ZEFANIA 3:2 - OTSAO BAIBEL (BSI)

² Ijae Jowanpa kax to najao chitha ilaxle chix wanlombu pongle chikop. Ijae Jowanpa to mongong chalomkya chitüi chichangba chix ang asunhüile chithüi.

ZEFANIA 3:2 ပူးပေါင်းရင်းမြစ်များ

JEREMIA 22:21

Nang ahak-aluale tüipongma Jowanpae nang füi zangwünpu, ikoxle nange mün-apapule angam. Nange nang tsün-tsün ma ilele wüi mokle hüipu; nange Jowanpa kax ma otuechu chilaxpu.

JEREMIA 5:3

Jowanpae otsing tomtata ma mongong tüikya mix lompu. Chixe hünzom to hongpu, ikoxle hünzome ojao nakhwop chikex; chixe hünzom zutle akhixpu, ikoxlechu hünzome awanle münkoppu le angam. Hünzom ang mong-khüi ilaxle ochaxbu tokya hünzom mong münchatpule na tüt.

JEREMIA 32:33

Hwome ku hato tok aho; ilaxle kue chizakle hwom hama anwot-anole changkoxchu, hwome ku kax to chiapa ilaxle awanle kop ang chithüi.

JEREMIA 2:30

Kue hünzom to zothuple changpu, ikoxle hünzome müikya chemchu chimok; hünzome ku ang hünzom achangle zing ang chitom. Tüle shix-makya mailang tuita ningle, hünzome hünzom ajebu langle awütpu.

ISAIA 43:22

Jowanpae thüi: “Ikoxlechu hünzom ku füi nadaoa, Israel; hünzome ku münshwom.

ISAIA 29:13

Jowanpa-e thüile: “Ibu khünake ku to shwomle le wüntüia, ikoxle hwom kaxfa ma lax angkya chemchu müntüi, ilaxle hwom kün-mong chu ojongjong towüi. Hwom zanglom a chemchu münchang ikoxle hwome mong ma kople thomkya khünake zingle alaikya wanlom hia mokle hüikya olom lanlan.

WANWÜNKAX 5:12

ilaxle nange thüiüi: “Kue chemtuechu awanle chikople chemthüikyadai? Owawae ku achangle zing ang chikoxle ku büthüi ang tüikyadai?

MÜNCHUAK-TSAI 78:22

chemthüikoxle hwome chix to mongong chitüi üntoxle chixe hwom khosün ang thoüile chiong.

MÜNCHUAK-TSAI 73:28

Ikoxlechu ku hanpakma, Zang zui ma ngo angkya chemtukuxkya ohünotün changüihex, Khüthak Jowanpa hama, chix ziamong ma ngo ang kop angkya üntoxle chu chixe chempang mokdaopuix ibu bama khuapule ngo angkya a!

MÜNCHUAK-TSAI 50:17

Hünzome ku ang hünzom achangle zing ang chitom; hünzome ku kaxtombu chilaxle awüt.

MÜNCHUAK-TSAI 10:4

Chichangchizangkya khünake Jowanpa bama tuitex chemchu müntüi; hwom mongngam makhange hwome thütle Zang a chem mwot mütüi.

NEHEMIA 9:26

“Ikoxlechu nang khünaknue nang füi alünle ajong ilaxle nang kax ma chilaxle tüi; hwome nang Wanlom hato hwom tok aho. Hwom ang kaxkhün koxkya ajebu hwome langle awüt, nang hato mong chatle hüi angkya hwom füi akaxkyabu a. Janpong bato hwome nang tha ajao,

IBRI 10:22

Idaile chimüikya tutex tokya atsao daokya mongtsangbu hia ti füi sodaokya tsangtsabu füi, künzu-mongzule üntoxle mongao chitüikya mongong füi kem Zang hato hüihax.

EZEKEL 24:13

Jerusalem, nang mongzok mwot tokhange nang chitsaokya ang achangdaoa. Kue nang atsaole fang azong koxlechu, nang a chitsaokya ang wüi achangle ngo. Ku mongtsik janzüi zongbakle ma-apongba nang a tamchatle otsao ang münachang tsuak.

JEREMIA 35:17

Ikhoma athaxpi, Jowanpa, Israel nok Khüthak Zang-e kue thama-thomshix chempang ahüi angkya tsaole thompuix, ibu pangwüi Judah hia Jerusalem hato ngui ang tomüi. Kue zangwün pongma hünzome chiapa, tamchu kue nyakpongma hünzom chitsa, ile changkya khokho ma kue ija mwot mok angkya wüi changpu.”

ISAIA 31:1

Ijip nok to fonghüile kakyabu a maxdaoa! Hwome Ijip nok ma tüikya süpahi tsak-zong — man, man-kanlin, hia cha makhange azankya süpahi, iningkyabu to ongle. Ikoxle hwome Israel nok otsao Zang, Jowanpa to a mün-ong chichangba chix ma asun angkya bama tikshole münchang.

ISAIA 1:5

Hünzome büthüikoxle alünle ajonglanle ngopu? Hünzome anaolechu sikngün süchongkya lompia? Israel, hünzom khang a thomzün-maklaxkya füi chwople tüidaoa, ilaxle hünzom kün-mong hia khangka a kakle tüile.

WANWÜNKAX 1:7

Jetüi-hwonlangle chang angkya hanpakma nang owangpa ma Jowanpa thua zakop angkya changpu. Angabue je-hwon chathua zale münchang ilaxle tsing-wanle münchangpu le angamle.

2 TIMOTHI 3:16

Otsao Lai kax pangwüi Zang zakmüt changpu; ibu a otsingtsing anwot-ano ang, thaikya to sa ang, achaxkya achang ang ilaxle sukya tsün ngo angkya bama adangle fakya, ibu hanpakma laxli changle;

JEREMIA 13:25

Chixe ija a hünzom osho ang changüile thüidaoa. Ija a chixe hünzom to ile moküile chix mong ma zangwün tsuakkya olom changpu, chemthüikoxle hünzome chix alakle asam ilaxle mixnok baozangbu to mongong ang sütkoxkha.

EZEKEL 22:24

Chixe thüi: “Ziün angkya khünak, Israel nok hama, hwom haxtok a müntsao, ikhoma kue ku mongtsik füi hwom to sikangünpu, le thüikox.

ISAIA 9:12

Siria a handünchi ma Filistia a hannopchi male Israel nok jok angkya hanpakma hwom wikhabu akadaoa. Ibibile changkox ngaxchu Jowanpa mongtsik mabak; athaxchu sikangün angkya hanpakma chix chak a ajong lüwüi tüile.

ZEFANIA 1:6

Opange ku hato tok ahopuix ilaxle ku füito azuile chichangpuix, opang ku hato chihüipuix tamchu ku ang lom azuihüi le chithüipuix, ibu pangwüi kue amaüi.”