WANWÜNKAX 3:5 - OTSAO BAIBEL (BSI)

⁵ Nang mong makhange abakle Jowanpa to mongongkya tüikox. Nange chem awanpu le texpuix otuechu ija to onglaxle taxngo.

WANWÜNKAX 3:5 ပူးပေါင်းရင်းမြစ်များ

MÜNCHUAK-TSAI 37:5

Nange ma alüile Jowanpa chak to koxkox; chix to mongkya tüikox, chixe nang to fongüi;

WANWÜNKAX 28:26

Ma tutex füito azuikya mix a anga. Jetüi-hwonlangkyabu hwon-nwot füito azuilax, ikoxle nang azangüi.

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

MÜNCHUAK-TSAI 62:8

Ku khünaknubu, jento Zang to mongongkya tüikox. Hünzom tingtui pangwüi chix hama wünkox, chemthüikoxle chix a kem khangkhomnui changle. Selah

ISAIA 12:2

Zang a ku khosünpa changle; Kue chix to mongongüi ilaxle chazakya müntüiüi, Jowanpae ku ang tsak-zong hia janzüi koxle; chix a ku khosünpa.

MÜNCHUAK-TSAI 37:7

Adukya tüikox üntoxle Jowanpa mok angkya tanle changkox; ahak-aluale changkyabu hanpakma mong taxthang chichangba hwom ochax mwotbu ma ozalünkya bama taxaban.

WANWÜNKAX 3:7

Nang zongzong ma nang a jepa tuitale taxajang; ikoxle tangthole Jowanpa kax ma laxle tüilax ilaxle thaikya mwot taxmok.

JEREMIA 10:23

Jowanpa, ma khüzün oshuk-oza ma chak ma koplaxle ngokya mix owachu müntüi; ma khüzün ma chak ma koplax ngokya kwom opupuchu müntüi.

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

MÜNCHUAK-TSAI 125:1

Jowanpa to mongong tüikyabu a otuechu chiamok tamchu apao ang chithokya Zaion haxnu ningle changpu.

JEREMIA 9:23

Jowanpae thüi: “Jepa tuita chix hwon-je bama, longpa tuita chix tsak-zong bama, chichangba hakpa tuita chix ma tüinangkya bama, tsaichong-kaxbongle chitüi angkya oli.

WANWÜNKAX 22:19

Kue nang ang Jowanpa to nang mongong naxtüikoxse texpu; ikhokho ma kue ibu athax nang hama wün ang sütpu.

JOB LAIPEX 13:15

Ku monghom pangwüi max füima Zang-e ku lang koxpi chemthüi? Kue ku zangwün chix hama wün angkya changale.

WANWÜNKAX 23:4

Nang lualua to saxpu-luawang hwom zapua chilax angkya bama khünzailax.

EFISIA 1:12

Idaile, hai, pongwang ma Khrista to mongong thomkyabu, keme Zang fuazangkya achuak-hax.

HUAKE LAIPEX 9:20

Tamtampong a Nyihom tok ma zangfwom hanpak hidaole wüi ngo; tütale wüi chang koxlax, hwom pom ma nui angkya hia achex angkya hwome Jowanpa kaxtom ma tix tsuak.

HUAKE LAIPEX 9:22

Nyixta anyi wüi changlax, lyetjang tuita wüi changlax, zanglao tuita wüi changlax chichangba ifüi sühomle chuwüi changlax, Nyihom tok ma zangfwom ngokya kople, hwom onui angkya chiachex; ikoxle chemtue ija ding to dongpuix, hwom achex.

IZRA 8:23

Ikhoma Zang-e kwom lom azui angkya hia kwom kho awa angkya hanpakma kwome chisax-chilingle zangjop hanpak lax, ilaxle chixe kwom zangjop to lan.