WANWÜNKAX 26:12 - OTSAO BAIBEL (BSI)

¹² Je-hwon chitüi khato jetüi-hwonlangkya mix ningle thütkya khünak tuita füi a mongkho ojao chinguikya anga tuita wüi sümüi.

WANWÜNKAX 26:12 ပူးပေါင်းရင်းမြစ်များ

WANWÜNKAX 29:20

Ongat to zangwünkya khünak füi anga hanpakma wüi monghom angkya sütüile.

ROM NOK HATO ZAKYA POL LAIZA 12:16

Pangnu hanpakma tuitex tomwüi tüikox. Taxngam taxzam, itülüi jonai mwot pongle kopkox. Nang lualua to jetüi hwonlangpa le taxthüt.

WANWÜNKAX 28:11

Hakpa-luapabue jento hwom a jetüi-hwonlangkyabu ningle thütle, ikoxle tuimix-nuakmix owa ma mongtex zule tüipuix, chixe wüi sümüile tsing.

MIKNGÜN-OHÜN 3:17

Nange thüile, ‘Ku hakpa changle ilaxle müile ngopu; kue alomlom ku ma komle tüipu.’ Ikoxchu nang chemtukux tuitai le tamchu chingcha ashukle tüipuix nange chiawan! Nang a zasa, ohua tamchu miksut mix changle.

MATHI 21:31

Okhi opupue hopa mongtex ma mokpuix?” “Hotüie wüi a”, le hwome lan. Jisu-e hwom ang thüi: “Kue hünzom ang thüipu: Süisai mixbu hia chinunchakkai khünakbu wüi hünzom thoto Zang Wangting alop angkya changle.

WANWÜNKAX 26:5

Ongat kaxtik to ongat kaxlan fakox, ile chichang thüiningle chix mik-hu ma alüile chix a jetüi-hwonlangkya mix changpule ngamkya tüiüi.

KAXHO MÜIKYA LUK 18:11

“Farisi khünak chixsüisüi to ajong üntoxle chix mongto ile akaxle jop: ‘O Zang, ku mix khünak, apamkyabu, chitsaokyabu hia chinunchakkaikyabu ningle chichang ilaxlechu ija süisai mix ningle chichangkya khoma kue nang ang münchong fapu.

KAXHO MÜIKYA LUK 7:44

Ifüima chixe mixcha chito aküi le hulaxle Simon ang thüi: “Nange ija mixcha ngünchami? Ku hünzom hom to nguipu, ikoxle ku cha so ang nange ti ngax chifa, ikoxle she e ku cha mikfi füi solaxle kho füi fwotle azua fadaoa.

WANWÜNKAX 26:16

Zaxkak mixe, ma füi sümüile kaxlan fatsuakkya mixsün anüt füi ngaxchu chix wüi jetüi-hwonlangkya mix changpule thütle.

WANWÜNKAX 22:29

Owawa mwot müile mokle alaikya mix ku hama ahohüi, kue chix wanghom pomtho ma ajong ang.

WANWÜNKAX 3:7

Nang zongzong ma nang a jepa tuitale taxajang; ikoxle tangthole Jowanpa kax ma laxle tüilax ilaxle thaikya mwot taxmok.

JUHAN 9:41

Jisu-e hwom ang thüi: “Hünzom miksut jangchang thüikoxle, hünzom ma ochax müntüise; ikoxle hünzome ‘Kwome ngünle’ le thüikya khoma hünzom a ochax ma ngoüna.”

WANWÜNKAX 12:15

Ongat khünakbue jento hwom a münthaile ajangle. Jetüi-hwonlangkya khünakbue anwot-anole fakya to apaüi.

WANWÜNKAX 28:26

Ma tutex füito azuikya mix a anga. Jetüi-hwonlangkyabu hwon-nwot füito azuilax, ikoxle nang azangüi.

ISAIA 5:21

Hünzom a maxdaoa! Hünzome hünzom a hwontüi-jelangkyabu, tüle tsingzaikyabu le thütle.