WANWÜNKAX 8:13 - OTSAO BAIBEL (BSI)

¹³ Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

WANWÜNKAX 8:13 ပူးပေါင်းရင်းမြစ်များ

WANWÜNKAX 16:6

Kax ma laxle tamchu mongong-chalomle tüile, jangchangba Zang-e nang ochax thailak tüiüi. Jowanpa kax ma laxle tüilax, chichang-chizangkya nang füi chemchu münapong.

MÜNCHUAK-TSAI 97:10

Jowanpa chixe ochax thua anukyabu to mongkünle; chixe chix khünaknu khüzün kho-awale thomle; chichang-chizangkyabu tsak-zong chak tokya chixe hwom azünle thomle.

1 SAMUEL 2:3

Nang mong azaxle ngamle ngokya zakdao; nang mongngam kaxbu adang dao. Chemthüikoxle Jowanpa a chitsing-jawan changpu, ilaxle khünaknue mokkya mwot pangwüi bama kax chixe fünle.

WANWÜNKAX 4:24

Thaikya zang otuechu taxwün. Kaxthai zangwün hia dyen-lakyabu füi chemchu taxsa taxmok.

1 THESALONIKA 5:22

ilaxle chimüikya oli komle tsiakle toxkox.

1 PITAR 5:5

Ilailaile hünzom tsünzün thomchu tüichong-mixmüi hwom fang ma ngohüi. Üntoxle hünzom pangwüie, apu-achangle tata thotha ang puinaikya züpak laxhüi; chemthüikoxle Otsao Lai-e akaxle, “Ngamkya mix to Zange abaxle; puinaikya mix ang chingcha koxle.”

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.

MÜNCHUAK-TSAI 119:128

Ikhoma kue nange adangle fakyabu pangwüi kax ma laxpu; Kue thaikya lom pangwüi thua anule.

WANWÜNKAX 16:18

Mongngame olithule max angkya lom to zunüi, ilaxle mix to asongle hukyae ma adüt angkya lom to zunüi.

WANWÜNKAX 6:12

Laxli chitüikya, chichangchizang khünakbue pangnu chito atsele aham.

2 TIMOTHI 2:19

Ikoxlechu shingmong homting oja Zange zingle toxdaopuix ija a alox ang münthoüi; üntoxle ija ma ibu kax zale thomle: “Chix hanpak opang hex Zange hwom awanle ngole” ilaxle “Opange chix Zang hanpak changpu le thüiüi hex, hwom a othai mwot mokle ngokya chat angkya changle.”

ROM NOK HATO ZAKYA POL LAIZA 12:9

Mongkünkya a zongbakle kün angkya changle. Chem oma hex ija thua anu, oja müipuix ija to mongle künkop angkya changle.

ZEKARIA 8:17

Tata zongto oma ang achang angkya mwot taxmok. Tsaotsütle othai mikngün kaxkhi taxfa. Atsekya, chisukya hia tata zan to kale changkya thua ku anule.”

MÜNCHUAK-TSAI 138:6

Nang a thak to tüle tsuale tüiünbachu, nange puipa-naipa hwom to hume, ilaxle ongam füikyabu nang miksho angkya azwonle azang ang chitho.

MÜNCHUAK-TSAI 101:3

üntoxle tütue chu ochax to adu angkya münchang. Zang hato tok ahokyabu mwot-kat thua ku anule; kue hwom füi tomle sax-mok angkya chemchu müntüiüi.

WANWÜNKAX 10:31

Otsao khünakbue jekax akaxle, ikoxle ochax zangwünkya leza a zütdaoüi.

MÜNCHUAK-TSAI 119:104

Kue nang Wanlombu makhange hwon-je kople, ikhoma kue chimüikya zanglom-saikha pangwüi thua anule.

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

WANWÜNKAX 3:7

Nang zongzong ma nang a jepa tuitale taxajang; ikoxle tangthole Jowanpa kax ma laxle tüilax ilaxle thaikya mwot taxmok.

WANWÜNKAX 15:9

Chichangchizangkya khünakbu lomtang thua Jowanpa anule, ikoxle sukya mwot mokkyabu to chixe mongkünle.

ISAIA 13:11

Jowanpae thüi: “Kue chaxwannu hato thama apüiüi ilaxle hwom ochax khoma ochax khünakbu to sikangünüi. Kue mongngam füikyabu pangwüi adangüi ilaxle mix kax to na chithale hia mongshix-mongmale tüikyabu pangwüi to sikangünüi.

LAIPAO 1:17

Ikoxlechu ija naotswonnu nyi a Zang thua zakya mixcha nyi changkya, idaile hokhie wanghompa kax ma chilax, ikoxle lüka naosom azün.

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

WANWÜNKAX 16:5

Künngam-mongngam füikya khünak pangwüi thua Jowanpa anule; chixe hwom apong angkya ma sikngünbu tsiakle le ang müntom.

AMOS 6:8

Jowanpa Khüthak Zang-e chix mün ma tsaotsütle thüi: “Kue Jakop mongngamkya thua anupu, hwom hom-haxbu zaxzangle changkya to a; kue tingnu hia ima atüitüi zannok chak to komkaile danüi.”