WANWÜNKAX 24:7 - OTSAO BAIBEL (BSI)

⁷ Jekax-jengao a ongatbu zongto tsingle lax ang chithole tüile. Laxli zangwünle changpongma hwome lan angkya oli tuita müntüi.

WANWÜNKAX 24:7 ပူးပေါင်းရင်းမြစ်များ

WANWÜNKAX 14:6

Je-hwon wanjaile ngokya khünak tuitae otuechu ija münataktsuak, ikoxle je füi lomkya khünake ija ochwon ma atakle.

MÜNCHUAK-TSAI 10:5

Chichangchizangkya khünake pangnuli tsuak. Hwome Zang kaxfün bama ojao chiawantsuak; hwome hwom zanpabu tsünle.

1 KORIN 2:14

Chasa chitüikya khünake Zang Chasa hingho münkop, ibu chix zongma ongat changle, ilaxle chixe ibu tsingle lax ang müntho, chemthüikoxle ibu a Zang Chasa otsao chikao makhange tix azut ajangle lax angkya changle.

AMOS 5:15

Chem ochax hex ija thua anulax, chem supuix ija to mongkünlax, ilaxle khwa ma sukya kaxfün koxle chang angkya to hulax. Ile jangthüiningle owatsing, athax atale toxkya khünakbu to Jowanpae chingchakya tüiüi.

AMOS 5:12

Hünzom ochaxbu chemtukux khomtsikyabu hex tamchu hünzome chemtukuxle mix mik amüt daopuix kue awan ngopu. Hünzome müikya khünakbu to zothuple chang, zuizunbu lax, ilaxle mixshix-zasabu ang khwa ma sukya kaxfün kop ang chitom.

AMOS 5:10

Hünzom khünakbue sukya kaxfün bama alatkya hia khwa ma kaxtsing zangwünle changkya mix to miktsak.

ISAIA 29:21

Zangwün makhange mix tha ajaokyabu, mütkopmixbu kho awakyabu, ilaxle chithaikya mix ang sukya kaxfün chifale abax thomkyabu, ibu Zang-e amaüi.

WANWÜNKAX 22:22

Nange thodaobale tuimix-nuakmix to ajao-adale taxchang; khwa ma wünle fakox angkya khünak owachu chitüile chingchapaküi le ajongkya khünakbu thajao-wünhaile taxchang.

WANWÜNKAX 17:24

Jetüi-hwonlangkya khünake je füi mok angkya to hule, ikoxle ongat khünak tuitae malom-malom tokhange owang wangle.

WANWÜNKAX 15:24

Jetüi-hwonlangkya khünakbu a ma khüzün thakchi to alyet angkya lomtang ma ahamle, zikmüt-mangkho hato athai angkya lomnu ma münchang.

JOB LAIPEX 31:21

Khwalo ma zangwünkya kue wüi lütüile thütlaxle, kue owawa khaxsa nao dyenlale jangchangdao,

JOB LAIPEX 5:4

Ibu su-sa hwome chemtuechu khosün tüile le thüi ang müntho; hwom kho awale khwa ma owachu ajong ang chitho.

MÜNCHUAK-TSAI 127:5

Iningkya sanjunbu füikya khünak a mongmüi mix changpu. Chix to otuechu münlütüi chixe chix zanpabu kaxfün chitong ma apong pongmachu a.

WANWÜNKAX 17:7

Chathuazale tüikya khünakbue otuechu tsaithai-kaxnyaile münchang, ija ningle ongatbu angchu mongong fang zangwün chemchu müntüi.

WANWÜNKAX 17:16

Lainwot-ngaknwot hanpakma ongat khünak tuita hanpakma ngun-syen bakkya ma olüi chemchu müntüi, chemthüikoxle chix ma laxli tutex chemchu müntüi.

ISAIA 32:6

Angae ongat zangwünüi ilaxle ochax mwot mok angkya ajangüi. Chixe chem mokpuix tamchu chixe chem wünpuix ibu a Jowanpa ajao-ahaikya changpu, ilaxle chixe woknuak khünak otuechu müntux ilaxle tilan mix ang ti alingle münchangtox.

WANWÜNKAX 28:5

Ochax khünake sukya chem hex ija müntik, ikoxle opange Jowanpa to shwompuix hwome tix müile tsingle laxle.

WANWÜNKAX 31:23

She kakopa a noknue awanle, ting-nok khama tuita lompa.