WANWÜNKAX 27:17 - OTSAO BAIBEL (BSI)

¹⁷ Jan füi jan junkya ningle, khünake khünak makhange awanle laxle.

WANWÜNKAX 27:17 ပူးပေါင်းရင်းမြစ်များ

IBRI 10:24

Mongkün aho ang tata to fong angkya üntoxle mwot müikya mok ang tata tuitex le tüihax.

WANWÜNKAX 27:9

Ongan müikya müngae pa pongma nang ang mongmüile, ikoxle tingtuie nang mongsom sam ang tomle.

1 SAMUEL 23:16

Jonathan ikhato chix füi apong ang ngui ilaxle Jowanpae sünlax angkhato chem monghix angkya tüipule mongchen zang wünle tox.

2 TIMOTHI 2:3

Kax ma laxle tüikya Khrista Jisu süpahi tuita ningle, nange sikngün ma wom ang thüikox.

JAKOP 1:2

Kutüi kunaohom, otue hünzom lomtang ma thwontsing pangnu oli apongüihex, izuma hünzom shomüi mixbu changpu le texlax,

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

1 THESALONIKA 3:3

tamchu ija a hünzom opupuchu ija zothup khoma chatle samkya chitüi angkya kuxma changle. Ija ningkya zothup a kem hanpakma Zang mongtex changpu le hünzome jaochu awanle ngopu.

2 TIMOTHI 1:12

Ikoxle sikngün ibu athax kue apongle ngokya a ija khoma changle. Ikoxlechu athax kople ku mong chiaole wüi tüile, chemthüikoxle kue ongkya mix kue awanpu, üntoxle chixe ku ang panle thomkya nyix kople ku sünle thom angkya chixe thoüile ku monge texle.

JIHUSUA 1:18

Owae nange apün-adakya to atüi-atuale changüihex chichangba nang kaxtom tütali kax ma chilaxle abaüihex, chix a mik max ang tomüi. Mongzangwünle tsuaklax tamchu mongong thomlax!”

JIHUSUA 2:24

Okhie thüi: “Jowanpae ija haxtok kem ang bakle koxdaokya atsingsho. Ikhatokya khünaknu pangwüi kem thoto zanle abanle ngole.”

WANWÜNKAX 27:16

Nange she chemle adangle thomüi? Nange zangwin abax ang azongdaopia chichangba chak-khui ma awangle münga puixle kop ang azongdaopia?

WANWÜNKAX 27:18

Fupsa pün apu-changlax jangchangba fupsa ziak sax ang ataküihex. Ma hopupa apu-changle tüikya dapa a achuak angkya oli.

WANWÜNKAX 29:22

Mongtsik khangpong ma laxlaxle ngokyabue atsi-ala angkya hia tingtui huanuma adünle.

JUHAN 11:29

Ija kax atatkya füi tomle Meri ajong laxle chix füi apong ang pao.