WANWÜNKAX 3:6 - OTSAO BAIBEL (BSI)

⁶ Nange mokkya pangnu ma Jowanpa texle ataklax, ile jangchangba chixe nang ang changkya lomtang ahole faüi.

WANWÜNKAX 3:6 ပူးပေါင်းရင်းမြစ်များ

WANWÜNKAX 16:3

Nang mwotthobu to Jowanpa ang mohimanhüi thüilax, jangchang thüiningle nange ibu mwottho oza alaile mokle le ang thoüi.

MÜNCHUAK-TSAI 32:8

Jowanpae thüi: “Nang le angkya lomtang kue apua faüi; ilaxle kue nang ang adangle faüi.

FILIPI 4:6

Tütali bamachu taxaban, ikoxle nang zongma khütle tüikya laxli pangnu hanpakma nange zangjop makhange Zang ma atüikox, othuithuima münchong fakya kün-mong füi chix ma atüikox.

WANWÜNKAX 16:9

Nange mwotthobu zing ang tsuak, ikoxlechu nang mwotlom Zang-e tix zunpu.

JEREMIA 10:23

Jowanpa, ma khüzün oshuk-oza ma chak ma koplaxle ngokya mix owachu müntüi; ma khüzün ma chak ma koplax ngokya kwom opupuchu müntüi.

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

ISAIA 30:21

Hünzom lomnu angkya nongchi chichangba tsaxchi to samle jangpao, hünzome chix kaxzing “Lom a ikhato tüile. Ija lomnu tolax!”, le nuakfüichi ma atat ang kopüi.

ISAIA 48:17

Israel nok otsao Zang, Jowanpa owae nang khosünle koppuix, chixe thüile: “Ku a Jowanpa hünzom Zang, hünzom füi amüi angkya hanpakma anwot-ano sele tsukya mix ilaxle hünzom lese lom male ang lom apuale fakya mix.

KOLOSI 3:23

Hünzome amokmok pangwüi to, khünak hanpakma chichangle Zang hanpakma mokpu le hünzome künkox mongkoxle mokkox.

KOLOSI 3:17

Hünzome chix makhange Hopa Zang ang münchong fakya zuma, hünzome mokkya hia akaxkya pangwüi, Jowanpa Jisu mün ma tsuakkox.

WANWÜNKAX 23:17

Ochax khünakbu to osingkya taxtüi; Jowanpa chathua zale tüi angkya tix nang hünlit ang laxkox.

1 KORIN 10:31

Idaile, nang saxkya ma wüi changlax chichangba lingkya ma wüi changlax, nange chem moklaxpuix, tütalichu Zang fuazang angkya hanpakma mokkox.

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

1 SAMUEL 30:8

Dawid-e Jowanpa ma atüi: “Ku ibu zan-nokbu füito azuile ziklaxle hwom kople apüiüi hia chemle changüi?” Jowanpae lan: “Hwom füito zikkox. Nange hwom ha alopüi ilaxle kople paokyabu sünle tüi ang thoüi.”

ISAIA 45:13

Sairas ang ile mok angkya mong kue atwoppu ku mongtex mwot tsuak ang tamchu jali otia ma thom ang. Chix lekya lomtang pangwüi kue tangthole zingüi. Chixe ku tingnu Jerusalem chatle azünle zingüi, ilaxle kople thomkya ku khünaknu danüi. Ija mok angkya hanpakma owaechu chix münshak chichangba zuizun münkox.” Jowanpa Khüthak Zang-e akaxdaoa.

NEHEMIA 1:11

Athax ku zangjop to ilaxlechu nang achuaksele mongtsukya nang dabu zangjop to apahüi. Anyi ku mongtex oza alai ang tomhüi ilaxle chongwangpae ku to chingchale chang ang tomhüi.” Ipongma ku a chongwangpa pe twonmix wangshempa changkya.

NEHEMIA 2:4

Chongwangpa-e atüi: “Nange lomkya ija chem?” Kue Zangkangting Zang to zangjop,

IZRA 7:27

Izra-e thüi: “Kem putong hwom Zang, Jowanpa, chix achuak kox! Chixe chongwangpa ang ija ningle Jerusalem angkya chix Zangshwom-Hom achuak-achen ang tomdaoa.

2 KORIN 8:16

Hünzom to fong ang kwom mongtsukya ningle Tita angchu mongtsu ang koxkya khoma kwome Zang ang münchong fapu.

HUAKE LAIPEX 9:20

Tamtampong a Nyihom tok ma zangfwom hanpak hidaole wüi ngo; tütale wüi chang koxlax, hwom pom ma nui angkya hia achex angkya hwome Jowanpa kaxtom ma tix tsuak.

NEHEMIA 7:5

Hwom kako-kako akhi-takle hu angkya hanpakma khünaknu hia lompabu tamchu alixachongbu sele asox angkya hanpakma Zang-e ku mongkho ma adünle fa. Zanda ang ngokya pongwang ma chatkyabu bama laiza thomkya kue lomle atak, ilaxle kue atakkya a ija changle:

WANWÜNKAX 11:5

Küntsao-mongthakya khünak müikya khünak chabüt-lasünkya chitüile ngo ang tomle, ikoxle chichang-chizangkyae alüile ma max angkya atakle.

JEREMIA 42:3

Kwom le angkya lomtang aho angkya hia kwome mok angkya mwotlom apuale fa angkya hanpakma Jowanpa to jople fahüi.”

ISAIA 26:7

Jowanpa, müikya khünakbu lyetlom nang zingle amüi; hwom ahamkya lomtang a ajitle tüile.