zang mün ma tsaotsütle changüi. Hwom kha angkya tingnu tuita ang: “Zanghan Tingnu”, le nyaküi.

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

ZEKARIA 2:11

Ipongma jat-libu tüle-tüle Jowanpa tamchu chix khünaknu hato nguiüi. Chix a hünzom khama ngoüi, ilaxle ku a chixe ahüikya changpule hünzome awan ang kopüi.

HABAKUK 2:14

Ikoxle chaxwannu a, tinu thün ma tie awangle tüikya lailaile, Jowanpa fuazang tsingkyae awangle tüiüi.

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

MATHI 12:35

Khünak müikya mixe ma mong ma müikya athün thomkya tokhange müikya oli alaile; chimüikya mixe ma mong ma chimüikya athün thomkya tokhange chimüikya oli alaile.

ZEKARIA 14:9

Ifüima Jowanpa a chaxwannu ma wanghompa ang changüi; noknusae chix a Zang changpule shwomüi ilaxle ija mün tuita mawüi chix tsingle laxdaoüi.

MIKNGÜN-OHÜN 11:15

Ifüima kaxtaimix anüt lükyae chix nyazong müt, ilaxle zangkangting to tüle-tüle azaxle hwome thüi: Chaxwan apün angkya tsakzong, athax a kem Jowanpa tamchu, chix Messaiah kux changle; othuithuima chixe apünüi!

ZEFANIA 2:11

Jowanpae hwom chabüt-lasünle chang ang tomüi. Chixe ija chaxwannu angkya baozangbu chem angchu chichangle ahikle awütdaoüi, ifüima jat-li pangnusae, ma chaxwan khokho to chix to shwom-töle changüi.

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

MÜNCHUAK-TSAI 113:3

Handün makhange hannop kople Jowanpa mün achuakle changkox!

PONGWANG LAIPEX 4:26

Seth ang lüka naosa tüi. Chixe ija nao ang Enosh le amün. Ipongma khünaknue zangshwom pongma Jowanpa münlün angkya owang wang.

ISAIA 57:19

Kue pangnusa ang mongsom koxpu, hoxkyabu tamchu tsailo tokyabu pangwüi to! Kue ku khünaknu kak amüiüi.

EZEKEL 37:17

Ifüima ija pünthom anyi otuntun apongle tuita ang achangle nang chak füi koplax.

ISAIA 6:7

Chixe ija chuale ngokya wünhandix füi ku tun ma lyet ilaxle thüi: “ijae nang tunpün to lyetdaoa, athaxpi nang thaikya maxdaoa, ilaxle nang ochaxbu thailak tüidaoa.”