WANWÜNKAX 5:22 - OTSAO BAIBEL (BSI)

²² Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

WANWÜNKAX 5:22 ပူးပေါင်းရင်းမြစ်များ

WANWÜNKAX 11:5

Küntsao-mongthakya khünak müikya khünak chabüt-lasünkya chitüile ngo ang tomle, ikoxle chichang-chizangkyae alüile ma max angkya atakle.

WANWÜNKAX 1:18

ikoxle iningkya khünakbue alüile ma aman angkya kam thale ngopu, ija kam na hwom manle ziüi.

MÜNCHUAK-TSAI 9:15

Songsaribue thap tho üntoxle ima dütdaoa; hwom a hwom tsün ma alüile amandaoa.

IBRI 13:4

Noke wüi aju-asomkya achuak achen angkya oli, ilaxle kakonu hia kakopabu tata chiale le ngo angkya changle. Chakzongkwonte le hia chinunchakkaile tüikyabu to Zange kaxfün angkya changle.

JEREMIA 2:19

Hünzom ochaxe hünzom towüi sikngün fa angkya changpu, ilaxle hünzome ku hato tok ahokyae hünzome wüi thajao kop angkya changpu. Jowanpa hünzom Zang ku awütle toxkya chemtukux khaxkya hex tamchu thaikya hex ija hünzome awanle laxüi, ilaxle hünzom mongong tüikya füi ku ma ngo ang chikople changüi. Ku, Jowanpa Khüthak Zang-e ija akaxdaoa.”

HWON-NWOT-JAONO 7:26

Kue zik füi ngaxchu sükhaxkya atakle—kam thale thomkya lailaikya sheko a. She-e koxkya mongkün ma nang a nya ma manpupule amanüi, ilaxle nang to künkya she chak-e tuita janbüi ningle nang to khakle kopüi. Zang mongzom amüikya khünak tuita paole azang ang tsuaküi, ikoxlechu ochaxbu a she-e amanle kopüi.

WANWÜNKAX 11:3

Nang müikya mix jangchang, nang lom a mongtsaokyae zunpu. Mongong angkya chitüikya khünakbu a hwom mong chitsaokyae amütpu.

HUAKE LAIPEX 32:23

Ikoxle hünzome ija hünzom kaxtsao chithom thüiningle, kue hünzom ang kaxkhün fapu, hünzome Jowanpa zongto ochax lyenle changüi, hulax. Ija bama hünzom thaile taxkopünlax; hünzom ochax khoma hünzome sikngün apong angkya laiüia.

KAXFÜNPA-HWOM 20:41

Ipongma Israel nok aküile chat, ilaxle Benjamin nok chabüt-lasünle chang ang tom chemthüikoxle hwom a athaxpi maxpu le hwome tikle hüi.

MÜNCHUAK-TSAI 40:12

Ku a thangnak tuitai huanue akhoplaxle tüile: okiak jaojao chithole! Ku ochaxe ku kopdaoa, ilaxle athaxpi kue ngün ang müntho; ibu a ku khangmun füi ngaxchu sütsexle tüile, ilaxle kue ku mongchen amütdaoa.

MANGSOP 1:14

“Chixe ku ochax pangwüi akhi-atak ilaxle ibu pangwüi tuita ma athop; Chixe ibu ku dingkux ma alikle kox, ilaxle ijae lixle ku ang zongsho. Jowanpa-e ku a ku zanpabu chak to kox, ilaxle ku hwom tuto chem angchu chichangle max.

KAXFÜNPA-HWOM 9:57

Hwom chichang-chizangle tüikya khoma Zang-e Shekem angkya khünakbu ang chuwüi, Gideon sasün Jotham-e apongkya ningle chixe hwom to thuakzomle changkya zuma hwome sikngün apong ang tom.

1 WANGHOMBU 18:18

Elija-e lan: “Ku a tingtui adünle ngokya mix münchang, ikoxle nang ang tingtui adünle ngokya mix changpu, nang tata chichangle hünpa hünkhi pangnyi wüi tingtui adünkya mix changle. Hünzome Jowanpa kaxtom kax ma chilaxle ilaxle Bal chapabu to shwompu.

ESTAR 9:25

Ikoxlechu Estar wanghompa hato ngui, ilaxle wanghompa-e kaxtom koxle laiza afan. Ija laiza makhange, chixe Judah nok mik-amüt ang tungkya khoma Haman-e mik max angkya atak ilaxle sasün hwom a dangzembu ma afünle lang.

JOB LAIPEX 18:8

Hwom sha-tsa khato aham ilaxle hwom cha amanlelax;

MÜNCHUAK-TSAI 9:17

Chichangchizangle tüikya hia Zang pongle chikopkyabu pangwüi oshuk a zik changle.

WANWÜNKAX 11:6

Otsaoe küntsao-mongthale tüikyabu khosünle, ikoxle mongong angkya chitüikya khünakbu a ma tsün ma alüile manle.

WANWÜNKAX 12:14

Nang hingho a nang zangwün hia nang mwot füifüi; nang chem kopsehex ija nange kopüi.

WANWÜNKAX 14:32

Chichangchizangkya khünakbue ma thomle düt angkya a hwom ochax mwot khoma atakpu, ikoxle müikya khünakbu ziakople ngo ang kopkya a hwom to ngao angkya chitüile ngotsuakkya khoma changpu.

WANWÜNKAX 18:7

Chemtue ongat khünak tuitae zangwünpuix, chixe ma hato thama sekya changpu; chix tsaifa-kaxfafa mawüi chix manle.

WANWÜNKAX 24:12

Nange ija a ku mwot jao münchangle thüi ang tsuak, ikoxle Zang-e awan-ngole ilaxle chixe nang mongjang bama kaxfün fale. Chixe nang to nyele hungole; chixe awan-ngole. Ilaxle nang mwot füifüi to chixe nang to mohimankya tüiüi.

WANWÜNKAX 26:27

Mix aman ang kam thale changkya khünak ma kam ma mawüi manle. Longnu a owae atüile wangpuix chix ding mawüi dütüi.

OBADIA 1:15

“Jowanpa, kue jat-libu hanpakma kaxfün fa angkya otu nguile hüile. Edom, nange chemle mokdaopuix ija nang to mokle faüi. Nange chem koxdaolaxpuix ija nange chatle kopüi.