WANWÜNKAX 4:2 - OTSAO BAIBEL (BSI)

² Kue nang hama anwot-anole ngokya a müikya changpu, idaile ibu pangwüi akax-adangle thomlax.

WANWÜNKAX 4:2 ပူးပေါင်းရင်းမြစ်များ

1 TIMOTHI 4:6

Nang kaxbu ilaxle nange man tole hüidaokya otsingtsing hwon-nwot füi chasa ma nang tuxle ngopongma, tüinaohom hato nange ibu adangle jangfaba, nang a tuita Jisu Khrista da müikya mix ang changüi.

TSAITONG-KAXTONG 32:2

Ku hwon-nwotbu a zangwat ti ningle dütüi ilaxle chaxwan tok ma nyenti ningle achangüi. Pünsom ding to zang anyaikya ningle ku zangwünbu dütüi, hingzang tok to watshoja jukya ningle.

TITA 1:9

Lai kax otong füi notomkya mongong tangkya kaxho to chixe mongle kop angkya changle. Iningle chixe otsingtsing hwon-nwot makhange mix ang zong adün ang thoüi ilaxlechu ija füi opüima tüikyabu hama hwom thaikya kha aho ang thoüi.

JOB LAIPEX 33:3

Ku zangwün a khünzukyabu changpu, Ilaxle kue otsingtsing akax ngopu.

JOB LAIPEX 11:4

Nange chem wünpuix ija changkyakya wüile laxtüi; Zang mikngün ma nang tsaothale tüile le nange laxtüi.

2 PUKAX-PANGAO 7:19

Ikoxlechu nang üntoxle nang khünaknu, kue koxkya wanlom hia kaxtombu kax ma chilaxle tamchu mixnok baozangbu to shwomle jangchang,

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

MÜNCHUAK-TSAI 119:87

Hwome ku balang-langsa, ikoxlechu kue nang kaxtombu chiahai.

WANWÜNKAX 3:1

Ku sa, kue nang hama anwot-anole fakya taxalak. Kue chem mok ang akaxpuix ija jento mong ma kople thomlax.

JEREMIA 35:8

Jonadab-e kwom ang adangle fakya kax pangwüi kwome laxle hüipu. Kwom jaoe ju otuechu münlingzai, ija ningle kwom kakonubuechu, kwom sasün hia sacha hwom opupuechu münlingzai.