ZEFANIA 3:1 - OTSAO BAIBEL (BSI)

¹ Ikhama ngokya ma khünaknu to zothuple alün-alox ngokya Jerusalem tingnu a maxdaoa.

ZEFANIA 3:1 ပူးပေါင်းရင်းမြစ်များ

JEREMIA 6:6

Jowanpa Khüthak Zang-e wanghom ibu ang pündak laxle Jerusalem tingnu hwople kop ang athünle zing angkya kaxkox. Chixe akax: “Kue ija tingnu to sikangünüi chemthüikoxle ikha a zothupmixbue awangle tüile.

ISAIA 59:13

Kwome nang zongto alünle changdaoa, nang chilaxle awütdaoa, ilaxle nang man müntopu le angam daoa. Kwome mix to afangle thom ilaxle nang hato tok aho. Kwom tutex a othai changpu; kwom zangwünbu a thaipu.

ISAIA 30:12

Ikoxlechu ija a Israel nok otsao Zang-e akaxkya kax changpu: “Kue chem akaxpuix ija mix hünzome ahai ikoxle changnong-pünthomle hia dyen-ngankya to mongongle.

MALAKI 3:5

Jowanpae thüi: “Hünzom khato kaxfün fa-ang ku ngaiüi, ilaxle chajik muashem mwot mokkyabu, chinunchakkaikyabu, othai kaxkhi koxkyabu, mwotmok mixbu to hingchak mün ma sip-ba le changkyabu, zomnu-khaxsabu hia mixnok wünpa to jemle tüikyabu, Ibu opange ku chathua zakya chitüipuix, hwom pangnu hanpakma, ku mik füi ngündaokya kaxkhi kox ang kue hanhomle tanle münngoüi.

ZEKARIA 7:10

Hünzom füi tomwüi ngokya zomnu hia khaxsa tamchu mixnok, tamchu owawa asun angkya lomle changkya mix, ibu to adix-adale taxtüi. Ilaxle tata to maklax ang tom angkya mwottho taxzing.’

EZEKEL 22:7

Tingnu ma hünzom opupuechu manu-mapa hwom chathua zakya mix müntüi. Hünzome mixnokbu dyenle ilaxle zomnu hia khaxsa-zasabu to jemle.

MIKA 2:2

Chemtue hwome haxtok laxse tsupuix, hwome ibu zongma pale lax; chemtue hwom hom laxse tsupuix, hwome ibu lax. Hwom thüntho ma opupu tuina chu chem chithüile thom ang chitho.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

ISAIA 5:7

Israel nok a Khüthak Jowanpa haxtok changle; Judah angkya khünaknu a küi angkya zubu changle. Chem müipuix ija moküile chixe hwom to mongong, ikoxle hwom mixe mixmik amütle chang. Chem supuix ija moküile chixe hwom to mongong, ikoxle hwome chakmokle changdaokyabue sukya kaxfün fahüile akhong.

LIWI 1:16

Chixe saxjun hia ija thomnui a tö-tsap zongma handünchi ma tüikya wünjuak thoknui to tswonle awütüi.

AMOS 4:1

Samaria angkya mixchabu, hünzom opang Bashan angkya sütkho nguikya maihubu ningle haxnut-zangfex le tüipuix, opange zong chitüikyabu to ajao-adale changpuix, mixshix-zasabu to afangle thompuix, ilaxle hünzom kakopabu ang ju-sax apüile koxngo angkya kaxtom koxle tüipuix, hünzome ku kax apalax!

AMOS 3:9

Ijip hia Ashdod nok wanghom homlobu to ngokyabu hato tsingang tomkox: “Samaria haxnu akhople tomle asox kox ilaxle ikha angkyabue mokle tsuakkya chongkya tuma-wanshix hia zikmüt-mangkhobu to hulax.”

EZEKEL 23:30

nang hato iningkyabu apüipu. Nang a chaxwannu nok hanpakma tsangtsa hangkya mixcha tuita changle ilaxle hwom chapabu makhange nang a chitsaokya ang achangdaoa.

EZEKEL 22:29

Hakpabue dyen-ngan ilaxle pa-lole chang. Hwome mixshix-zasa hwom to chichangle hwom ilaxle mixnok wünpabu to zongzong ma hwon.

JEREMIA 5:23

Ikoxle hünzom khünaknu! Hünzom a mongkhüi tamchu zan-mong füikyabu; hünzom a ku dantoxlaxle mama chito jüile pao.

JEREMIA 6:7

Tüküi tuitae ikha angkya ti tsaothale thomkya ningle, Jerusalem-e ma ochax tsaothale thomle. Changnong-pünthomkya zing hia pünle amakya zing tingnu ma kue atatle; okak-olak hia thomzün maklaxkya, ibubu ngün ang kople.