WANWÜNKAX 3:10 - OTSAO BAIBEL (BSI)

¹⁰ Nange ile jangmok thüiningle nang pung a sax füi awangle ngoüi, ilaxle nange athünle thom angkya onüi chitüile nang ang grepti-ju huanuma tüiüi.

WANWÜNKAX 3:10 ပူးပေါင်းရင်းမြစ်များ

WANWÜNKAX 19:17

Chemtue nange chitüi-chinangkya khünak ang kox-zunle changpuix, ija a Jowanpa ang koxle thomkya ningle changpu; Jowanpae ija nang ang achatle fa-angkya changpu.

TSAITONG-KAXTONG 28:8

“Jowanpa hünzom Zang-e hünzom mwot to mohimanüi ilaxle hünzom pung ma saxziake awangle changüi. Chixe hünzom to, chixe hünzom ang koxle ngokya haxtok to mohimanüi.

WANWÜNKAX 22:9

Chingcha-chakzun tüikox ilaxle nang süt chitüi-chinang füi tom-hanle changkox. Ija khoma nang to mohimankya tüiüi.

JOEL 2:24

Athaxpi tap a saxziake awangle changüi; Grep hia olip fyetnui a grep-ti hia olip müngae awangle tüiüi.

MATHI 10:42

Üntoxle owae ijabu hixkya khama tuita ang ngax thüichu wangshem mün ma tihing peta alingkya mix jangtüi, otsingtsing ma kue hünzom ang thüipu, chixe otuechu ma hingho münamütüi.”

HAGAI 2:19

Saxziak ota chemchu chitox, üntoxle grepzu, fupsa pün, pomegrenetbu, ilaxle olip pün, ibu athax kople chemchu malai, ikoxlechu athax makhange kue hünzom to mohimanüi.”

2 PUKAX-PANGAO 31:21

Zangshwom-Hom hanpakma wüi changlax chichangba Wanlom tokya olom ma wüi changlax, chixe chasae awangle Zang achuakkya füi mok, ikhoma chix mwot pangwüi tsuakle hüi.

MÜNCHUAK-TSAI 144:13

Kwom pungbu a tua-tsax tamchu tsaxsa-hikhae awangle chang ang tomkox. Kwom wun ma tüikya chunbue hosabu jatbün-jattsa puxle tsa ang tomkox.

TSAITONG-KAXTONG 14:29

Ija süt a Liwi hwom hanpak ang changüi, büthüikoxle hwom ang ma tingtok hexle chemchu müntüi ilaxle püntüi, zasa-khaxsa tamchu thanu hia zomnu chabu, opang hünzom tingnu ma ngole tüipuix, hwom hanpak angchu changpu. Hwom nguilaxle mae laxsese kop angkya changle. Hünzome ile moklax, ikoxle Jowanpa hünzom Zang-e hünzome amokmok pangwüi mohimanle changüi.

2 PUKAX-PANGAO 31:10

Nguakho Azariah, owa Zadok saxthom angkya changkya hex, chixe wanghompa kax to lan: “Hwome Jowanpa hom to tö ibu apüile kox ang sütkya makhange keme okhonguile saxle hüidaoa ilaxle ota-otua tüile changdaoa. Jowanpae chix khünaknu to mohimanle changkya tokhange kem ang ibu tüinangle hüikya changle.”