ZEFANIA 1:2 - OTSAO BAIBEL (BSI)

² Jowanpae thüi: “Chaxwannu ma atüitüi komkaile kue amütüi,

ZEFANIA 1:2 ပူးပေါင်းရင်းမြစ်များ

MIKA 7:13

Ikoxlechu ikhama ngole tüikya khünaknu khoma haxtok a sak-hax ang achangüi.

JEREMIA 36:29

Wanghompa füi akax angkya kax ija Jowanpae ku füi akax: “Nange laitün a zokle ashundaoa, ilaxle Babilon nok wanghompa nguilaxle ija haxtok pün-pakle ama angkya ilaxle ima tüikya khünaknu hia müi pangwüi langle awüt angkya chixe chemkhoma zapule Jeremia ma atüidaoa.

JEREMIA 34:22

Kue hwom ang kaxkoxle changüi ilaxle hwom a ija tingnu hato chatüi. Hwome ija to singüi, ija hwople kopüi, ilaxle ija zokle ashunüi. Kue Judah angkya tingnubu a owachu chingokya sak-hax ang achangüi. Ku, Jowanpae ija akaxdaoa.”

ISAIA 6:11

Kue atüi: “Ija, iningle chemtukux changle ngoüi?” Chixe lan: “Tingnu maxlaxle tamting ang machang tanto: chaxwan longkho jaojao owachu chingokya nuiting ang achangle awütle matox tanto, ile ngoüi.

2 PUKAX-PANGAO 36:21

Ile changkya tokhange: “Otuechu chitole awüt thomkya Sabath nazakle nuikya ang achangle haxtok a zanglao 70 man chizaikya haxtok ang thomüi”, le Jowanpae chix ajepa Jeremia makhange ajekya kax changle ngai ang tom.

PONGWANG LAIPEX 6:7

chixe thüi: “Kue zingle alaikya khünak ibu kue bakle amütüi. Müi-nyax hia o-juxbu su-sa wüi amütüi, chemthüikoxle ibu pangwüi zingle alaikya bama ku ang mongmale.”

JEREMIA 7:20

Ikhoma ku, Jowanpa Khüthak Zang-e za-adünkya ku mongtsik ija Zangshwom-Homnu ding ma thoküi. Kue ija khünakbu hia müibu ding ma tomwüi thokle adütüi, ilaxle pünzua hia tsaxsa-hikhabu pangwüi ding ma thoküi. Ku mongtsik a owaechu amüt ang chithokya wünnu ningle changüi.

2 PUKAX-PANGAO 24:24

Khünaknue Jowanpa, hwom pupa hwom Zang chilaxle awütkya khoma, Siria nok süpahi hiadaole wüi changkoxchu müimamale tüikya Judah nok süpahibu to lüt ang chixe tom. Ija ningle wanghompa Joash to sikangün.

MANGSOP 2:17

Jowanpae oshukma chixe moküile azakya mokdaoa: Chixe kem chingcha ojao chitüile amadaoa, kaitanto wüi chixe kaxkhün koxle thomdaokya ningle. Chixe kem zanpabu ang lütkya koxdaoa, kem nguakkya to hwom mongmüi ang tomdaoa.