WANWÜNKAX 27:20 - OTSAO BAIBEL (BSI)

²⁰ Khünak küntex-mongsung a amalum ningle: othuithuima onui tüile wüi ngo angkya changle.

WANWÜNKAX 27:20 ပူးပေါင်းရင်းမြစ်များ

HWON-NWOT-JAONO 1:8

Pangnulie khünak na-juale max ang tomle: kax ka itukuxle wün ang chithole na-juakya. Kem mik füi mongtex ma shale ngün ang müntho; kem na füi okhonguile atat ang müntho.

1 JUHAN 2:16

Chemthüikoxle chaxwannu müi-hi-aji mongzalokya, mikzalokya üntoxle tsün ma mongngam tüikya, chaxwannu ma tüikya ibu chemchu Hopa tokhange hüikya münchang ikoxle chaxwannu angkya changle.

HWON-NWOT-JAONO 6:7

Keme kem mwot pangwüi tütali sax ang kop angkya hanpakma mokpu, ikoxle chemtuechu kem ang okhonguikya tam chitüitox.

HABAKUK 2:5

Tuinae dyenlale changüi. Nüfux füikya khünakbu ma mongngam tüile ilaxle mong nazakkya chitüi. Hwom a zikmüt-mangkho ningle otuechu mongzom müikya chitüi. Ikhoma hwome ma hanpak ang jat-li bomachu jat-libu tingtakle pao.

HWON-NWOT-JAONO 4:8

Ikhama chix tata ngokya mix owawa tüile. Chix ang sasün tuita chitüi, tüi-hi-nao tuita chitüi, ikoxlechu chixe nazak chitüile mwot mokle ngole, ilaxle ma ma tüinangkya füi mongzom tam chimüitox. Ma mongmüi ahaile toxle, ipongpong azongle chixe owa hanpak ang among ngopuix? Ija chuwüi laxli chitüikya changpu, —ilaxle chingcha ashukle ngokya olom changpu.

JEREMIA 22:17

Ikoxle nange nang hanpak zaza ajangkya ngünle; nange chemngax chichangkya khünakbu lang ilaxle zongzong ma laxle nang khünaknu thakma adale chang. Jowanpae akaxdaoa.

WANWÜNKAX 23:5

Hozang donglaxle ziale ola hosa pile paokya ningle, nang ngunsyen a noxtakya bama wüi bakle hüi ang tsuak.

WANWÜNKAX 15:11

Ikhato chem tüipuix ija Jowanpa ang awan ang chitomle amalume ngaxchu pyenle thom ang müntho; jangchang thüiba keme kem tutex chix thoto chemle khomle thom ang thoüi?

JOB LAIPEX 26:6

Omang chaxwan a Zang zongto khotho-ngaiza tüile; Chix miksho angkya ija chemningkya kahak füichu müntuktho.

WANWÜNKAX 27:19

Ti kha to nange ngünkya chaxba a nang chaxba changpu ilaxle nange nang mong khato ngün ang kopkya a nang changpu.

HAGAI 1:9

“Hünzome sax huanuma züt ang kopüile ongle ngokya, ikoxle hidaole wüi ang achang. Üntoxle chemtue saxziak hünzome hom to wünpuix, kue ibu zangwin to pile pao ang tom. Kue ija ile büthüikoxle mok? Ku Zangshwom-Hom a pünle ama thomlaxle hünzom a mahax mahom-hom zai ang chakjao chingaile azong ngokya khoma kue ile mokpu.

ISAIA 5:14

Amalum a hwom bama woknuak maxle, ilaxle ija owikha lanle akakox. Mwop-mwop-tsatsale ngonuikya zangjang khünaknu füi tomle ijae Jerusalem angkya pünlix-wangchongbu jokle ling.