WANWÜNKAX 27:9 - OTSAO BAIBEL (BSI)

⁹ Ongan müikya müngae pa pongma nang ang mongmüile, ikoxle tingtuie nang mongsom sam ang tomle.

WANWÜNKAX 27:9 ပူးပေါင်းရင်းမြစ်များ

WANWÜNKAX 16:21

Jetüi-hwonlangkya hia tsün ziadaokya a chix ma tsing-wankya tüikya ma awanle laxpu. Chixe chemtukux zangmüi wünpuix, itukuxle chix füito azuise tsupu.

MÜNCHUAK-TSAI 23:5

Ku zanpabu pangnusae ngün ang kopkya onui ma nange ku hanpakma fongsüt achwon; e-sele tüikya wünpa tuita ningle nange ku ponglekop, üntoxle ku pe a baoxle lyem ngole.

WANWÜNKAX 15:23

Otu ma asukhakkya tsaihuak-kaxhuak atakkya a chemtukuxkya mongmüi changpuix!

MÜNCHUAK-TSAI 104:15

ilaxle hwom mong amüi ang grep ziakbu alai, olip müngabu füi pwonla naxtüi ang alaile kox, ilaxle hwom janzüi naxtüi ang süt alaile kox.

TSAITAX-NGAONÜI 4:10

Nang mongküne ku mongkha zang angaile, ku mongkün ku tuinu. Grep-ti füi ngaxchu nang mongkün wüi sümüi; nang ongan müikya münga a tüta ningle ongan müikya so füichu müile nganle.

TSAITAX-NGAONÜI 3:6

Wünkhut ajutkya ningle chemsa hüingopuix sak-haxchi tokya a, thalex mixbue hangkya ongan müikya ongan müikya jing-so ngan ma zingwüi zing namngan le?

JUHAN 12:3

Ija koxle Meri-e otha tüle lixkya, ongan müikya münga pua anyi apüi ilaxle Jisu cha to pale kox; ibu she-e ma khülang füi fwotle kox. Ija münga ongan müikyae homkha awang.

MÜNCHUAK-TSAI 133:2

Ija a kaxmai mun, thüikoxle Arun kaxmai mun to jenle ju ilaxle chix nyiwun ding to dütle changkya thalix münga ningle changpu!

KAXFÜNPA-HWOM 9:9

Ija olip pünnue lan, ‘Hünzom to apün angkya hanpakma, kue ku münga alai ngokya zak angkya laiüi; ija füitix khünak hia zang achuak-achenle ngokya changpu.’

WANGSHEMBU MWOT 28:15

Rom tingnu angkya khristan tüinaobue kwom nguikya zing atatlaxle Apias hatnu sütnui hia nazak nui azom tüikya kha kople kwom füi apong ang pong to za. Pol-e hwom ngünkya zuma Zang ang münchong fa ilaxle mongchong.

TSAITAX-NGAONÜI 1:3

Nang zui ma ongan müikya nganüntong; nang mün lünlünba ija atum laxle. Nang to mongkün angkya ku owa chamüinuechu abax ang müntho.

WANWÜNKAX 7:17

Kue ija to jingso, aloi-ti hia sinamon füi haple changdaoa.

MÜNCHUAK-TSAI 141:5

Müikya khünakbue chingcha tokhange ku ang sikangün tamchu sa-male chang koxlax, ikoxlechu ochax khünakbue achuak-achenle changkya kue otuechu pongle münlax, chemthüikoxle hwome chichangchizangle mokkya ochax mwotbu hanpakma kue jento zangjople ngopu.

1 WANGHOMBU 1:12

Nange nang khüzün tamchu nang sasün Solomon khüzün sünle kopse jangtsu, kue nang ang mongkho adünle fapuix;