WANWÜNKAX 4:18 - OTSAO BAIBEL (BSI)

¹⁸ Otsao khünakbu ahamkya lomtang a, anyixning ang achangle süzaxzaxle dongkya zanghan dün ningle changpu.

WANWÜNKAX 4:18 ပူးပေါင်းရင်းမြစ်များ

JUHAN 8:12

Anaolechu Jisu-e farisibu ang thüi: “Ku a chaxwannu zangngai; ku füito azuikya khünakbu zangnak ma münaham, ikoxle hwom ma khüzün zangngai tüiüi.”

JOB LAIPEX 11:17

Nang khüzün a tungto senyan füichu sünyanle changüi, Tsün ma zangnaktukkya onox a dün-nyan ningle achangüi.

DANEL 12:3

Jetüi-hwonzaikya lompabu a zangdingkho zangngai ma nyanle ngoüi. Ilaxle khünaknu hama sukya mwot mokle ngo ang anwot-anole changdaokya khünakbu a lyettsibu ningle jento nyanle ngoüi.”

2 KORIN 3:18

Idaile kem noknusae wüi thünkhung nyi chithom homle, Jowanpa fuazang ocha ngün ang tomhax; üntoxle Chasa owa, Jowanpa tokhange hüipuix, ija fuazang tuitatae wüi, kem chix lailaile otax-onüi fuazangkya ma lüile azün ang koxüi.

FILIPI 2:15

ikoxletix chimüikya chaxwannu hia ochax khünakbu füi tomle ngokya okhonguikya Zangsu Zangsabu ningle ilaxle mixe omale thüi angkya olom chemchu chitüi le hünzom tsaotha le changüi. Hünzom khüzün tsün bama kaxho fakya zuma, lyettsibue zangding to nyankya lailaile hünzomechu hwom khato nyan angkya changle.

2 PITAR 1:19

Ikhoma ajebue apukkya kaxho to otsing changpu le kwome sisile mongongpu. Anyixningkya zangngai ang machang tanto, üntoxle hünzom mong ma nyankya lyettsi malai tanto, zangnakle ngokya khato zangngai fakya wüntik tuita ningle, ija kax to hünzome mongkox koxle müi angkya changle.

MATHI 5:16

Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

MATHI 5:14

“Chaxwannu hanpakma hünzom a zangngai tuita changle; haxhua ma zingle tüikya tingnu pyen ang müntho.

MÜNCHUAK-TSAI 84:7

Hwom paole ngopongma sisile tsak-zong tüile chang; hwome Zaion ma baozangbu thak angkya Zang ngün ang kopüi.

ISAIA 26:7

Jowanpa, müikya khünakbu lyetlom nang zingle amüi; hwom ahamkya lomtang a ajitle tüile.

2 SAMUEL 23:4

chix a zangmüi puakakya nop dongkya zanghan ningle changpu, zanghan ojae zangwat füima hingzangbu chuile lai ang tompuix.”

MIKNGÜN-OHÜN 22:5

Ikhato otuechu zangnakkya müntüi, ilaxle wüntik hia zanghane fakya hwom zongto chem mwot ang münchang, chemthüikoxle Opunu Zang tix hwom zangngai ang changüi, ilaxle hwome wanghombu ang achangle othuithuima apün-adaüi.

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

MIKNGÜN-OHÜN 21:23

Ija tingnue she to nyan angkya zanghan hia lyetnu lax angkya chem mwot chitüi, chemthüikoxle Zang fuazangkyae ija to nyanle tüi tamchu ija ma wüntik ang Chun Hosa changle.

HOSIA 6:3

Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

JOB LAIPEX 23:10

Ikoxlechu ku chikap tiale Zang-e awan ngopu; chixe ku to wanle jangano; chixe ku otsaole atakse.

MATHI 5:45

Ikoxletix hünzom a zangkangting tokya Apa susabu ang achang ang tsuaküi; chemthüikoxle chixe chix zanghan füi chimüikya hia müikya khünaknu nok to tomwüi nyan ang tomle; tamchu omüi mokkya hia oma mokkya pangnu ang zangwat tomwüi fale.

JOB LAIPEX 17:9

Hwom achuak-achen koxle asule tüile le wünkya khünakbu, hwom wüi sukyabu changpule taile jikle laxpu.

MÜNCHUAK-TSAI 97:11

Otsao khünakbu to zangngaie fale, ilaxle müikyabu to mongmüie awangle.

WANWÜNKAX 2:9

Nange ku kax apale jangchang thüiningle, chem changpuix, supuix, tamchu masüi-mixlüile chichangpuix ija nange awan ang kopüi. Nange chem moksehex ija nange awan ang kopüi.

WANWÜNKAX 2:20

Idaile nange chuwüi müikya khünakbu man tolaxle tsaokya tsün ngo angkya changle.

WANWÜNKAX 13:9

Otsao khünakbu a fale zang angaikya wünzung ningle changpu; chichang-chizangkyabu a wünchua chitüikya wüntik ningle changpu.

WANWÜNKAX 15:24

Jetüi-hwonlangkya khünakbu a ma khüzün thakchi to alyet angkya lomtang ma ahamle, zikmüt-mangkho hato athai angkya lomnu ma münchang.

KAXFÜNPA-HWOM 5:31

Idaile nang zanpabu a ilele wüi naxziün, O Jowanpa, ikoxlechu nang zuikhuibu a dongüi senuja ningle naxnyan! Ifüima chaxwan tok ma zanglao 40 tumüi-lomkhaole ngo.