WANWÜNKAX 30:4 - OTSAO BAIBEL (BSI)

⁴ Tütuechu zangkangting je-hwon bama komkaile awankya mix tüicha? Tütuechu owawae hwom chak ma zangwin kop ang thokya mix tüicha? chichangba nyitsyensa ma ti akütle kopkya mix tüicha? chichangba chaxwan longzibu ziazütle tsuakkya mix tüicha? Hünzome jangawan, ibu a opang? Hwomsu-hwomsabu a opang?

WANWÜNKAX 30:4 ပူးပေါင်းရင်းမြစ်များ

JUHAN 3:13

Khünak Hosa owa zangkangting tokya nguipuix, chix boma owaechu zangkangting mangün.

JOB LAIPEX 26:8

Tie zangfwom awang ang tomkya a Zang changle; ibu lixkya füi chaole pao ang chitomle chixe kople thom.

ISAIA 9:6

Kem ang naosa tuita puxdaoa! Kem ang sasün tuita koxdaoa! Ilaxle chix a kem lompa ang changüi. Chix ang a: “Ohünotün Mongjang zukya” “Khüthak Zang”: “Oshuk chitüi Hopa”, “Tumüi Wanghompa”, le amünüi.

ISAIA 7:14

Jangchangba müihudaoa, Jowanpa chix jaoe hünzom ang mowan naxfafa: naocha tuita owa ma nao nguidongle chang üntoxle lüka naosa tuita puxlaxle ‘Immanuel’ le amünüi.

TSAITONG-KAXTONG 30:12

Ija a zangdingkho towüile münchang. ‘Kwome atat üntoxle ija kax ma laxle tüi ang, kwom hanpakma ija, owa donglaxle jole faüi?’ le hünzome atüi ngo angkya jao münchang.

MIKNGÜN-OHÜN 19:12

Chix mikbu a wünle ningle tüikya, üntoxle chix khang ma khohom obiobi asün. Chix ang ija ma mün zale tüikya, ikoxlechu chix boma ija chemhex owaechu chiawan.

ROM NOK HATO ZAKYA POL LAIZA 10:6

Ikoxle mongong makhange muamüi angkya bama akaxkya kax a ija changle: “Zangkangting to owa dongüi?” (Ija a Khrista jo ang).

TSAITONG-KAXTONG 28:58

“Hünzome mongong tüikya füi, ija laipex ma zale tüikya Zang hwon-nwot jaono kax ma laxle chitüi thüiba tamchu hünzome tüle khompua-zadünkya Jowanpa mün achuak-achenle chitüi thüiba,

ISAIA 53:8

Chix a kop ilaxle mik amüt angkya kaxtsuak üntoxle lang ang pao, ija chix osho hanpakma owa mong tochu chikak. Kem khünaknu ochax khoma chix mik amüt.

MÜNCHUAK-TSAI 68:18

Atsuakya khato chix dong, chix füi tomle zandabu koplaxle; alün-aloxle tüikya khünakbu chak tokya chixe hinghobu pongle lax. Jowanpa Zang a ikhato othuithuima ngoüi.

MÜNCHUAK-TSAI 2:7

Wanghompa-e thüi: “Jowanpae chem akax daopuix ija kue apuküi. Chixe ku ang thüi: ‘Nang a kusa changle; anyix ku hünpa ang achangpu.

LAIPAO 6:3

Abraham, Isak hia Jakop hwom hato, ku tuita Khüthak Zang changpule ngaile ahopu, ikoxle kue Jowanpa ku otsao mün hwom ang awan ang chitom.

KAXFÜNPA-HWOM 13:18

Ija kaxtaimixe atüi: “Nange ku mün chem hanpak ang awan thomse tsu? Ija mün a tuita ohünotün mün changle.”

KAXHO MÜIKYA LUK 10:22

“Apae ku ang pangnu li koxdaoa. Hopa boma Hosa owaechu münawan; üntoxle Hosa hia Hosae opang hato Hopa ngaile aho ang zünle koplaxpuix, hwom boma Hopa owaechu münawan.”

MATHI 11:27

“Apae ku ang pangnu li wüi fadaoa. Hopa boma Hosa owaechu müntsing tamchu Hosa hia chixe angaile ahose le mongtsukyabu boma Hopa owaechu müntsing.

JEREMIA 23:6

Chemtue chix wanghom ang changpuix, Judah angkya khünaknu chaza angkya chitüile ngoüi, ilaxle Israel khünaknu a mongsom ma ngoüi. Chix ang ‘Jowanpa kem Khosün’, le nyaküi.

MÜNCHUAK-TSAI 24:2

Chixe ija haxwan mongto tüikya tinu ma chifün laxlaxle zaipu, ilaxle ija chifün a molo tinu jimong to zingpu.

MÜNCHUAK-TSAI 22:27

Chaxwan angkya pangnu jat-lie Jowanpa texle ataküi. Chaxwan pangnu chitokhange hwom chix hato chatüi; pangnu jat-lie chix tongshwomle changüi.

PONGWANG LAIPEX 32:29

Jakop-e lan: “Athaxpi nang mün apuahüi.” Ikoxle chixe lan: “Nange ku mün chemle thüi ang awanse tsupu?” Ifüima chixe Jakop to mohiman.

LAIPAO 15:10

Ikoxlechu nang zakmüt tamfang ma, Jowanpa, Ijip nokbu a ti to max; za-adünkya tinu mongto hwom jandwon lailaile ti thong to düt.

MÜNCHUAK-TSAI 135:7

Haxtua-zangnam to zangfwombu lai ang tomkyachu chix changpu, chixe atsak-adung laxle zangwat ang tom ilaxle chix pungkha tokya zangwinbu ahüi.

ISAIA 45:18

Jowanpae zangdingkhobu zing — Zang a chix tix changpu! Chaxwannu a chixe zing ilaxle alai — chixe ija othuithui hanpak ang zing. Chixe ija khünak chingole awüt tox ang zingkya chichang, ikoxle khünaknu ngo angkya kha ang zing. “Ku a Jowanpa changpule chixe thüipu, ilaxle zang mama owa müntüi.

JOB LAIPEX 11:7

Zang chongkya üntoxle chix tsak-zong bama, othüt hia wankam nange lomle atak tho ang cha?

JOB LAIPEX 11:8

Zang hanpakma zangding ma chem othüt müntüi, ikoxle ija to nange alop ang müntho. Amalum-fang tokya omang chaxwan Zang-e awan ngopu, ikoxle nange ija chitsing.