WANWÜNKAX 8:15 - OTSAO BAIBEL (BSI)

¹⁵ Wanghombu to kue apün ang fongpu pünpa-chongwangbu to müikya wanlombu zing ang fongpu.

WANWÜNKAX 8:15 ပူးပေါင်းရင်းမြစ်များ

ROM NOK HATO ZAKYA POL LAIZA 13:1

Chaxwan apün-awangkyabu kax ma pangnusae wüi lax angkya changpu, chemthüikoxle Zange chifakya apün-awang angkya olom chemchu müntüi, ilaxle apün-awangle ngokyabu angchu zong Zange fapu.

DANEL 2:21

Chixe otu-owan hia hanpak-zanghan pangwüi chix chak ma kople thomle; khünak züizüi chixe wanghom ang achang ikoxle züizüi a wanghom ang ngokya amüt; Je-hia hwon koxkya a chix tix changpu.

MATHI 28:18

Hwom hato hüilaxle Jisu-e thüi: “Zangkangting hia chaxwannu pangnu thakma tsakzong komle ku ang koxdaoa.

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

DANEL 4:32

Nang a khünaknu tu angkya jwonle apaoüi, ilaxle faomüi füi tomle ngo ang tomüi, ilaxle zanglao anüt hanpakma nange maihupong lailaile fum tsütle saxle ngoüi. Ifüimatix nange khünaknu wangting pangwüi thakma Khüthak Zang ang tsak-zong tüile ilaxle ibu chixe chix mong atsutsu ang koxle changkya nange awanle laxüi.”

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

DANEL 4:25

Nang a khünaknu tukha tokya jwonle apaoüi ilaxle faomüibu khato ngo ang tomüi. Zanglao anüt hanpakma maihupong lailaile nang fum tsütle saxüi ilaxle kothofa to jipüi, ikhato nang ding to nyenti dütle changüi. Ifüima khünaknu wangting pangwüi Khüthak Zang chaktom ma tüikox-ngün-a ilaxle ija chixe chix mong atsutsu ang kox ang tho angkya chang koxngünle nange awanle laxüi.

JEREMIA 33:15

Ipongma kue Dawid sixli hwomkha angkya otsao wanghompa tuita lomüi. Ija wanghompa-e haxtok pangnu khato wüi changkya hia sukyakya moküi.

ISAIA 1:26

Kaitanto tüikya ningle kue hünzom ang pünpa-chongwangbu hia nguakax-wangkhobu koxüi. Ifüima Jerusalem ang ‘otsao hia mongong tüikya tingnu’, le nyaküi.”

MÜNCHUAK-TSAI 99:4

Chix a taitax wanghom, nange chem supuix ija to mongkün; nange Israel ma sukya kaxfün apüitsuakle; nange otsao hia masüi-mix-chilüikya apüitsuakle.

1 PUKAX-PANGAO 28:5

Chixe ku ang sasün hwom müimamale koxle, hwomkha angkya chixe Jowanpa wangting Israel nok thakma apün angkya Solomon kamle.

1 WANGHOMBU 10:9

Jowanpa nang Zang achuak kox Nang Israel nok wanghom ang achang laxle nang füi chix mongzom ibukux müipule ahodaoa, chemthüikoxle Israel hanpakma tüikya chix mongkün a oshuk chitüikya changle, ikhoma nange chix wanlom to laxle sukya kaxfün thom angkya hanpakma chixe nang wanghom ang zingpu.”

1 WANGHOMBU 5:7

Chemtue ija Solomon kaxho koppuix, Hiram ang tüle mongmüi ilaxle thüi: “Dawid ang chix man ma, ipong chongkya jat-li tuita thakma wanghom ang achang angkya iningle hwontüi-jezaikya sasün mohimankya hanpakma anyix Jowanpa ang münchong fapu!”

1 WANGHOMBU 3:28

Chemtue Israel khünakbue Solomon kaxfün zing atatle changpuix, hwom pangnusa kün-mong towüi chix hanpakma tüle achuak-achenle thüt, chemthüikoxle ifüima hwome sukya kaxfün fale tsuak angkya Zang-e chix ang je-hwon koxle thomkya hwome tsingle lax.

1 WANGHOMBU 3:9

Idaile nang khünaknu thakma kue sukya kaxfün fakya füi tamchu omüi hia oma ajatle awanle apün ang thokya lima ku ang je-hwon fahüi. Ile chichang thüiningle ibibikya nang khünaknu kue chemle apünthoüi?”

1 SAMUEL 16:1

Jowanpae Samuel ang thüi: “Nang Sol hanpakma chemtukux sople ngoüi? Kue chix a Israel nok wanghom ang münlaxle awütpu. Ikoxle athax olip münga hidaole koplax ilaxle Bethlehem to Jesse le amünkya mixsün hato kalax, chemthüikoxle kue sasün hwomkha angkya mixsün tuita a wanghom ang kamdaoa.”

1 SAMUEL 9:17

Samuel-e Sol ngünkya füi tomle Jowanpae chix ang thüi: “Kue nang hama wünkya mixsün a ija changpu. Chixe ku khünaknu thak ma apün angkya changle.”

2 PUKAX-PANGAO 1:10

idaile hwom to apün-adale ajit-awa tsuak angkya hanpakma ku ang je-hwon hia tsak-zong fahüi. Ile chichang thüikoxle nang khünaknu ibibi to kue chemle ajit-awa ang thoüi?”

MÜNCHUAK-TSAI 2:10

Hünzom wanghombu, athax ija kaxkhün apale koplax; ija olom awanle koplax, hünzom chaxwan apünkyabue:

WANWÜNKAX 8:16

Chaxwannu ma apün-awangkya pangnusae wüi kue fongle tix apünpu, iningle nguawang hia wangnak-wangshembue chuwüi kue fongle tix apünpu.

WANWÜNKAX 29:4

Chemtue wanghome sukya kaxfün to mongkoxle changpuix, tingsho-haxkha tsak-zongle changüi, ikoxle chixe ngünkya zaza mo wünle jangchang, chixe chix ting chix nok chiakle amütüi.

2 PUKAX-PANGAO 1:11

Zang-e Solomon kax to lan: “Nange changkya wüi zünle kopdaoa. Tuina, tingtok, fua-ngamkya, zan amüt angkya hia ma tsünlwot-khothwot, ibu chichangle, ku khünaknu opang thakma kue nang wanghom ang zingle tüipuix, hwom to apün-awang tsuak angkya je-hwon hia tsak-zong jukya, nange changkya jao jupu.