ZEFANIA 2:9 - OTSAO BAIBEL (BSI)

⁹ Ku chemle otsingtsing Jowanpa, Israel nok Zang changpuix, iningle kue, Moab hia Amon nokbu a Sodom hia Gomorah amütkya lailaile otsingtsing ma amüt angkya kue tsaopu. Hwom a othuithui hanpak ang hum tswomlua ang achang paoüi. Ija a tamchatle chimüi angkya thama ang changüi. Ikhato hingzange awangle changüi. Ku khünakbu opang ota toxle tüilaxpuix, hwome ibu haxtok laxüi.”

ZEFANIA 2:9 ပူးပေါင်းရင်းမြစ်များ

ISAIA 11:14

Okhi athütlaxle hannop chikao ma Filistia nok to singüi ilaxle handün chikao ma ngokya khünakbu tingtakle amütüi. Hwome Edom hia Moab nok hwom chak to hwople kopüi, ilaxle Amon noke hwom kax ma laxle tüiüi.

TSAITONG-KAXTONG 29:23

Haxtokbu a khat hia hum-e awangle, oziak-opua chemchu chitüile awütle thomkya kha ang ngoüi; chemchu küi-thwomle münchangüi, ikhato hingzang ngaxchu chinyemüi. Chix mong shixle tsikpongma Jowanpae amütdaokya Admah hia Zeboiim nok, Sodom hia Gomorah tingnubu ningle changüi.

ISAIA 25:10

Jowanpae Zaion Haxnukho awaüi, ikoxlechu Moab nokbu to a cha füi tingle akhünüi, chemle tsaxsa haxzao ang nakle akhixpuix ija ningle a.

JEREMIA 50:40

Kue hwom hia hozui-onam tokya tinglongbu amüt pongma Sodom hia Gomorah to chemle changpuix ija Babilon ma chuwüi changüi. Ikhato tamchatle otuechu khünak münngoüi. Ku, Jowanpae ija akaxdaoa.

JEREMIA 48:1

Ija a Moab bama Jowanpa Khüthak Zang-e akaxkya kax: “Nebo khünaknu to chingchahu a— hwom tinglong a amadaoa! Kiriathaim a kopdaoa, shingmongkya hwom zanhunuibu pünle awütdaoa, ilaxle ija angkya khünaknu ang zak-akople;

ISAIA 49:18

Nang akhople hulax ilaxle chempang changle ngopuix ngünlax! Nang khünaknu asoxle ngole — hwom a hom to nguile ngole! Chemle ku ozün ma ngokya Zang changpuix, nang a nang khünaknu hanpakma mongngamkya tüiüi, tui to juüi mixcha tuita she likwün bama ngamkya ningle.

ROM NOK HATO ZAKYA POL LAIZA 14:11

Chemthüikoxle Otsao Lai-e thüile, “Ku ozün ma tüilaxle, Jowanpa-e thüi: Pangnusa wüi ku chitong ma chikux athongüi; ilaxle pangnusae wüi, ku a Zang changpu le ngaiüi.”

ZEFANIA 3:13

Ota toxle tüikya Israel khünakbue owa zongtochu thaikya mwot chimoküi, chichangba owawa dyen-nganle chang ang münazongüi. Hwom a owa thuachu za angkya chitüile ahak-aluale tamchu khosün ma ngoüi.”

ZEFANIA 2:14

Ejongkha a mali-mali müi ozyembu ngokya nuiting ang achangüi. Okhuxbu a ija male paoünkya khato ngoüi ilaxle thangmik makhange kuku le ngaoüi. Okhabu fülombu ma ngaoüi. She hom angkya sedar pünbu pünle amaüi.

ZEFANIA 2:7

Judah khünakbu opang atale toxpuix, hwome ija hünzom haxtok laxüi. Hwome ikhato hwom chunbu danle fumtsüt ang tomüi ilaxle hwom Ashkelon hombu ma pomüi. Jowanpa hwom Zang hwom füi tomle tüiüi ilaxle hwom tamchatle ahak-aluale tüi ang tomüi.

AMOS 1:13

Jowanpae thüile: “Amon noke ochax chatchatnaole lyendaoa, ikhoma kue hwom to sikngün ang tom angkya changle. Hwom zan to kale changpongma, hwom haxsüt achen angkya hanpakma, ojongjong Gilid tingnok to hwome sütok-naowokbu to ngaxchu chakmokle.

JEREMIA 49:18

Hwom tamchu hozui-onam ma tüikya tinglongbu amütle changpongma Sodom hia Gomorah nok to chemle changpuix ija ningle Edom nok ma changüi. Ikhama tamchatle owachu chingo. Ku, Jowanpae ija akaxdaoa.

JEREMIA 46:18

Ku, Jowanpa Khüthak Zang a wanghompa changle. Ku a khüzün Zang changle. Tabor Haxnu haxhuabu to kaile tsuale tüikya ningle ilaxle Karmel Haxnu tinu to kaile tsuale tüikya ningle, nang to single hüikya mix ma janzüi ile tüiüi.

HUAKE LAIPEX 14:21

Ikoxlechu kue tsaotsütpu, ku ozün ma ngokya kople tamchu kutsak-kuzonge chaxwannu to ule ngokya kople,

JEREMIA 49:1

Ija a Amon nok bama akaxkya Jowanpa kax changle: “Israel khünakbu omaxün? Hwom haxtok khose ang owachu müntüi hia? Hwome büthüikoxle Molek baozang to shwomkyabu ang Gad hwom haxsüt koplaxle ikhato ngo ang tompu?

JEREMIA 49:33

Hazor a otuechu khünak chingokya nui-ting ang achangüi, ikhato hijan tata ngoüi. Ikhato khünak owachu tamchatle münngo. Ija kax, ku, Jowanpae akaxdaoa.”

AMOS 2:1

Jowanpae thüi: “Moab angkya khünakbue chatchatnaole ochax lyenle changdaoa, ilaxle ija khoma kue hwom to sikangün angkya wüi changpu. Hwome Edom nok wanghompa mang zokle ashunle wünjuak ang achang laxle thajao ang tomdaoa.

TSAITONG-KAXTONG 29:22

“Jowanpae hünzom haxtok hato hüi ang tomkya thama hia sikngün pangwüi, athax füichi-naoli tsünto hünzom su-sabu hia tsailo tokya mixnokbu pangnusae ngün ang kopüi.

ZEKARIA 2:13

Jowanpa tunthoma pangwüi dangjale ngohüi, chemthüikoxle chix a chix otsao ngwotnui tokya nguile ngole.