WANWÜNKAX 28:4 - OTSAO BAIBEL (BSI)

⁴ Nange wanlom to e-sekya ojao chitüi thüiningle, nang a chichang-chizangkya chima sekya ang changpu; ikoxle nange wanlom ibu kax ma laxle jangtüi thüiba, nang a hwom füi opüi ma ngokya mix changpu.

WANWÜNKAX 28:4 ပူးပေါင်းရင်းမြစ်များ

ROM NOK HATO ZAKYA POL LAIZA 1:32

Ile ngokya khünakbu zi angkya ataküile Zang wanlom ma tüikya hwome awanpu. Ingale iningkya oma mwot hwom tatae mokle lengokya chichangle mixe mokkya tochu wüi müipuix le thüi.

EFISIA 5:11

Zangnak kux, oja lap chemchu chitüi angkya khünakbue mokpuix, hünzom ibu füi ojao taxtom. Itülüi ibu zangngai to alaikox.

MATHI 14:4

chemthüikoxle Juhan-e chix ang manao wangchanu ma wangchanu ang lax angkya oli münchangle akax.

MATHI 3:7

Ikoxlechu otue farisi hia sadukibu chix hato bapti lax ang nguipuix, chixe hwom ang thüi: “Hünzom a pubu, hüiüi tüikya Zang mongtsik chak tokya paolax le hünzom hama owae ano le fa laxpu?

MÜNCHUAK-TSAI 49:18

Owawa ma tsün füi mongzom-müile tüikoxchu üntoxle jali tho-lünle changkya khoma chix ahuak-achenle tüikoxchu,

1 WANGHOMBU 18:18

Elija-e lan: “Ku a tingtui adünle ngokya mix münchang, ikoxle nang ang tingtui adünle ngokya mix changpu, nang tata chichangle hünpa hünkhi pangnyi wüi tingtui adünkya mix changle. Hünzome Jowanpa kaxtom kax ma chilaxle ilaxle Bal chapabu to shwompu.

JUD LAIZA 1:3

Ku mongkün tüinaohom, kue hünzom hato kem tom khosün bama zasele tüle mongtsule ngopongma, mongong oja tamfangma owüiole otsaobu ang koxdao laxpuix, ija mongong hanpakma hünzome zongbakle azong angkya kue hünzom hato zongsaile za angkya laile.

1 JUHAN 4:5

Ibu othai ajebue chaxwannu mwot bama akaxle, chaxwannue ibu kax to apale chemthüikoxle hwom a chaxwannu kux changkoxle.

WANGSHEMBU MWOT 15:2

Pol hia Barnaba nyie hwom füi khünzule kax ma alat üntoxle Ija bama ala; idaile Pol hia Barnaba nyi füi tomle Antiok angkyachu khünak züita zünle koplaxle wangshembu hia tüichong mixmüibu füi apongle zangwün azut ang Jerusalem to pao angkya oli changle le zangwün.

MÜNCHUAK-TSAI 10:3

Chichangchizangkyabu hwom ochax mongzok bama huanuma ngamle; nüfux füikya mixe Jowanpa to thuakzomle tamchu chix chilaxle awütle.

1 WANGHOMBU 18:21

Elija a khünaknu hato dong ilaxle thüi: “Hünzom ang mongzangwün angkya hanpak chemtukux lole laxlaxüi? Jowanpa a Zang jangchang, chix to shwomkox, ikoxle Bal wüi Zang jangchang chix to shwomkox!” Ikoxle khünaknue kaxfa tuita chilan.

1 THESALONIKA 2:2

Kwom Thesalonika to hünzom hato nguiüi thoto Filipi ma kwom to chisumüile tamchu ahai le chemle hwondao laxpuix, ija hünzome awan ngopu. Ile kwom zan to kale mokkyabu tüihu koxlechu, chix makhange hüikya Kaxho Müikya hünzom hama wün ang kwom Zange kwom ang mongchyen fapu.

WANGSHEMBU MWOT 19:9

Ikoxlechu hwom khama züizüi mongkhüikyabu tüikya ilaxle ibue mong chiongtsuak. Ilaxle khünaknu thüntho ma hwome Jowanpa lomtang bama kaxma thüi. Ikhoma Pol-e ibu dantoxlaxle Jisu wangshembu chix füito laxlax tox; üntoxle Tairanas khünaknu pünzün wangsaikya homnu ma chixe nyixfo to khünaknu füi zangwün ma aswot.

WANGSHEMBU MWOT 12:22

“Chixe khünak ningle chichangle Zang ningle akax”, le hwom akhong.

MATHI 3:15

Ikoxlechu Jisu-e chix kax to lanle thüi: “Athaxkya bama ile naxchang dao; chemthüikoxle keme iletix Zange lomkya pangnuli mok angkya changle.” Ikhoma Juhan-e chix ang bapti le kox.

JEREMIA 5:30

Khomtsikya hia chabüt-lasün mwot haxtok ma changle hüidaoa:

NEHEMIA 13:28

Joiada a Nguakho Eliashib sasün changkya, ikoxle Joiada sasün hwomkha angkya tuitae, Beth Horon tinglong angkya Sanballat sacha lax, ikhoma kue Joiada a Jerusalem toxlaxle pao ang tom.

NEHEMIA 13:15

Ipongma Judah angkya khünaknue Sabath nyix grepti-ju fyetkya kue ngünle lax. Mamabue saxziak, grepti-ju, grep ziak, fupsa ziak, ilaxle mama mwotkatbu mantsakbu ma hünzing laxle ibu a Jerusalem to paole ngokya; Sabath nyix chemchu hang-jole chichang angkya kue hwom ang kaxkhün kox.