WANWÜNKAX 31:9 - OTSAO BAIBEL (BSI)

⁹ Ibu hanpakma wünle laxkox ilaxle sukya kaxfünpa ang changlax. Mixshix hia zasabu süntswon amüt ang taxtom.”

WANWÜNKAX 31:9 ပူးပေါင်းရင်းမြစ်များ

ISAIA 1:17

ilaxle sukya mwot mok ang awanle koplax. Kaxfün sule facha: afangle thomkya to fongcha hex, zasa-khaxsabu ang süntswon facha hex, zomnubu kho awale kopcha hexle hukoplax.”

LIWI 19:15

“Wanlom ma kaxfün fa angkya zangwün azut pongma olom ma tamchu sule mokkox; mixshix-zasabu to asongle hu ikoxle saxpu-luawang to angakle hule mapai-mixzünkya chitüile tomzi bama sukya kaxfün laxkox.

TSAITONG-KAXTONG 1:16

“Ipongma kue hwom ang adangle fapu, ‘Khünaknu khama atsi-alale changkya to hulax. Tütali bama atin-apale changkyachu otyatya kaxfün fale wüntsuakkox; ija zangwün ma hünzom zongto mamix owawa wüi changlax tamchu hünzom khato ngole hüikya mixnoksün chuwüi tüitüilax.

JEREMIA 22:3

“Jowanpa, kue nang ang chem supuix tamchu otsing changpuix ija mok angkya nang ang kaxtom koxpu. Mixdyen mixlale ngokyabu chak tokya dyen-lale asam thomkyabu kho-awa kox. Ma zuikhui nokbu, khaxsabu, thanubu, ibu to chichangchizangle taxhwon; ilaxle ija otsao nui ma chemngax chichangkya mix mik max ang taxtom.

DANEL 4:27

Idaile, wanghompa, ku kax ma laxlax. Ochax lyenkya zaklax, chem supuix ija moklax, ilaxle chitüi-chinang mix to chingchale changlax. Ile jangchang thüiningle nang tamchatle ahak-aluale chang ang tomüi.”

JEREMIA 23:5

Jowanpae thüi: “Dawid sixli hwomkha angkya kue otsao wanghom tuita zün angkya hanpak nguile hüile. Ija wanghompa-e je füi apünüi ilaxle haxtok ma pangnu khato wüi changkya hia sukya mwot moküi.

JEREMIA 5:28

hwom a nutüna ilaxle zaoüna. Hwome mokkya ochax mwot ma chem othüt müntüi. Hwome zasa-khaxsabu ang süntswon münfa chichangba afangle thomkyabu hanpakma sukya tsaifün-kaxwün münfa.

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

WANWÜNKAX 16:12

Wanghombue ochax füi adu ang müntho, chemthüikoxle tingjit-nok-awa angkya janzüi a sukya mwot mokkya matix tüipu.

JOB LAIPEX 29:12

Mixshix zasabu sop-jua pongma kue hwom to fong. Pao nui chitüikya khaxsa naobu to kue fong.

MIKNGÜN-OHÜN 19:11

Ifüima zangkangting ka daple tüikya kue ngün, ija ma mantho tuita tüikya. Ija mankho ma ngakya mix ang mongong shingmong üntoxle otsingtsing le nyak; chixe kaxfünkya hia azankyabu mwot sukya olom ma mok.

JUHAN 7:24

Otok osün to hulaxle kaxfün fakya zakün, ilaxle kaxfün changle fakox.”

ZEKARIA 7:9

“Kue ku khünaknu ang kaxtom ibu kaiwüi koxle thomdaoa: ‘Hünzome sukya kaxfün fa angkya wüi changle, ilaxle tata hato chingcha mongkün aho angkya wüi changle.

WANWÜNKAX 20:8

Wanghompa kaxfün nui ma thungle ilaxle hukya füi tomle chixe chichang-chizangkya awanle laxle.

2 SAMUEL 8:15

Dawid-e Israel nok pangwüi thakma apün ilaxle chix khünak noknusa to tomwüi ajit-awale tamchu changle apün-awang.

IBRI 1:9

Chem supuix ija to nange mongkün; chem chisupuix ija thua nang anu. Idaile Zang, nang Zange, nang zünle koppu; nang füikyabu ang koxkya süthak, nang ang mongsom hia chazakya fadaoa.”

ISAIA 11:4

chixe mixshix-zasabu bama sukya kaxfün faüi ilaxle asunfa angkya mix chitüikyabu süntom amüt ang müntomüi. Chix kaxtom ma khünaknu to sikangünkya tüiüi, ilaxle ochax khünakbua ziüi.

ZEKARIA 9:9

Mongmüikox, mongmüikox, Zaion angkya khünaknu! Mongmüi to akhong kox, hünzom Jerusalem angkya khünakbu! Hulax, hünzom wanghompa hünzom hato nguile ngole! Chix a zanbu to lütlaxle chuak-chongle nguingole, ikoxlechu mantsak kun kha angkya mantsaksa kho ma ngalaxle somdangle.

1 SAMUEL 19:4

Jonathan-e hopa pomtho ma Dawid achuakle akax: “Apa, nang dapa Dawid to nange oma chemchu taxmok. Chixe nang zongto thaikya chemchu mamok, itülüi thüikox, chixe chempang mokdaolaxpuix ibu pangwüi nang to fongkya tuita ang changwüi.

1 SAMUEL 20:32

Jonathan-e lan: “Chix a chemkhoma zi angkya? Chixe chem zia ama daopu?”

WANWÜNKAX 29:7

Müikya khünak tuitae chitüi-chinang khünak süntswon awanle, ikoxle chichang-chizangkya khünake ibu münawan.

MÜNCHUAK-TSAI 82:3

Chitüi-chinangbu hia mixshix-zasabu süntswon khose angkya olom; chitüi-chinangle maxsam ngokyabu to hu angkya olom ma hule kox angkya wüi changpu.