WANWÜNKAX 28:12 - OTSAO BAIBEL (BSI)

¹² Chemtue khünak mixmüi tuitae apün-awang angkya chifün atakpuix, noknusa ang mongmüi, ikoxle chimüikya khünake chemtue apün-awangle changpuix, khünaknu a azwonle ngole.

WANWÜNKAX 28:12 ပူးပေါင်းရင်းမြစ်များ

WANWÜNKAX 29:2

Ku hama otsao pünpa-chongwang ahohüi jangchangba kue nang hama mongmüi khünakbu ahoüi.

WANWÜNKAX 11:10

Küntsao-mongthale tüikya khünakbu shomüi pongma tingsho ma mongmüi tüile, ilaxle chichang-chizangkya khünak tuita zipongma mongmüile akhongle.

WANWÜNKAX 28:28

Chemtue chichang-chizangkya khünake apün-adale changüihex khünaknu azwonle ngole. Ikoxle ibu hwom tüntong angkya thaikya füima tamchatle otsao khünakbue apünüi.

JEREMIA 36:26

Ifüima chixe, wanghomsa Jerahmel ang, Azriel sasün Seraiah hia Abdil sasün Shelemiah hwom füi tom üntoxle ku chakzamix Baruk kukhi kop angkya kax kox. Ikoxlechu kukhi a Jowanpae khomle thom.

JEREMIA 5:1

Jerusalem angkya khünaknu, hünzom tingjang lomnubu fole ziklax! Akhople hulax! Ma hanpakpak to hulax! Thalex-juatai nuibu lomlax! Sukya mwot mokle tüikya mix tamchu Zang to mongong shingmongle ngo ang azongkya mix khünak tuita ngaxchu hünzome atat ang cha? Hünzome atakle jangtsuak, Jowanpae Jerusalem thaikya alaküi.

HWON-NWOT-JAONO 10:16

Chemtue wanghom tuita a naosün changpuix tamchu ija lompabue zang angaile sax-lingle ngopuix, ija haxtok a thama ma tüile.

2 PUKAX-PANGAO 7:10

ilaxle ifüi angkya nyix a, anüt lükya lyetnu ma nyixtsa azom lükya to tix Solomon-e khünaknu a mahom-hom to afan. Israel khünaknu to, Dawid to, Solomon to, Jowanpae mohiman fakya pangnu bama hwom ang tüle mongmüi.

1 WANGHOMBU 19:3

Elija tüle za, ilaxle chix khangkhom ang pao. Chixe chix dapa laxlaxle Judah ang Bersheba to pao.

1 WANGHOMBU 18:13

Chemtue Jerubabel Jowanpa ajepa langle changpuix, ipongma kue hwom ajebu hato khünak punyi-bün pong athom laxle othom anyi ma longkun khato pyenle thomkya tamchu hwom ang sütling apüile-koxkya, nange münatat hexnyi?

1 SAMUEL 24:11

Hulax, apa, ija ku chak angkya nang nyitua to hule koplax! Kue nang lang ang tsuakse ikoxlechu isa nyitua zaza zütle laxwüi. Ija ngünlaxle, ku mongto nang zan to kakya chemchu müntüi chichangba nang fün ama ang tungkya ku ma oma chemchu müntüile nange tsingle naxkop. Nange ku a langtom tata lang ang tungle ngopu, ikoxle ile nang mong amakya li oma mwot kue chemchu chimok.

JEREMIA 36:19

Ifüima hwome chix ang thüi: “Nang üntoxle Jeremia hünkhi a paolaxle azwonle ngo angkya changle. Hünkhi ojongto ngopuix owa angchu awan ang taxkox.”