ZEFANIA 3:5 - OTSAO BAIBEL (BSI)

⁵ Ikoxlechu Jowanpa a ija tingnu mawüi tüile ngo; Chixe chem supuix ija mok ikoxle chem chisupuix ija otuechu chimok. Nopfokya to chixe chix khünaknu ang sukya kaxfün fa. Ikoxlechu ikhama tüikya ochax khünakbue ojao chiazakle chisukya mwotbu mokle ngo.

ZEFANIA 3:5 ပူးပေါင်းရင်းမြစ်များ

TSAITONG-KAXTONG 32:4

“Jowanpa a pangnu tsuakkya hünzom khowapa changpu, chix lom ma nguiwangkya hia sukyakya wüi; hünzom Zang a mongong tüikya tamchu otsingtsing changpu; chixe chem supuix ilaxle oja otyatya hex ija mokle.

MANGSOP 3:23

Swomsa ma puakale tüikya ningle, atsingshokya zanghannu dün ningle.

MÜNCHUAK-TSAI 145:17

Chix mwot pangnusa towüi Jowanpa a otsao changle, chix mwot pangwüi chixe chingchajaja füi mokle.

ZEFANIA 3:15

Jowanpae hünzom sikngün azakdaoa; chixe hünzom zanpabu pangwüi apaodaoa. Jowanpa, Israel nok wanghom hünzom füi tüile; athaxpi hünzom zazyen angkya olom chemchu müntüi.

ISAIA 28:19

Ijae hünzom nopfo-nopfo to chatchatnaole chakmokle ngoüi. Hünzome ija zangnak zangngai adule hün angkya wüi. Zang-e tokhange kaxho hozün tuita hüikyae thama hozün apüi angkya changle!

ZEFANIA 3:17

Jowanpa nang Zang nang füi tüile; chixtsak chix ong makhange nange lüt ang tomüi. Jowanpae nang füi mongzom müikya tüiüi, ilaxle chix mongkün makhange chixe nang ang tsün hozün koxüi. Chix ang nang füi mongmüile tsaingaoüi,

ISAIA 12:6

Zaion ma ngole tüikya pangnusa akhong kox üntoxle tsai ngaokox! Israel nok otsao Zang a chongkya changle, ilaxle chix a chix khünaknu füi ngole.”

TSAITONG-KAXTONG 23:14

Hünzom pom a zanglom ma tsaothale thomlax, chemthüikoxle Jowanpa hünzom Zang a hünzom füi tomle pom ma, hünzom kho awa ang tamchu zan-nok to hünzome wüi anao ang tom angkya hanpakma hünzom füi womle tüile. Jowanpae hünzom hato tok ahole anong paokya li chisax-chisukya mwot chemchu taxmok.

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

ROM NOK HATO ZAKYA POL LAIZA 3:26

ikoxle athax pongea, chix otsao aho angkya hanpakma, chixe khünak ochax bama khünzule hu.

ZEKARIA 2:5

Jowanpa chixjao ija tingnu zongto wün katuk ang changüi ilaxle chix fuazangkya füi ikhama ngo angkya changle.”

MÜNCHUAK-TSAI 37:6

chixe nang otsao senu zatzong pongkya ningle nyan ang tomüi.

JOB LAIPEX 34:10

Hünzom awan-atsingkyabue ku kax apahüi! Khüthak Zang-e thaikya mwot mok ang chami?

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

ROM NOK HATO ZAKYA POL LAIZA 2:5

Nang ang na tüikya tokhange, Zang mongtsik hia otsao kaxfün ngaile ahokya nyix kop angkya nang sikngün mix sisile achenle.

KAXHO MÜIKYA LUK 12:2

Ikoxchutix otok to chilaitsuak angkya lima chemchu akhuple münthomüi; üntoxle awan ang chitsuak kya lima chemchu pyenle münthomüi;

ZEFANIA 2:1

Zak chitüikya jat-li, hünzom ang khangka hinglax,

HABAKUK 1:3

Nange ku ang iningkya sikngün büthüikoxle ngün ang tompu? Nange iningle achaxle mokkya to hu ang chemle ajongtho angkya? Thama hia changnong-pünthom ku akhople tüile, ilaxle pangnu khato achax-azankya hia ahe-atsikya tüingole.

MIKA 7:9

Keme Jowanpa zongto ochax lyendaoa, ikhoma keme noxtakya hanpakma keme kem füikya chix mongtsik adu angkya changle. Ikoxlechu oshuk ma chixe kem kho-awaüi ilaxle kem to thaile mokdaokyabu pangwüi achangle zingüi. Chixe kem zangngai to alaiüi; chixe kem khosünle kopkya ngün ang kem ozün ma ngoüi.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

EZEKEL 48:35

Katuk pangwüi athüt koxle fak 10, 080 pongle changle. Athax makhange ija tingnu mün a “Jowanpa a Ikhama Tüile!”, le changüi.

JEREMIA 8:12

Ku khünaknu, hünzome chichangchizang mwot ibu pangwüi moklaxle azakzi pia? Münchang, hünzom a ojao münazak; hünzome thünkhi angkya ngaxchu müntik! Ikhoma mix chemle ngolaxpuix ilailaile hünzom chuwüi nguaküi; chemtue kue hünzom to sikangünüihex, hünzom hanpakma oshuk a ija changüi. Jowanpa, kue ija kax akaxdaoa.

JEREMIA 6:15

Ibu zakkop mwotbu moklaxle hwom azak zipia? Münchang, hwom ojao münazak; hwome azakle thünkhi angkya ngaxchu müntik. Idaile mix chemle nguakpuix iningle hwomchu nguak angkya changpu; chemtue kue hwom to sikangünüihex, hwom hanpakma oshuk ang ija changüi. Jowanpa, kue ija akaxdaoa.”

JEREMIA 3:3

Ikhokhoma zang chiwatle zak, ilaxle tümikbu ma ti fuakle chilai. Nang a tsangtsa hangkya mixcha lailaile jao ngünpu; nang ma thünzak ojao chitüi.

ISAIA 50:4

Kue na-juale maxngokyabu zong adün ang chem akax angkya hex, Jowanpa Khüthak Zang-e ku hama apuadaoa, Chixe ku hama anwot-anole chang angkya apale kop angkya nopfokya to ku ang mongtsukya kox.

ISAIA 45:21

Ngui laxle khwa ma hünzom tsetwon-zangwün apüilax; hwome tata ma tikshole naxlaxkox. Chempangle changüihex ija kaiwüi owae ajele thom? Chix khünaknu khosünkya Zang, ija Jowanpa ku münchang hexmi? Iboma mama baozang owachu müntüi.

ISAIA 33:2

Jowanpa, kwom to chingcha hüi. Kwome kwom mongong nang ma thompu. Nyixfokya to kwom kho-awale thom hüi ilaxle sikngün pongma kwom sünle kop hüi.

JOB LAIPEX 8:3

Zang-e otsing kaxfün chemtuechu ajo-ajüi ang müntho; Chemtuechu sukya mwot chixe thaile mok ang müntho.

PONGWANG LAIPEX 18:25

Nange müikya khünak ochax khünakbu füi tomle max ang müntomüi. Ija atsingsho! Nange ile otuechu münmok angkya changle. Nange ile jangmok thüiningle müikya khünakbu chu ochaxbu füi tomle sikngün ang tom angkya changle. Ija a tsuak angkya oli münchang. Zangfang angkya kaxfün mixbue kaxfün changle fang angkya olom.”

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

JOB LAIPEX 7:18

Hünzome nop-fole ku to hule ano, Üntoxle janpong bato ku to wanle ano.

MÜNCHUAK-TSAI 92:15

Ija makhange Jowanpa a sukya changpule ahole, ikhoma ku kho-awapa ma thaikya ojao müntüi.

EZEKEL 18:25

“Ikoxle nang thüipu, ‘Zang-e chem mokpuix ija a sukya münchang.’ Ku kax to apalax, hünzom Israel nok. Kue mokkya olom münsule hünzome thütpuix nyi? Chisukya a hünzome ajangkya olom mix changpu.

HOSIA 14:9

Ikhama chem zale tüipuix, jetüi-hwonlangkyabue tsingle naxlaxkox, ilaxle hwome ija mong ma pongle naxkopkox. Jowanpa lomtang a otsing lomtang, ilaxle otsao khünakbu a ija lomtang ma ahamle ozün ma ngoüi, ikoxle hwome ija thajaole tüikya khoma ochax khünakbu a ija ma asuaüi ilaxle atiüi.

ZEFANIA 3:13

Ota toxle tüikya Israel khünakbue owa zongtochu thaikya mwot chimoküi, chichangba owawa dyen-nganle chang ang münazongüi. Hwom a owa thuachu za angkya chitüile ahak-aluale tamchu khosün ma ngoüi.”

HOSIA 6:5

Ikhoma kue ku ajebu, kue kaxfün fa angkya hia thama ahüi angkya kaxho füi hünzom hato ahüipu. Hünzom angkya kue laxse tsukya a tangtho üntoxle tsaothale: