ZEFANIA 3:3 - OTSAO BAIBEL (BSI)

³ Ikhama alixachongbu a ahungle ngokya mailangbu ningle; ikha angkya kaxfün mixbu a, müiza nyaxza chemchu ngainopkya zangngai thoma bang ang chitsukya, woknuak ma ngokya shwonbu ningle.

ZEFANIA 3:3 ပူးပေါင်းရင်းမြစ်များ

HABAKUK 1:8

“Hwom manbu a mailangbu füi ngaxchu sümomle, howok anole ngokya shwon füi ngaxchu za-adünle. Hwom mankho ma azankya süpahi othom tsailo nok tokhange mankho ma nguile; hwom manbue haxkha nakle akhixle. Zangshop laxle olae o to shingkya ningle hwom zikle nguile.

JEREMIA 5:6

Ikhoma faokha tokya mailang tuitae hwom langüi, faokha tokya shwonbue hwom ashikle akhixüi, ilaxle fuachaxbu hwom tinglong afünle leüi. Khünak ibu kotok to laile jangchang, hwom a ashikle akhixüi chemthüikoxle hwom ochaxbu a huanu changle ilaxle onoxnox to hwome Zang hato tok ahole.

EZEKEL 22:6

Israel nok lompabu pangnusae wüi hünzom janzüi to alüile mongongle ilaxle mik amütkya mütkople.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

WANWÜNKAX 28:15

Chichangchizangkya wanghompa tunthoma mixshix-zasabu a chifün chitüi; chix a mix to shingle hüikya chaxnu hia chepnu füi ngaxchu süshixkya changle.

ISAIA 5:29

Mailangbu müi langlaxle owaechu chix chak angkya owaechu pale chipao tho angkya nui to paolaxle tsekya ningle süpahibue sungdünle azax.

EZEKEL 33:26

Hünzome hünzom changlobu to mongong thompu. Hünzom mwotbu a nushix dongkyabu. Noknusae wüi chinunchakkaile changtüi. Hünzome chem makhange haxtok a hünzom kux changpule ajanglaxpu?

JEREMIA 23:11

Jowanpae thüile: “Ajebu hia zompu-zangpabu ma Zang müntüi; kue hwom a Zangshwom-Hom jaoma ochax mwot mokle ngokya kue lople.