ZEFANIA 3:4 - OTSAO BAIBEL (BSI)

⁴ Ajebu a hünlit ojao chilaxkyabu tamchu ong angkya kha chitüikyabu; nguapabue ikha angkya otsao chitsaokya ang achang, ilaxle ma fün amüi angkya hanpakma hwome Zang wanlom ajoajüi.

ZEFANIA 3:4 ပူးပေါင်းရင်းမြစ်များ

EZEKEL 22:26

Nguapabue ku wanlom pünle ama ilaxle otsaole thüikya to chathua zakya ojao chitüi. Hwome chitsaokya hia tsaokya nyi ojao münsüi. Hwome chitsaokya hia tsaokya oli süile chiano, ilaxle hwome Sabath nyix wünhaile. Ikhokhoma Israel khünaknue ku chathua zakya müntüi.

MALAKI 2:8

“‘Ikoxle athax hünzom zompu-zangpabu a sukya lomtang angkya cheile paopu. Hünzom hwon-nwot tokhange khünaknue huanuma ochax mok ang tompu. Kue hünzom füi Tsaotsüt laxkya hünzome amadaoa.

HOSIA 9:7

Sikngün apong angkya hanpak nguidaoa, khünaknue hwome chem mokdaopuix ija otha kop angkya hanpak a. Chemtue ija changüihex, Israel-e ija awanüi! Hünzom thüile: “Ija ajepa a ongat. Ija mix mong azwotkya mix a ongat.” Hünzom ochax chongle tüikya khoma hünzom khünaknue ku to huanuma miktsakle.

MANGSOP 2:14

Nang ajebue nang hama kaxthai zangwün boma mama kaxho angkya chitüi; Hwom hwon-nwote nang ochaxbu kotok to chialaile nang dyenle thom. Hwome nang ang künlop-monglüi angkya mwot müntüile ajang ang tom.

JEREMIA 5:31

ajebue kaxthai zangwünkya boma chemchu münwün; nguapabue ajebu kaxtom ningle apünle, ilaxle ku khünakbue ija to münchangle chithüi. Ikoxle ibu pangwüi ashukle hüikya zuma hwome chemle thüithüi?”

ISAIA 9:15

Zunu-zupa hia tüichong mixmüibu a okhang: ilaxle othai hwon-nwot apüikya ajebu a omüikuachi changüi!

MIKNGÜN-OHÜN 19:20

Ija müi hia chix thüntho ma ohünotün mwot mokle ahokya othai ajepa nyi a kun ma shole thom ang laxlaxtox. (Müi münwan koplaxle ngokyabu hia ija müi chapa to shwomkya khünakbu pangwüi chixe ibu ohünotün mwot tokhange dyenle laxkyabu changle). Ija müi hia ajepa nyi a khat wün khato ozün ma tswonle awüt.

1 JUHAN 4:1

Kutüi kunaohom, chasa tüipule athüithüi nok to taxong, ikoxle hwom ma tüikya chasa Zang tokhange hüikya changcha hex le wanle anolax. Chemthüikoxle othai ajebu pangkha towüi paoüna.

2 KORIN 11:13

Ibu a hwom mwot bama atsekya üntoxle Khrista wangshembu tomtatale naxngün ang sün aje laxle ngokya othai wangshembu changle; ibu khünakbu a otsingtsing wangshembu münchang.

MATHI 7:15

“Othai ajebu, opange hünzom hato chun khwone khwop laxle hüipuix, ibu hanpakma khünzai lax; chemthüikoxle hwom kün-mong a tuita shixkya shwon ningle tüile.

MIKA 2:11

“Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

JEREMIA 23:32

Jowanpa, kue akaxkya zangwün to apalax! Kaxthai zangwüne awangle tüikya wünmang kax akaxkya ajebu zongto ku a zanpa tuita changle. Hwome ibu wünmang baozangbu wün ilaxle ibu hwom kaxthai zangwün hia tsaichong-kaxbongkya zangwünbu füi hwome ku khünaknu lomnong to zunle paole. Kue hwom chiapao chichangba pao angkya kaxtom chifa, ilaxle khünaknu zongto hwom a chemchu chichang. Ija kax, Jowanpa kue akaxdaoa.”

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

1 SAMUEL 2:22

Athaxpi Eli a azule hüi. Sasün hwome Israel khünakbu to hwonkya chixe na to wangle chang. Hwom a Jowanpa Ngwotnui Nyihom fülom ma mwotmokle ngokya shekobu füi ngaxchu nganguile chang.

KAXFÜNPA-HWOM 9:4

Hwome chix ang Bal füikya Tsaotsüt zangshwom-hom angkya khop-jan ngunkhix 70 kox, ilaxle ija füi chixe laxli chitüikya khünak müimabu shak ilaxle chix füito azüi ang tom.

EZEKEL 44:23

“Nguapabu a ku khünaknu hama chitsaokya hia tsaokya tamchu zanglom ma chitsaokya hia tsaokya chemle mali-mali ija anwot-anole kox angkya changpu.

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’

MALAKI 2:7

Otsingtsing Zang hwon-je anwot-anole kox angkya a zompu-zangpabu mwot changle. Ku mongtex tsingle lax angkya hanpakma khünaknu a hwom hato apao angkya changpu, chemthüikoxle hwom a Jowanpa Khüthak Zang kaxho mixbu changle.

EZEKEL 22:6

Israel nok lompabu pangnusae wüi hünzom janzüi to alüile mongongle ilaxle mik amütkya mütkople.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”