WANWÜNKAX 25:3 - OTSAO BAIBEL (BSI)

³ Wanghompa-e chem ajang ngopuix, nange otuechu münawan; zangding tsuakkya ningle tamchu tinu zukya ningle, chix tutexbu a kem füi atsaile ochu towüi.

WANWÜNKAX 25:3 ပူးပေါင်းရင်းမြစ်များ

MÜNCHUAK-TSAI 103:11

Chaxwannu thakma zangding chemtukuxle tsuale tüipuix, chix chathua zale tüikyabu hanpakma chix mongkün itukuxle chongle tüi.

1 WANGHOMBU 4:29

Zang-e Solomon ang ozangjang je to ataxkya thüt ang chitsuakle je-hwon kox.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

ROM NOK HATO ZAKYA POL LAIZA 8:39

thak tokya zangfange wüi changlax chichangba fang tokya zangfange wüi changlax: Jisu Khrista ma kem kux ang ngokya Zang mongkün füi kem ajan ang tho angkya Zang chakzing khama athax kople chemchu matüi.

ISAIA 55:9

Chaxwannu thakma zangdingkho chemle tsuale tüipuix, ibukuxle ku lomtang hia mongjangbu a nang lomtang hia mongjangbu füi tsuale tüile.

ISAIA 7:11

“Jowanpa nang Zang ma nang ang mowan tülaxhüi thüilax. Ija mowan a fangchi amalum tokyachu changtsuak chichangba thakchi zangkangting tokyachu changtsuak.”

WANWÜNKAX 25:2

Zang-e chem pyenle thompuix ija bama kwome chix achuakpu; ibu taile apua fakya hanpakma kwome wanghombu achuakpu.

WANWÜNKAX 25:4

Khop angkya chitsaokyabu achukle awütlax ifüima zingpabue ija makhange osün müikya jali zingle alaiüi.