WANWÜNKAX 8:17 - OTSAO BAIBEL (BSI)

¹⁷ Kue ku to mongkünkyabu to mongkünle; opange ku lompuix ibue ku ataktsuaküi.

WANWÜNKAX 8:17 ပူးပေါင်းရင်းမြစ်များ

JUHAN 14:23

Jisu-e lanle chix ang thüi: “Owawae ku to mongkünkya jangtüi thüiningle, chixe ku kax ma laxle tüiüi. Apae chix to mongkünüi; Apa kukhi chix hato nguiüi ilaxle chix füi ngoüi.

JUHAN 14:21

“Owae ku kaxtombu pongle koppuix, üntoxle ija kax ma laxle tüipuix; changle chixe ku to mongkünkya a. Owae ku to mongkün puix, Apae chix to künüi; kuechu wüi chix to mongkünüi ilaxle ku lailai to chix hato ngaile ahoüi.”

MÜNCHUAK-TSAI 91:14

Zang-e thüile: “Opange ku to mongkün puix, kue hwom khosünüi ilaxle ku ang Jowanpa le ekyabu kho kue awaüi.

ISAIA 55:6

Jowanpa hato chatlax ilaxle chix to zangjoplax, athax chix a hoxhoxle tüile.

1 SAMUEL 2:30

Ku, Jowanpa, Israel nok Zang-e ledaokya ma hünzom homkhae ngua mwot mokle ku thotha angkya hex-ole tsaokya changpu. Ikoxle athax kue thüipu, kue ija tsaotsüt münthom ngoüi! Itülüi, opange ku achuak-achenle changpuix, kue hwom achuaküi, ilaxle ku wünhaile changkyabu to kue e-ma chilaxle hupu.

1 JUHAN 4:19

Pongwang ma Zange mongkün ikhoma keme mongkünpu.

ISAIA 45:19

Kue huxsa ma zang chiwün chichangba ku mongtex pyenle chithom. Kue Israel khünaknu ang khünak chingokya haxtok to ku lomlaxle chithüi. Ku a Jowanpa changle, ilaxle kue kaxtsing zang wünpu; Chem supuix ija kue awanle fapu.”

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

JUHAN 16:27

Chemthüikoxle Apa chix jaojaoe hünzom to mongkünle. Hünzome ku to mongkün tamchu ku a Zang tokhange hüikya changpu le mongongkya khoma Apae hünzom to mongkünkya changle.

MARK 10:14

Ikoxle Jisu-e ija ngünkya zuma, mongto kaklaxle, hwom ang thüi: “Naosombu ku hato hüi ang laxkox; hwom taxabax; chemthüikoxle Zang Wangting a iningkyabu kux changle.

WANWÜNKAX 1:28

Ipongma hünzome je-hwon to nyaküi, ikoxlechu kue münlanüi. Hünzome ku pangnu chito lomüi, ikoxlechu hünzome ku münatak.

HWON-NWOT-JAONO 12:1

Ikhoma nange: “Ku ku tsün füi mongzom müikya müntüi”, le thüi angkya chisumüikya chaxwan zanghan hüiüi thoma, nang tsünzün ma tüipongma nang Zingpupa texle ataklax le thüikya angchu achangle tüile.

JUHAN 7:37

Athax pangpwon ashukkya tamchu akhokya nyix Jisu ajonglaxle azaxle thüi: “Owawa ti alanle ngokya mix jangtüi, chix ku hato nguilax, ilaxle ti linglax;

2 PUKAX-PANGAO 34:3

Josiah wanghom ang achangkya zanglao 8 lükya to, athaxchu chix naosün ang tüitan, chixe hopu Dawid Zang to shwom ang süt. Zanglao ali füima chixe songsari baozangbu to shwomkya onuibu, baozangchanu Asherah muabu ilaxle mama chapabu, ibu pangwüi ama ang süt.

WANWÜNKAX 2:4

Nange chemtukux azongle hun-khop chichangba pyenle thomkya tuina lomle changpuix itukux khütkhile je-hwon lomkox.

WANWÜNKAX 2:5

Nange ile jangmok thüiba, Jowanpa thua zapu tamchu Zang tsing-wanpule chem ang nyakpuix ija awanle laxüi.

WANWÜNKAX 4:6

Je-hwon danle taxtox, she-e nang kho-awa angkya changle; she to mongkün tüilax jangchangba she-e nang khüzün müile thomüi.

WANWÜNKAX 8:16

Chaxwannu ma apün-awangkya pangnusae wüi kue fongle tix apünpu, iningle nguawang hia wangnak-wangshembue chuwüi kue fongle tix apünpu.

TSAITAX-NGAONÜI 3:4

Ku hwom ha angkya atsaile paosheme, kue chix atak. Kue chix to künle kop ilaxle anu hom to, ku puxkya nuilua to apüile machang tanto kue chix danle chiapao.

JUHAN 5:4

Chemthüikoxle onoxnox ma Jowanpa kaxtaimix tiküi khato julaxle ti to lüixle tox; ilaxle tüta mix wüi changlax, ija ti aloxkya füi tomle pongwang ma ti to ting ang kopkya mix, chix ma tüta ningkya kak tüikoxchu müi.