WANWÜNKAX 6:12 - OTSAO BAIBEL (BSI)

¹² Laxli chitüikya, chichangchizang khünakbue pangnu chito atsele aham.

WANWÜNKAX 6:12 ပူးပေါင်းရင်းမြစ်များ

MATHI 12:34

Hünzom pubu; ma chimüi khato müikya chemle akax thoüi changkoxkya. Chemthüikoxle mong chem füi awang laxle tüipuix, tun ma ibibi tix ngaipu.

WANWÜNKAX 16:27

Ochax khünakbue mix thomzün angkya olombu to hule; hwom zangwünbu ngaxchu ochax to thutle wün achuale.

WANWÜNKAX 4:24

Thaikya zang otuechu taxwün. Kaxthai zangwün hia dyen-lakyabu füi chemchu taxsa taxmok.

1 TIMOTHI 5:13

Tuita hom makhange ata hom to tailaile ahamle hanpak alyet angkya hwome awan ngopu; ikoxle ifüi sümalechu, hwom za-aman ang tamchu hwom chiwomkyali khato womle, chiwün homfang zangwünle ngo ang awanle laxle.

WANGSHEMBU MWOT 20:30

Hwom füito mongong mixbu chichangkya lom to chüile apao ang hünzom khama züizüie atse le zangwün angkya hanpak tuita hüi angkya changle.

WANWÜNKAX 17:4

Ochax khünakbue ochax tutex to nathale, ilaxle atsekyabue tselop-khuatwon zangwün to nathale.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

MÜNCHUAK-TSAI 59:7

Hwome adix-adakya hia aza-anakya to apalax. Hwom lebu a hwom wikha ma changlobu tüikya lailaile, ikoxlechu owaechu hwom zing münatat le hwome thüt.

JAKOP 3:6

Le a tuita wün ningle changpu. Kem mik-chak khama le a tuita chitsaokya chongkya changle. Ijae tsangtsa komle chitsaokya ang achangle, ilaxle tsünpo ma jao wün alaile tamchu ija to haolum e wünnu adün ang tomle.

WANWÜNKAX 11:6

Otsaoe küntsao-mongthale tüikyabu khosünle, ikoxle mongong angkya chitüikya khünakbu a ma tsün ma alüile manle.

WANWÜNKAX 6:14

ipongma chimüikya hwom tutex ma chichang-chizangkya mwottho zing, ilaxle pangnu chito wüi cheile tingtui adün.

WANWÜNKAX 2:12

ilaxle thaikya mwot mok ang chitomle nang awa thomüi. Ibue ile zangwünkya khünakbu füi nang atsaile ngo ang tomüi:

MÜNCHUAK-TSAI 36:3

Hwom zangwün a chichangchizangle üntoxle thaikyae awangle tüile; oja je mwot hex üntoxle müipuix, ija hwome tam-münmok.

MÜNCHUAK-TSAI 10:7

Hwom zangwün a othuak-ozom, atsekya, üntoxle aza-anakya, ibue awangle tüile; miktsak-mongwom hia ochax bama zangwün ang hwom müimamale momle.

MÜNCHUAK-TSAI 10:3

Chichangchizangkyabu hwom ochax mongzok bama huanuma ngamle; nüfux füikya mixe Jowanpa to thuakzomle tamchu chix chilaxle awütle.

JAKOP 1:21

Idaile hünzome chitsaokya oli pangnu üntoxle awangle ngokya chimüikya ochax awütlax, üntoxle nang mong ma hüikya kax ojae nang azün ang thoüi hex, somdangle ija kax pongle koplax.

JEREMIA 24:2

Pongwang lükya tsong ma müikya fupsa pongwang ole jumkyabu shole tüikya; mama tsong ma a fupsa omabu shole tüikya, ibu a sax ang ojao chimüikya oma.

1 SAMUEL 17:28

Dawid-e hotüi tüichongpa Eliab e Dawid khünakbu füi kaxkaxle ngokya atatle lax. Chix ang Dawid füi mongtsik dong ilaxle thüi: “Nang ikhato chemmok ngopu? Faokha tokya chunbu owa ang nyelax-ole dantox daopu? Nang tsax-osa tukuxkya a! Nang azankya to hu ang hüile-o?”

WANWÜNKAX 10:32

Otsao khünakbue chingcha zangwün angkya awanle, ikoxle chichang-chizangkya khünakbue othuithuima mix mongto ma angkya olili wünle.

MÜNCHUAK-TSAI 101:3

üntoxle tütue chu ochax to adu angkya münchang. Zang hato tok ahokyabu mwot-kat thua ku anule; kue hwom füi tomle sax-mok angkya chemchu müntüiüi.

WANWÜNKAX 3:32

chemthüikoxle chichang-chizangkya mwot mokle ngokyabu thua Jowanpa anule, ikoxlechu otsao khünakbu to chixe mongong-chalomkya tüile.

WANWÜNKAX 16:30

Watyax-zonghakya khünak chingünle taxtüi; hwom ma tutex oma lita tüile.