WANWÜNKAX 8:8 - OTSAO BAIBEL (BSI)

⁸ Kue chem akaxpuix pangwüi changkyakya wüi; othai chichangba chichangkya lom to zunle paofang chemchu müntüi.

WANWÜNKAX 8:8 ပူးပေါင်းရင်းမြစ်များ

JUHAN 7:46

Süpahibue lan: “Khünaknake ija mixsün ningle zangwünkya mix matüi!”

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

MÜNCHUAK-TSAI 12:6

Jowanpa kaxtsao to mongong ang tsuaküi; ibu a wün khato othom anüt ma akham daokya otsingtsing khop-jan tukuxle changpu.

ISAIA 63:1

“Edom nok tokya Bozrah tokhange nguile ngokya mix ija owa? Ija khidak-khisumle aza-apua laxle, zikle nguingokya tsak-zong hia janzüi ma?” “Khosün angkya tsak-zong füi, zan to lütkya apuk ang nguile ngokya a Jowanpa changle.”

ISAIA 45:23

Ku kaxtsao a otsingtsing changpu, ilaxle ija alüix angkya münchang. Ikhoma ku chemle tüipuix ile kue tsaosaxpu; Noknusa wüi ku hato nguiüi ilaxle akhuxüi ilaxle ku kax ma laxle ngo angkya tsaosaxüi.

TSAITONG-KAXTONG 32:5

Ikoxlechu hünzom a mongong chitüikyabu, chix khünaknu ang chang koxle chiasukyabu, ochax tamchu tsetselopkya jat-li.

FILIPI 2:15

ikoxletix chimüikya chaxwannu hia ochax khünakbu füi tomle ngokya okhonguikya Zangsu Zangsabu ningle ilaxle mixe omale thüi angkya olom chemchu chitüi le hünzom tsaotha le changüi. Hünzom khüzün tsün bama kaxho fakya zuma, lyettsibue zangding to nyankya lailaile hünzomechu hwom khato nyan angkya changle.

WANWÜNKAX 2:15

tüipule mongong angkya chitüikya khünakbu.

WANWÜNKAX 4:2

Kue nang hama anwot-anole ngokya a müikya changpu, idaile ibu pangwüi akax-adangle thomlax.

WANWÜNKAX 14:6

Je-hwon wanjaile ngokya khünak tuitae otuechu ija münataktsuak, ikoxle je füi lomkya khünake ija ochwon ma atakle.