WANWÜNKAX 30:13 - OTSAO BAIBEL (BSI)

¹³ Züizüi khünake hwome tüle müile: oh chemkuxma müitsuak puix, le thütle ngokyabu tüile!

WANWÜNKAX 30:13 ပူးပေါင်းရင်းမြစ်များ

ISAIA 2:11

Khünaknu mongngam ashukdao angkya tamchu khünaknu mongngam maxdao angkya hanpak nyixta hüile ngole. Ipongma Jowanpa chix tata tix achuakachenle changüi.

MÜNCHUAK-TSAI 131:1

Jowanpa, kue ku mongngam awütdaoa ilaxle mawüi achongkya le texkya füi ku atsaidaoa. Tüpong chongkya tuina hia kue chitsing tsuakkya zangwün bama ku khosamle münngo.

MÜNCHUAK-TSAI 101:5

Huxsa ma tomzi zongto chichangle tüikya mix kue amütüi. Miktsak hia mongngam füikya khünak füi ku adu ang münthoüi.

HABAKUK 2:4

Ilaxle kaxho a ija changle: ‘Opang ochax changlaxpuix ozün ma münngoüi, ikoxlechu opang otsao changlaxpuix hwom ngoüi büthüikoxle hwome Zang to hwom mongong thom.’”

EZEKEL 28:9

Chemtue hwom nang lang ang nguiüihex, ipongmachu nange nang a baozang changpule thüi ang tho ang chami? Chemtue nange nang lang angkya khünakbu füi apongle changüihex, nang a baozang chichangle muakya khünak ang achangüi.

ISAIA 3:16

Jowanpae thüi: “Hulax, Jerusalem angkya shekobu chemtukux mongngamle tüipuix! Hwome nakuabu ding to laxlaxle ahamle. Hwom a othuithuima kalombu ang achangle ngo. Hwome zingle-zingle chikap muapong tswonle, ilaxle hwom suakto angkya tu-thuak ajik-ajep ang tomle.

WANWÜNKAX 21:4

Chichangchizangkya khünakbu a hwom mik-hu-chakzam chimüikya hia mongngame akumathumle thomle, ilaxle ija a ochax changpu.

ISAIA 5:15

Pangnusa wüi chingchacha chitüile awütüi ilaxle owa angamle ngolaxpuix chix a puinai ang tomüi.