WANWÜNKAX 24:23 - OTSAO BAIBEL (BSI)

²³ Jetüi-hwonlangkyabue ijabu chuwüi akaxdaoa: Masüi-mixlüi le kaxfün fa angkya a sukya münchang.

WANWÜNKAX 24:23 ပူးပေါင်းရင်းမြစ်များ

WANWÜNKAX 28:21

Masüi-mixlüikya a münsu. Ikoxle züizüi kaxfün mixbue hidaoküsa zuizun kop ang ngaxchu thaile mokle.

WANWÜNKAX 18:5

Chemchu chitikkya khünak ang sukya kaxfün chifa homtoxle thaikya chima se angkya a sukya olom münchang.

MÜNCHUAK-TSAI 107:43

Jetüi-hwonlangle tüikyabu pangnusae ibu bama ajangle naxchang kox; hwome chithwonkya Jowanpa mongkün changle le naxlaxkox.

LIWI 19:15

“Wanlom ma kaxfün fa angkya zangwün azut pongma olom ma tamchu sule mokkox; mixshix-zasabu to asongle hu ikoxle saxpu-luawang to angakle hule mapai-mixzünkya chitüile tomzi bama sukya kaxfün laxkox.

1 PITAR 1:17

Khünaknu nok ang, mamwot mwot ma thütle, mapai mix chizün homle otya kaxfün fa angkya Zang ang zangjop pongma hünzome “Apa”, le nyaktüi; jangchang thüiba ija chaxwannu ma tsün ngotanto chix chathua zale ngokox.

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

JUHAN 7:24

Otok osün to hulaxle kaxfün fakya zakün, ilaxle kaxfün changle fakox.”

HOSIA 14:9

Ikhama chem zale tüipuix, jetüi-hwonlangkyabue tsingle naxlaxkox, ilaxle hwome ija mong ma pongle naxkopkox. Jowanpa lomtang a otsing lomtang, ilaxle otsao khünakbu a ija lomtang ma ahamle ozün ma ngoüi, ikoxle hwome ija thajaole tüikya khoma ochax khünakbu a ija ma asuaüi ilaxle atiüi.

WANWÜNKAX 1:6

ikoxle tix hwome wanwünkax homongkha ma pyenle thomkya zangwünbu tamchu jepabue atüikya tsai-kaxbu awanle lax ang thoüi.

2 PUKAX-PANGAO 19:7

Jowanpa chathua zakya tüilaxle ilaxle khün-likya füi kaxfün falax, chemthüikoxle Jowanpa, kem Zang-e, dyen-ngankya, masüi-mixlüile changkya hia zuizun, ibu füi adukya müntüi.”

TSAITONG-KAXTONG 16:19

Hwome kaxfün fapongma chisule tamchu süi-süi-chaple kaxfün chifaüi; ilaxle hwome zuizun chilaxüi, chemthüikoxle hingho chakzun makhange jetüi-hwonlangkya hia sukya khünakbu ang ngaxchu mik apwom ang tomle, ilaxle kaxfün othai fa angkya hato ahüile.

TSAITONG-KAXTONG 1:17

Nang kaxfün ma süi-chapkya taxtüi; pangwüi ang kaxfün otyatya wüi laxkox, chix tütapu wüi changle ngolax. Owa thuachu taxza, chemthüikoxle nang kaxfün a Jowanpa tokhange hüikya changle. Tütali zangwün nang zongto sütsakle jangchang, ija zangwün ku hato apüihüi, ija kue tsuakle faüi.’

WANWÜNKAX 22:17

Apalax, kue nang hama jetüi-hwonlangkya mixe akaxkya apuale koxfang. Hwom hwon-nwot-jaono to müile otua lomlax,

JOB LAIPEX 13:8

Hünzome chix khose ang azong ngopia? Hünzome chix füikya zangwün bama khwa to tse-atwonüi hia?