WANWÜNKAX 3:21 - OTSAO BAIBEL (BSI)

²¹ Ku sa, nang je-hwon hia mongje to künle thomlax. Ibu otuechu nang angkya atsaile pao ang taxtom.

WANWÜNKAX 3:21 ပူးပေါင်းရင်းမြစ်များ

JIHUSUA 1:8

Hünzome Zangshwom pongma chithaile Wanlom laipex e angkya münalak-o thüilax. Zangnak zangngai ija müile aju-ajanglax, ilaxle ima zale tüikya pangwüi kax ma laxle tüile-ole thüilax. Ile jangchangba nang a ahak-aluale tamchu tho-lünle changüi.

WANWÜNKAX 4:21

Ibu nang chak angkya atsaile pao ang taxtom. Ibu a texle ataklax tamchu nang mongkha to akhax-adangle thomlax.

TSAITONG-KAXTONG 4:9

Hünzom khünzaile hunga ngolax! Hünzome ma mik füi ngünle laxdaokya oli, mazi tanto alakle münawüt-ole amonglax. Hünzome su-sabu hama,

1 JUHAN 2:27

Ikoxlechu hünzom hanpak ang a Khrista-e chix chasa hünzom ma thokle fadaoa. Chix chasa hünzom ma ngokya kople hünzom hanpakma anwot-ano le fa angkya mix lax ngo angkya chem mwot müntüi. Chemthüikoxle pangnusa bama chix Chasae anwot-anole changüi, ilaxle chixe anwot-anokya ma thaikya müntüi, otsingtsing changle. Idaile Chasa hwon-nwot kax ma laxle tüilax ilaxle Khrista füi notom le ngolax.

JUHAN 8:31

Ija khoma Jisu chix to ongkyabu füi akax: “Hünzome ku kax ma janglax, otsingtsingsa ma hünzom a ku wangshembu changpu;

WANWÜNKAX 2:7

Otsao ma hia sule tüikyabu to chixe fongle tamchu chixe hwom kho-awale.

1 JUHAN 2:24

Ikhoma pongwang tokhange atatle hüikya kaxho hünzome mong ma kople thom ang ole thüilax. Hünzome ija kaxho mong ma kople jangthomba hünzom a Hopa hia Hosa nyi füi jento notom le ngoüi.

WANWÜNKAX 1:4

Ijabue jali apongle hüidaokya khünakbu ma tsingtsang zaile chang ang tamchu tsünzün thom ang chemle sütlom-mwotlom awanle tüi ang tomüi.

WANWÜNKAX 5:2

Ile jangchangba nange zanglom-saikha chemle müile thomüihex ija awanüi, ilaxle nang kaxfa makhange nang ma je tüikya ahoüi.

WANWÜNKAX 8:14

Kue mwottho zingpu ilaxle ibu mokle paopu. Ku ma awan-atsingkya tüipu, ilaxle ku a tsak-zongle tüile.

WANWÜNKAX 18:1

Mix füi tomsax-tommokle chichangkya khünakbu a ma hanpak zaza ma mongtsukyabu changpu; noknusae changle le tiklax ngokya füi ngaxchu hwom apüi lüwüi bangüi.

WANWÜNKAX 4:6

Je-hwon danle taxtox, she-e nang kho-awa angkya changle; she to mongkün tüilax jangchangba she-e nang khüzün müile thomüi.

WANWÜNKAX 19:8

Mama alüile wünlax ilaxle mae tsuakkya tukuxle awanle laxlax; ifüima nange awanle kopdaokya mongto texle ataklax ifüima nang ahak-aluale changüi.