ZEFANIA 3:8 - OTSAO BAIBEL (BSI)

⁸ “Jowanpae thüi: ‘Nuibang!’ Kue jat-libu pangwüi ma tsaitox-kaxfele changkya nyix tanle nuilax. Kue ku mongtsik mongma tsak-zong atsangle hüikya hwome awanle laxle chang angkya hanpakma jat-li hia wangtingbu asox ang tom angkya ku mong ma zangwünle tsuakdaoa. Ku küntsik-mongmakya chaxwannu pangwüi max ang tomüi.

ZEFANIA 3:8 ပူးပေါင်းရင်းမြစ်များ

JOEL 3:2

Ku jat-libu pangwüi asox ang tomüi ilaxle hwom a kaxfün lax angkya haxsha to apüiüi. Ikhama kue hwom bama kax fünüi hwome ku khünakbu to hwondaokya pangnu bama kaxfün faüi.

ZEFANIA 1:18

Jowanpae chix chabüt-lasün ngünle laxkya nyix, hwom ma tüikya hun hia khopbue ngaxchu hwom khose ang müntho. Chaxwannu komkaile chix mongtsik wün füi bakle amütüi. Chixe chaxwan tok ma ngokya noknusa hato sünto ashuk angkya chaxwan zanghan apüile faüi.

MIKA 7:7

Ikoxlechu kue a Jowanpa hanpakma nyele ngoüi; ku khosünle kop angkya Zang bama kue mongao chitüile tanle nuiüi.

MÜNCHUAK-TSAI 27:14

Jowanpa to mongong tüikox. Mongong tüikox, mong taxatho. Jowanpa to mongongkya tüikox.

2 PITAR 3:10

Ikoxlechu Jowanpa Nyix a ahuxmix ningle nguiüi. Ija nyix zangdingbu tüle-tüle ozing alai le azutle paoüi, üntoxle ding to tüikyabu tüle-tüle khamkyae ashunle amütüi, üntoxle haxwannuchu ikhama tüikya zünmok füi afomle maxüi.

MIKNGÜN-OHÜN 16:14

Hwom a ohünotünbu mokle ahokya haxshix chasabu changle. Khüthak Zang Hanpak Nyix azan angkya hanpakma chaxwannu angkya wanghombu komle sele afox ang, ibu chasa azom hwom hato pao.

MATHI 25:32

Chaxwannu angkya khünaknu pangnu chixe ma pomtho ma afox ang tomüi. Ifüima chun-nyetmixe zwon hia chun süikya ningle hwom othom anyi ang achangle ahanüi.

HABAKUK 2:3

Ija a chakza ma koplax thomlax, chemthüikoxle ija changle ngai angkya hanpak mangui. Ikoxlechu hanpak a chwonle wüi hüile ngole, ilaxle kue nang hama chem ahodaopuix ija otsingtsingle changle hüiüi. Ija ngui ang süshenkya ningle sütkoxlax, ikoxlechu ija tanle nüilax; ija changle ngai angkya jaojao, ilaxle hanpak alüile münlaxüi.

HOSIA 12:6

Idaile athax, Jakop su-sa hwom, Zang to mongong tüilax ilaxle chix hato chatlax. Mongkoxle chix thothalax ilaxle sukya kaxfün ma ngolax, ilaxle hünzom Zang-e mok angkya to adule tanlax.

ISAIA 30:18

Ikoxlechu Jowanpa a hünzom hato chingcha aho ang tanle ngonuiüi. Chix a hünzom to chingcha ang jento achwon ngole chemthüikoxle chixe othuithuima sukya mokpu. Opange Jowanpa to mongong thomtsuak puix hwom a mongmüi khünakbu changle.

TSAITAX-NGAONÜI 8:6

Ku mongkün zongto wüi chichangba mama zongto nang mongka hakdao; Ku boboma nang ahuijak füi owa to chu taxkün. Mongkün a zikmüt-mangkho büta janzüi füikya changle; zao-hi-sungkya zikmüt-mangkho füi tomwüile tsak-zongle tüipu. Ija ma wünnu dong lüjao wünchua laile ilaxle tsanwün lailaile zokle ashunle.

WANWÜNKAX 20:22

Thaikya tsangthom angkya nang tata akhang ma taxlax. Jowanpa to onglax jangchangba chixe achangle zingüi.

MÜNCHUAK-TSAI 123:2

Chemle dapa tuitae ma hopupa to ongpuix, chemle dacha tuita ma hopunu to ongpuix, ija lailaile nange kwom to chingchale machang tanto kwome nang to hule ngoüi, O Jowanpa, kwom Zang.

MÜNCHUAK-TSAI 62:5

Kue Zang tata to mongong tüipu; kue ku monghom chix ma thompu.

MÜNCHUAK-TSAI 62:1

Zang-e ku khosünle kop angkya hanpakma adule tanngopu; kue chix totix onglaxle ngopu.

MÜNCHUAK-TSAI 37:34

Nang monghom Jowanpa ma thomlax ilaxle chix kaxtombu kax ma laxlax; hünzom ang haxtok koxle chixe hünzom achuak-achenle changüi, üntoxle chichang-chizangkya khünakbu jwonle apaokya hünzome ngün ang kopüi.

MÜNCHUAK-TSAI 37:7

Adukya tüikox üntoxle Jowanpa mok angkya tanle changkox; ahak-aluale changkyabu hanpakma mong taxthang chichangba hwom ochax mwotbu ma ozalünkya bama taxaban.

MÜNCHUAK-TSAI 12:5

“Ikoxchu athax ku nguiüi, chemthüikoxle chitüi-chinangbu to afangle thomkya üntoxle zothup apongkyabue hwom to kak-koxle wotle. Hwome lomkya khosün kue hwom ang koxüi”, le Jowanpa thüile.

MIKNGÜN-OHÜN 16:1

Kaxtaimix anüt füi zangshwom-hom tokhange akaxkya kaxzing kue ile atat: “Paolax üntoxle ibu Zang mongtsik khongbu chaxwannu to thokkox!”

MÜNCHUAK-TSAI 79:5

Jowanpa, nang a kwom füi othuithuima mongmale ngo angkya hia? Nang mongtsik a chizakle wün ningle chuale ngo angkya hia?

MÜNCHUAK-TSAI 79:6

Nang mongtsik a nang to shwom-tole chichangkya tingnok hato apaokox, nang to jop-tole chichangkya khünaknu hato a.

ISAIA 14:26

Ija a chaxwannu hanpakma kue mok angkya mwot, ilaxle jat-libu to sikangün angkya ku chak thüile tüile.”

JEREMIA 10:25

Nang mongtsik a nang to chishwomkya nok chito apaokox ilaxle nang pongle chikopkya nok chito a. Hwome nang khünaknu langhudaoa; hwome kwom komkaile jao amütdaoa ilaxle kwom chaxwan pünle ama toxdaoa.

HAGAI 2:22

ilaxle wangtingbu tsungle thokle hwom tsak-zong amütüi khakha. Kue man-kanlin hia ija ahamkya khünakbu asongle thoküi; manbu a zile paoüi ilaxle ibu zopkya khünakbue tata alang-ahuakle changüi.

ISAIA 34:2

Jowanpa ang chaxwannu nok hia hwom süpahibu füi mongmale. Chixe hwom max angkya hanpakma ahaile changdaoa.

ISAIA 63:6

Ku mongtsik füi kue chaxwannu nok to cha füi nak ilaxle hwom tingle akhün. Kue hwom aji a hax ma thokle ajen.”