ZEFANIA 2:7 - OTSAO BAIBEL (BSI)

⁷ Judah khünakbu opang atale toxpuix, hwome ija hünzom haxtok laxüi. Hwome ikhato hwom chunbu danle fumtsüt ang tomüi ilaxle hwom Ashkelon hombu ma pomüi. Jowanpa hwom Zang hwom füi tomle tüiüi ilaxle hwom tamchatle ahak-aluale tüi ang tomüi.

ZEFANIA 2:7 ပူးပေါင်းရင်းမြစ်များ

ZEFANIA 3:20

Hanpak a hüile ngole! Kue nang khünaknu afale sam ngokyabu hom to apüiüi; kue nang chaxwannu pangnu khato wüi zangle wün ang tomüi ilaxle nang a tamchatle ahak-aluale chang ang tomüi.” Jowanpae akaxdaoa.

EZEKEL 39:25

Jowanpa Khüthak Zang-e thüile: “Ikoxlechu athax kue Jakop susa hwom, Israel nok hato chingcha ahoüi, ilaxle hwom a tamchatle ahak-aluale chang ang tomüi. Kue ku otsao mün kho awa angkya changle.

LAIPAO 4:31

Hwome mongong, ilaxle chemtue hwom hato Jowanpa nguilaxle hwome sikngün apongle ngokyabu to komkaile hule toxkya kax atatle changpuix, ipongma hwome akhuxlaxle chix shwom.

KAXHO MÜIKYA LUK 1:68

“Oman keme Jowanpa, Israel Zang achuak hax! Ma-mix to fong ang, chix nguile tüile; chixe hwom sünle kopdaoa.

MIKA 4:7

Hwom a cha-chak faile tamchu hom füi atsaile ngole, ikoxlechu atale toxkyabu füi kue jali ozün ang achangle zingüi, ilaxle hwom a chongkya jat-li tuita ang achangüi. Hetuk makhange Zaion Haxnu ma kue hwom to apün-adale changüi.”

MIKA 2:12

“Ikoxlechu Israel khünak hünzom danle toxkyabu, kue hünzom pangwüi asox-atom ang tomüi. Kue hünzom a chunbu opom to wangkya ningle pangwüi chatle asox ang tomüi. Wunsa khato chune awangle tüikya ningle, hünzom haxtok a khünaknue awangle changüi.”

OBADIA 1:19

“Shuathongchi Judah angkya khünakbue Edom haxtok kopüi; hannopchi haxnucha ma ngokyabue Filistia haxtok kopüi. Efraim hia Samaria haxtok a Israel noke kopüi; Benjamin khünakbue Gilid haxtok laxüi.

JEREMIA 33:7

Kue Judah hia Israel a huanuma ahak-alua ang tomüi, ilaxle kue hwom a amipongkya lailaile zingle amüi koxüi.

JEREMIA 29:14

Changle, kue thüipu, hünzome ku ataküi, ilaxle kue hünzom a hünzom chaxwan ma tamchatle ngo ang tomüi. Kue hünzom ojong chaxwan hia tingnok to chiakle asam thomtüipuix ibu haxtok hia onok pangkha tokya wüi kue hünzom asox-atomle changüi, ilaxle kue hünzom a ojongkha tokhange zanda ang paokya hex ija onui to chatle apüiüi. Ija kax, Jowanpa, kue akaxdaoa.’

ROM NOK HATO ZAKYA POL LAIZA 11:5

Athaxchu ija lailaile, chix chingcha khoma, Zange zünle kopkya khünak huak hidaole tüile.

WANGSHEMBU MWOT 8:40

Filip a chix lualua to Ashdot to bang; ilaxle chixe Kaisaria ma-alop ma-alop le lomjang fole pangnu tingsho towüi Kaxho Müikya apukle chat.

WANGSHEMBU MWOT 8:26

Jowanpa kaxtaimixe Filip füi akax: “Nang achwonlax üntoxle Jerusalem tokhange Gaza to lekya lom shuathongchi lom ma lelax.” (Ija lom a awütle thomdaokya lom changkya).

KAXHO MÜIKYA LUK 7:16

Hwom pangnu wüi abütkyae aban ilaxle Zang mün achuak. Hwome thüi: “Kem khama ajepa chongkya laiüna. Zang, chix khünaknu khosün ang nguile tüile!”

MIKA 4:10

Kwom-kwomlanle wotle, Jerusalem angkya khünakbu, mixnu tuitae nao ngünüi ninglea, chemthüikoxle athax hünzom tingnu dantoxlaxle kothofa to ngo angkya changle. Hünzom a Babilon to pao angkya changle, ikoxlechu Jowanpae ikhato zanpabu chak tokya hünzom khosünle kopüi.

JEREMIA 32:44

Ibu a khünaknue shakle laxüi, ilaxle shakkya laiza sohi shingle zaüi, ilaxle ngünmixbu kaxkhün laiza tüiüi. Ija a Benjamin haxsüt, Jerusalem akhople tüikya tingkhuabu, Judah tinglongbu, ilaxle haxhua tokya tinglongbu, haxcha tokya tinglongbu, ilaxle shuathongchi Judah, ibu onuibu ma changle hüiüi. Kue khünaknu a hwom chaxwan towüi chatle ating-anokle chang ang tomüi. Ku, Jowanpae ija kax akaxdaoa.”

JEREMIA 31:7

Jowanpae thüi: “Israel nok mongmüi tungle ngaokox, jat-libu khama achongkya changle. Hünzome münchuak tsai ngaokox, ‘Jowanpae chix khünaknu khosünle kople. Atale toxkyabu chixe sünle.’

JEREMIA 30:3

chemthüikoxle kue ku khünaknu, Judah hia Israel, chatle shomüi-wanmale ngo ang tom angkya hanpak nguile hüile. Kue hwom a hwom pupa hwom ang koxle tüikya haxtok to chatle apüiüi, ilaxle hwome tamchatle ija ma nokpu ang achangle ngo ang kopüi. Ija kax, Jowanpa, kue akaxdaoa.”

JEREMIA 23:3

Kue chiakle sam ang tomkya haxtok tokya atale tüikya ku khünakbu kue asox-asüiüi, ilaxle kue hwom a hwom haxtok to chatle apüiüi. Hwom ang su-sabu huanuma tüiüi ilaxle khünak huak tüle pu-tsale changüi.

JEREMIA 3:18

Israel nok a Judah füi athütüi, ilaxle hwom tomtomle shuakuxchi nok to zanda ang ngole hüikya haxtok tokya, kue hwom pupa hwom ang onyem ang hwom haxtok ang lax ang koxkya haxtok to chatüi.”

ISAIA 11:11

Chemtue ija nyix nguile hüiüihex, Jowanpa-e chix tsak-zong tamchatle twonüi ilaxle chix khünaknu opang Asiria nok hia Ijip nok, Pathros, Etheopia Elam, Babilon, tamchu Hamath ibu haxtok to tüikyabu, ilaxle tinu kax achole tüikya hia shuazo to ngole tüikyabu, ibu pangwüi ma chaxwan lomle chat ang tomüi.

MÜNCHUAK-TSAI 85:1

Jowanpa, nange nang chaxwan to chingchale tüikya; nange Israel nok tamchatle ahak-aluale chang ang tom.

PONGWANG LAIPEX 50:24

Ifüima Jusep-e hotüi-honao hwom ang thüi: “Athaxpi ku a ziüikhakha; Zang chixjao hünzom waile nguiüi ilaxle ija haxtok angkya hünzom chixe zunle paoüi.”

HAGAI 2:2

Judah nok gowarnor Zerubbabel, Nguakho Jihusua ilaxle khünaknu pangnu füi ile akax ang tom:

HAGAI 1:12

Ifüima Zerubbabel hia Jihusua üntoxle Babilon nok to zanda ang ngokya chatkya khünakbu pangwüie Jowanpa hwom ang chemle akaxpuix ile mok. Hwom za ilaxle Jowanpa kaxhomix Hagai kax ma lax.

ZEFANIA 2:9

Ku chemle otsingtsing Jowanpa, Israel nok Zang changpuix, iningle kue, Moab hia Amon nokbu a Sodom hia Gomorah amütkya lailaile otsingtsing ma amüt angkya kue tsaopu. Hwom a othuithui hanpak ang hum tswomlua ang achang paoüi. Ija a tamchatle chimüi angkya thama ang changüi. Ikhato hingzange awangle changüi. Ku khünakbu opang ota toxle tüilaxpuix, hwome ibu haxtok laxüi.”

ISAIA 14:1

Jowanpae tamchatle chix khünaknu Israel to chingchale changüi ilaxle hwom a chix khünaknu ang zünle kopüi. Chixe hwom a hwom haxtok ma wüi tamchatle ngo ang tomüi, ilaxle mixnokbu nguiüi üntoxle hwom füi tomle ikhato ngoüi.

RUT LAIPEX 1:6

Noxta ngofüima, Jowanpae hwom khünakbu to saxziak puamün ang tomle mohiman koxkya zing Naomi-e atat ang kop; ikhoma she a nomcha nyi füi Moab toxlaxle chat angkya achwon.

MÜNCHUAK-TSAI 80:14

Kwom hato chat-hüi, Khüthak Zang! Zangkangting tokhange kwom to huhüi; nguilaxle nang khünaknu khosünhüi!

ISAIA 11:16

Ikhato chizi-chimaxle tüikya chix khünaknu hanpakma Asiria akaile tit-thui lomnu tuita zingüi; ija a, hwom pupa hwom Ijip nok tokya laile pao tanto tüile ngokya ningle changüi.

ISAIA 32:14

Chongwang homlo ngaxchu wüi dantoxüi ilaxle pongwün tingnu owüiole awüt-toxüi. Hom-hax hia zanhunui chempange hwom khosünle thomkyahex ibu pangwüi othuithui hanpak ang amaüi. Fao mantsakbu ikhato ahamüi, ilaxle chunbue ikhato fumtsütle saxüi.

JEREMIA 29:10

“Jowanpae thüile: ‘Chemtue Babilon nok zanglao puzombün kaile leüihex, kue hünzom hato chingcha ahoüi ilaxle ku kaxtsao ningle hünzom a hom to chatle ngui ang tomüi.

JEREMIA 33:12

Jowanpa Khüthak Zang-e thüi: “Ija haxtok oja sak-hax ningle tüipuix, ojongkha ma khünak hia müi chemchu chingo puix, ikhato tamchatle chunnyetpabue hwom chun nyele changtsuak angkya müi fumtsüt nui tüiüi.

JEREMIA 47:5

Gaza angkya khünaknu hato huanu mongma hüidaoa, ilaxle Ashkelon angkya khünaknu a dang daoa. Mama Filistia nokbue chemtukux mang sople ngoüi?

HOSIA 6:11

“Judah angkya khünaknu, hünzom hanpakma, hünzome mokle ngokya khoma hünzom sikangün angkya bama kue lyettex-hantyale thomle.

ZEFANIA 3:13

Ota toxle tüikya Israel khünakbue owa zongtochu thaikya mwot chimoküi, chichangba owawa dyen-nganle chang ang münazongüi. Hwom a owa thuachu za angkya chitüile ahak-aluale tamchu khosün ma ngoüi.”

ISAIA 11:14

Okhi athütlaxle hannop chikao ma Filistia nok to singüi ilaxle handün chikao ma ngokya khünakbu tingtakle amütüi. Hwome Edom hia Moab nok hwom chak to hwople kopüi, ilaxle Amon noke hwom kax ma laxle tüiüi.