Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




WANWÜNKAX 28:5 - OTSAO BAIBEL (BSI)

5 Ochax khünake sukya chem hex ija müntik, ikoxle opange Jowanpa to shwompuix hwome tix müile tsingle laxle.

အခန်းကိုကြည့်ပါ။ ကော်ပီ




WANWÜNKAX 28:5
18 ပူးပေါင်းရင်းမြစ်များ  

Ikoxlechu hünzom hanpak ang a Khrista-e chix chasa hünzom ma thokle fadaoa. Chix chasa hünzom ma ngokya kople hünzom hanpakma anwot-ano le fa angkya mix lax ngo angkya chem mwot müntüi. Chemthüikoxle pangnusa bama chix Chasae anwot-anole changüi, ilaxle chixe anwot-anokya ma thaikya müntüi, otsingtsing changle. Idaile Chasa hwon-nwot kax ma laxle tüilax ilaxle Khrista füi notom le ngolax.


Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.


Ikoxlechu hünzom ma Khrista-e thokle koxkya Otsao Chasa tüipu, idaile hünzom pange wüi otsingtsing awanpu.


Ija a anga tuitae tsing ang chithokya oli tuita; owawa ongat mixe awanle lax ang chithokya:


Khünak owae Zang mongtex ma mok ang tsupuix, chixe ku hwon-nwot Zang makhange akax pia hia ku mongtex ma akaxpuix, awanüi.


Jekax-jengao a ongatbu zongto tsingle lax ang chithole tüile. Laxli zangwünle changpongma hwome lan angkya oli tuita müntüi.


Jetüi-hwonlangkya khünakbu a ma khüzün thakchi to alyet angkya lomtang ma ahamle, zikmüt-mangkho hato athai angkya lomnu ma münchang.


Zunu-zupabu füi ngaxchu hwon-je ku ma wüi sütüi, chemthüikoxle kue nang kaxtombu kax ma laxkoxle.


Jowanpa a kax ma laxle tüikyabu zuikhui changpu üntoxle chixe chix Tsaotsüt bama hwom füi kaxshing kopkya ang changpu.


Jowanpae thüi: “Ku khünakbu a ongat; hwome ku müntik. Hwom ongat naosombu ningle changle; hwom ma tsing-wankya chemchu müntüi. Chem ochax hex ija mok ang hwom müimale anaxle, ikoxle chem müipuix ija mok ang hwome chithole changle.”


Nange ku kax apale jangchang thüiningle, chem changpuix, supuix, tamchu masüi-mixlüile chichangpuix ija nange awan ang kopüi. Nange chem moksehex ija nange awan ang kopüi.


Ikhoma chixe ku ang pao üntoxle ija kaxho khünak hato apua angkya akax: “Hünzome tütatukux wüi apalax, hünzome tsingle lax ang müntho. Hünzome tütatukux wüi hulax, chempang changle ngopuix, hünzome awan ang müntho.”


Iningkya khünakbu a hwome chem mokpuix ija awan ang ngaxchu chithokya ongatbu changpu. Hwome otsingtsing hanpakma ma mik hia mong ka hakle.


Nang kaxtom a ku füi jento tüile ilaxle ku a zanpabu füichu onüi ang hwontüi-jelang mix ang achangle.


Maihubue hwom hopunubu awanle, ilaxle mantsakbue hwom hopunubue fumtsüt ang ojongto paopuix ija awanle. Ija a ku khünaknu Israel noke ku tsingkya thak changle. Ibue ojaojao müntsing.”


Jowanpae thüi: “Ibu khünakbue mahom-mahax, mix lang mix mixhuak laxle hia pa-lole kopkya tuinabu füi awangle thomle. Hwome chemle su-angkya hex, ija ojao müntik.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ