WANWÜNKAX 6:23 - OTSAO BAIBEL (BSI)

²³ Adangle fakya ibu a wünnyan changle; achangle fakya ibue nang chemle ngokox müiüi ija anwot-anole fa ang tsuak.

WANWÜNKAX 6:23 ပူးပေါင်းရင်းမြစ်များ

MÜNCHUAK-TSAI 119:105

Nang kax a ku lomzun angkya wüntik changle ilaxle ku lomtang hanpakma wünnyan.

2 PITAR 1:19

Ikhoma ajebue apukkya kaxho to otsing changpu le kwome sisile mongongpu. Anyixningkya zangngai ang machang tanto, üntoxle hünzom mong ma nyankya lyettsi malai tanto, zangnakle ngokya khato zangngai fakya wüntik tuita ningle, ija kax to hünzome mongkox koxle müi angkya changle.

MÜNCHUAK-TSAI 19:8

Jowanpa wanlombu a otsingtsing changle, üntoxle ibu kax ma laxle tüikyabu ang mongmüi tüile. Jowanpa kaxtombu a sukya changle üntoxle tutex ma atsing-awankya koxle.

WANWÜNKAX 15:31

Nang to achangle fa pongma nange apale jangchang, nang a jetüi-hwonlangkya mix changpu.

WANWÜNKAX 4:13

Nange awanle kopdaokyabu jento texle ataklax. Tsingwankya a nang khüzün changpu: ija to müile nyethomlax.

WANWÜNKAX 4:4

ipongma apae ku hama anwot-anole chang. Chixe thüi: “Kue akaxkyabu mong ma akhax-adangle thomlax ilaxle ibu taxalak. Kue nang füi chemle akaxpuix ile moklax, jangchangba nang ozün ma ngoüi.

JEREMIA 21:8

Ifüima Jowanpae ku ang khünaknu füi akax angkya ija kax kox: “Apakoplax! Ku, Jowanpae hünzom ang khüzün lom to zunkya lomtang hia zikmüt-mangkho to zunkya lomtang nyi tütapu zünle kop ang danpu.

WANWÜNKAX 29:15

Achangle fakya hia zünkya a naosombu hanpakma amüikya. Hwom ma mongtextex lom tole ang jangthüi: ibue hwom khokho ma manu hwom ang thünzak koxüi.

WANWÜNKAX 15:24

Jetüi-hwonlangkya khünakbu a ma khüzün thakchi to alyet angkya lomtang ma ahamle, zikmüt-mangkho hato athai angkya lomnu ma münchang.

MÜNCHUAK-TSAI 141:5

Müikya khünakbue chingcha tokhange ku ang sikangün tamchu sa-male chang koxlax, ikoxlechu ochax khünakbue achuak-achenle changkya kue otuechu pongle münlax, chemthüikoxle hwome chichangchizangle mokkya ochax mwotbu hanpakma kue jento zangjople ngopu.

MIKNGÜN-OHÜN 2:5

Nang otukux atsaile dütünpuix ajangle anohu! Nang ochaxbu tokya chatlax ilaxle owang pongkya ningle sax-mok lax. Ma ochaxbu tokya nang chichat thüiningle, ku nang hato nguiüi ilaxle thomnui angkya nang wüntik dannui laxlax toxüi.

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

WANWÜNKAX 3:18

Jetüi-hwonlangkya mix ang achangkya a mongmüi mix changpu; je-hwone hwom ang khüzün faüi.

WANWÜNKAX 5:12

ilaxle nange thüiüi: “Kue chemtuechu awanle chikople chemthüikyadai? Owawae ku achangle zing ang chikoxle ku büthüi ang tüikyadai?

LIWI 19:17

“Nange ma tomzi to mongto khax-khule taxchang, ikoxle hünzom ba angkya zangwün zingmüi ma tsuakdao, ile changkox tix wüi hwom zongto nange ochax lyenkya müntüiüi.

PONGWANG LAIPEX 39:8

Chixe ile münchangpu le ado ilaxle thüi: “Hulax, ku hopunue, homkha ma ku tüikya khoma tütali tochu chix khangza ma kak angkya ojao chitüi. Ija a chixe ku ang pangwüi to hume ang tsankoxle.

MÜNCHUAK-TSAI 119:130

Nang hwon-nwot akhix-akhanle wünkyae zangngai fale.

WANWÜNKAX 10:17

Hwom to achangle fapongma apakya khünakbu ozün ma ngoüi, ikoxle hwom thaikya to thaidaokox-ale chithüi tsuakkya khünak thama ma tüile.

HWON-NWOT-JAONO 7:5

Ongatbue nang achuakle tsai ngaokya füi je füikya khünake sa-male changkya wüi amüikya.

HWON-NWOT-JAONO 7:26

Kue zik füi ngaxchu sükhaxkya atakle—kam thale thomkya lailaikya sheko a. She-e koxkya mongkün ma nang a nya ma manpupule amanüi, ilaxle nang to künkya she chak-e tuita janbüi ningle nang to khakle kopüi. Zang mongzom amüikya khünak tuita paole azang ang tsuaküi, ikoxlechu ochaxbu a she-e amanle kopüi.

EZEKEL 20:11

Ibu kax ma laxle changkya hato khüzün apüi angkya ku kaxtombu hwom ang kox ilaxle ku wanlombu anole kox.