WANWÜNKAX 3:7 - OTSAO BAIBEL (BSI)

⁷ Nang zongzong ma nang a jepa tuitale taxajang; ikoxle tangthole Jowanpa kax ma laxle tüilax ilaxle thaikya mwot taxmok.

WANWÜNKAX 3:7 ပူးပေါင်းရင်းမြစ်များ

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

WANWÜNKAX 26:12

Je-hwon chitüi khato jetüi-hwonlangkya mix ningle thütkya khünak tuita füi a mongkho ojao chinguikya anga tuita wüi sümüi.

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

WANWÜNKAX 16:6

Kax ma laxle tamchu mongong-chalomle tüile, jangchangba Zang-e nang ochax thailak tüiüi. Jowanpa kax ma laxle tüilax, chichang-chizangkya nang füi chemchu münapong.

HWON-NWOT-JAONO 12:13

Ibu pangnu füima, zangwün angkya oli tuita wüi: Zang chathua zalax, ilaxle chix kaxtombu kax ma laxle tüilax, chemthüikoxle kem a ija hanpakmale zingle alaikya changle.

ISAIA 5:21

Hünzom a maxdaoa! Hünzome hünzom a hwontüi-jelangkyabu, tüle tsingzaikyabu le thütle.

WANWÜNKAX 14:27

Nange zik tsiakle toxse tsupia? Jowanpa chathua zakya a khüzün tümik changpu.

ROM NOK HATO ZAKYA POL LAIZA 11:25

Tüinaohom, hünzome tsingle naxlax laxsele ku mongto thütkya otsingtsing huxsa zangwün tuita tüile. Nang obukux hwontüi jezai mix hex, ija aju-ajang ang chifale kue nang tsyenle thomüi. Ija a ija changle: Israel khünaknu mongkhüikya othuithui hanpak ang münchang, ikoxle mixnok komle Zang hato mahüikya wawama ngoüi.

NEHEMIA 5:15

Ku thoma Gowarnor ang ngole hüikya khünakbu a khünaknu zongto hünlit ang achangle tüikya, chemthüikoxle hwome nyixfokya to hwom angkya khop ngunkhix punyi pong, süt hia ju hanpak ang jule lax. Hwom dabue ngaxchu khünaknu to sikangün. Ikoxlechu kue ile chimok, chemthüikoxle kue Zang achuakachenle tüikoxle.

LAIPAO 20:20

Mosa-e lan: “Taxza; Zang a hünzom to wan ang tamchu chix thuazale ngo ang tom angkya hanpakma nguiwüi; ile changkoxle tix hünzome ochax chilyen angkya chang koxle.”

2 SAMUEL 12:20

Dawid haxkha ang ajong, tijo-chaktsux, khoshit-nasai, chix nyi-za lüile chang. Ifüima chix Jowanpa hom to paolaxle zangshwom. Chemtue chix hom to chatpuix, chixe süt-ju ilaxle alaikoxkya thüile süt sax.

WANWÜNKAX 8:13

Jowanpa chathua zakya a ochax thua anukya changpu; kue kün-ngam mongngam hia tsaichong-kaxbongle tüikya thua anule, chichang-chizangkya zangwünbu hia othai lomtangbu thua ku anule.

WANWÜNKAX 14:16

Jetüi-hwonlangkya khünakbu a sikngün füi atsaile ngo angkya bama mik-hingle, ikoxle ongatbu a chem aju-ajangkya chitüile thüile mokle awütle.

WANWÜNKAX 23:4

Nang lualua to saxpu-luawang hwom zapua chilax angkya bama khünzailax.

WANWÜNKAX 26:5

Ongat kaxtik to ongat kaxlan fakox, ile chichang thüiningle chix mik-hu ma alüile chix a jetüi-hwonlangkya mix changpule ngamkya tüiüi.

WANWÜNKAX 28:11

Hakpa-luapabue jento hwom a jetüi-hwonlangkyabu ningle thütle, ikoxle tuimix-nuakmix owa ma mongtex zule tüipuix, chixe wüi sümüile tsing.

WANWÜNKAX 28:26

Ma tutex füito azuikya mix a anga. Jetüi-hwonlangkyabu hwon-nwot füito azuilax, ikoxle nang azangüi.