WANWÜNKAX 6:14 - OTSAO BAIBEL (BSI)

¹⁴ ipongma chimüikya hwom tutex ma chichang-chizangkya mwottho zing, ilaxle pangnu chito wüi cheile tingtui adün.

WANWÜNKAX 6:14 ပူးပေါင်းရင်းမြစ်များ

MIKA 2:1

Mik azangle shuile ngo üntoxle ochax mwotlom zingle ngokyabu hanpakma chemtukux khomtsi angkya tüipuix! Chemtue huazungle zangngaipuix, hwome oshua müikya ziasyen atakkya füi tomle, hwome zingle thomdaokya ochax mwot hwome mok.

ROM NOK HATO ZAKYA POL LAIZA 16:17

Kutüi kunaohom, kue hünzom zongsaipu; ahak ahan angkya mix hia mongong ma khünaknu chikho asua ang kox angkya mix, owa hünzome pongle kopdaokya hwon-nwot zongto opüima tüipuix, ibu hanpakma mik-hingle ngolax; hwom füi atsaile ngolax.

HOSIA 8:7

Chemtue hwome zangwin saipuix, hwom ang zangchei puamün ang kop angkya changle! Sax chiziakkya haxtoke chemtuechu khünak süt münalaifa. Ijae alaile namfabachu, mixnokbue saxdao angkya changpu.

EZEKEL 11:2

Zang-e ku füi akax: “Ziün angkya khünak, khünak ibue chichang-chizangkya mwotlom zingle alaile ilaxle tingnu ma oma lom apuale koxle.

ISAIA 57:20

Ikoxle ochax khünakbu a, tamchu chidangle, oma-oshix hia onom-osyabu apüile ngokya tinu tichap lailai.

ISAIA 32:7

Ongat-ongüi khünak a ochax khünak changle ilaxle ochax mwot mokle; chixe atsele zangwünkya füi chitüi-chinang khünak tha ama angkya olom zingle ilaxle ibu ang hwom süntswon kop ang chitomle tsyenle.

WANWÜNKAX 22:8

Nange chisukya kaxfün oli saile jangchang, thama nyemle laiüi, ilaxle nange mix to afangle thomkya zakle paoüi.

WANWÜNKAX 21:8

Thaile ngokya khünakbu a hwom lomchei to ahamle; ikoxle chemchu chitsingkya mixe chem supuix ija mokle.

WANWÜNKAX 3:29

Nang tomzibu zongto oma mwot chemchu taxsua; hwom a nang to onglaxle nang homzui ma ngopu.

WANWÜNKAX 2:14

opange thaikya mwot mokkya ma pwonladongle changpuix ilaxle owae zakmax-thünba mwot ma mongmüi atakpuix,

MÜNCHUAK-TSAI 36:4

Hwome azünle lya ma shui laxle ochax mwot-mwot ajangle; hwome mokkya müikya tuita müntüi, üntoxle chem ochax hex ija hwome otuechu münmokpule münthüi.

MÜNCHUAK-TSAI 140:2

opange hwom mongkha to chichangle mok ang tung, ilaxle chizakle zan alai ang lüixle ngopuix.

WANWÜNKAX 16:27

Ochax khünakbue mix thomzün angkya olombu to hule; hwom zangwünbu ngaxchu ochax to thutle wün achuale.

WANWÜNKAX 17:20

Owae ochax bama ajang ilaxlechu ochax zangwünle changpuix, chixe müikya ataküile ong angkya onui müntüi: omama wüi ataküi.

WANWÜNKAX 24:8

Nange jento ochax mwottho zingle jangngo thüiningle, nang mün a tuita thama adün ngokya mix ningle lünüi.

MÜNCHUAK-TSAI 140:3

Hwome hwom lebu a pu wabu füi ngaxchu anaxle achang, ilaxle hwom tunpün ma zik-hing khunkyae awangle tüile. Selah

WANWÜNKAX 3:32

chemthüikoxle chichang-chizangkya mwot mokle ngokyabu thua Jowanpa anule, ikoxlechu otsao khünakbu to chixe mongong-chalomkya tüile.

WANWÜNKAX 14:22

Nange müi angkya olom ma mwot mokle jangchang thüiningle nange mongong hia e-sele tüikya kopüi; nang ochax hanpakma mwot mokle jangchang thüiningle, nang a thaikya ang changpu.