WANWÜNKAX 24:12 - OTSAO BAIBEL (BSI)

¹² Nange ija a ku mwot jao münchangle thüi ang tsuak, ikoxle Zang-e awan-ngole ilaxle chixe nang mongjang bama kaxfün fale. Chixe nang to nyele hungole; chixe awan-ngole. Ilaxle nang mwot füifüi to chixe nang to mohimankya tüiüi.

WANWÜNKAX 24:12 ပူးပေါင်းရင်းမြစ်များ

JOB LAIPEX 34:11

Hwome chemle mokpuix ija hingho chixe khünaknu ang koxle, ilaxle hwom to chemle hwonsehex ile hwonle.

MIKNGÜN-OHÜN 2:23

She füito azuikyabuchu wüi kue langüi, ifüima tix ku a pangnusa küntex mongjang awankya mix changpu le müimüithombue awan ang kopüi. Owae chemle mokdaopuix ima thütle kue hünzom pangnu ang omün achatle faüi.

ROM NOK HATO ZAKYA POL LAIZA 2:6

Chemthüikoxle Zange ma mwotmwot ma thütlaxle khünak nok ang wüi hingho faüi.

WANWÜNKAX 21:2

Nange amokmok pangwüi changkyakya wüile nange thütkoxlax, ikoxlechu Jowanpae nang tutex to hule le texle ataklax.

JEREMIA 17:10

Ku, Jowanpae kün-hi-mong lomle ilaxle khünaknu mong wanle anole. Hwom chemle ngopuix ija olom ma kue pangwüi füi asax-amokpu, hwome mokkya mwot füifüile a.”

HWON-NWOT-JAONO 5:8

Nange apün-awangkyabue mixshix-zasabu to ada laxle hwome ang sukya kaxfün hia hwom süntswon chifale tüikya ngünpongma nang taxabüt. Alixachongbu pangwüi ma thak angkya alixachong tuitae ziakop laxle tüipu, tamchu hokhi pangnyi a süthak angkya alixachong tuitae kho-awale thompu.

MÜNCHUAK-TSAI 121:8

Athaxchu üntoxle jento nang aham-atüikya lomtang pangnu to chixe nang wintuk-hanthale thomüi.

MÜNCHUAK-TSAI 121:3

Chixe nang nguak ang müntomüi; nang kho-awapa a mik azangle tüile.

1 SAMUEL 16:7

Ikoxle Jowanpae chix ang thüi: “Nange chix pum-tsa hia osün müikya to taxhu. Kue chix münlax, chemthüikoxle kue khünake hukya lailaile kotok to hukya münchang ikoxle kue kün-hi-mong khato hupu.”

MÜNCHUAK-TSAI 62:12

üntoxle chix mongkün a ojem chifünkya mongkün changle. Jowanpa, nange nang lualuale, pangnusa angwüi ma mwot ma thütle hingho fale.

MÜNCHUAK-TSAI 17:3

Nange ku mongkha awan ngopu. Nang ku hato zangnak ma nguipu; nange ku to komkaile wanle anopu, ilaxle ku ma ochax lom to mongtsukya chemchu chiatakpu. Mix lailaile

MIKNGÜN-OHÜN 22:12

Jisu-e thüi: “Apalax! Ku chwonle nguile! Mae chemle mokdao laxpuix ilailaile pangnusa ang wüi fa angkya hanpakma ku füi tomle kue hinghobu laxlaxle nguiüi.

MIKNGÜN-OHÜN 2:18

“Thaitira ma tüikya müimüithom angkya kaxtaimix hato zalax: “Ija kaxho a mik wün lailaile üntoxle cha fwotle atsyet thomkya khop lailaile tüikya Zang Hosa tokhange hüikya changle.

MIKNGÜN-OHÜN 1:18

Ozün ma tüikya a ku changle! Ku zidaokya ikoxlechu othuithui hanpak ang azangle tüile. Zik hia zikyabu chaxwan thakma apün-ada angkya zong ku ma tüile.

2 KORIN 5:10

Kem pangnu wüi, kem kaxfünpa Khrista thüntho ma ajong angkya changle. Chixe hingho wüi changlax chichangba sikngün wüi changlax, ija chaxwannu tsün ma ngotanto mae mokdaokya thatha nok ang wüi faüi.

1 KORIN 4:5

Idaile asukhakle otu nguile mahüi tanto hünzome owa angchu kaxfün taxfa. Jowanpa mangui tanto oshuk kaxfün bama tanngo angkya changle. Chixe zangnak khato pyenle thomkya jali zangngai to alaiüi ilaxle khünak mong angkya huxsa mongjang otok to angaiüi. Üntoxle mae kopsese münchong Zang tokhange pangnusae wüi kopüi.

ROM NOK HATO ZAKYA POL LAIZA 2:16

Üntoxle kue apuk-apuakya Kaxho Müikya olom machu, Jisu Khrista makhange, khünak angkya huxsa mongjang bama Zange kaxfünkya nyixchu wanlom ma tüikya ningle mokkya mixtix sukya ang achangüi.

WANGSHEMBU MWOT 17:28

owawae akaxkya ningle: ‘Chix ma kem ozün ma ngopu, amik-amokpu ilaxle ajingle ngopu.’ Ija a hünzom tsaipa owawae thüikya ningle, ‘Kwom chuwüi chixsu chixsabu changle.’

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

DANEL 5:23

Nange zangkangting tokya Jowanpa zongto chichangle mok, chix Zangshwom-Hom tokya apüikya wansa hia khupbu to nang e twonpu. Nang, hünzom nguakax-wangkhobu, nang kakonubu tamchu hünzom danuchabue ibu tuina ma ju-khan lingle changpu ilaxle hun, khop, wi, jan, pün hia long, ibu füi zingkya baozangbu to hünzome shwompu: baozang ibu a ngün ang chitho, atat ang chitho chichangba mok ang hia tütali awanle lax ang chithokya baozangbu. Ikoxle nang ozün ma thom angkya hia zi ang tom angkya tamchu nangsüt-nangmwot pangwüi nuazing tsuakle hume ngokya Zang ang mix a nang e münchong chifa.

JEREMIA 32:19

Nange je füi mwottho zing ilaxle chongkya-chongkya mwotbu mokpu; khünaknue mokkya oli pangwüi nang ngünpu, ilaxle nange hwom ang hwom mwot füifüile hingho fapu.

WANWÜNKAX 5:21

Jowanpae nang mwot pangwüi ngünle ngole. Nang ojongto paopuix, chixe nyele ngole.

MÜNCHUAK-TSAI 66:9

Chixe kem ozün ma thomle üntoxle düt ang chitom.

MÜNCHUAK-TSAI 44:21

nange ija chithaile atakdaose, chemthüikoxle nange kwom huxsa mongjangbu awanle.

MÜNCHUAK-TSAI 7:9

Nang a otsao Zang changle üntoxle kwom tutex hia küntsu-monglua kaxfün fale. Chichangchizangkyabue mokkya ochax mwot zak ang tomkox üntoxle sukyabu ang hingho fakox.

1 SAMUEL 25:29

Owawae nang to chakmok-janlang ilaxle lang ang tungle jangchang, Jowanpa nang Zang-e, khünakbue ma thalix tuina sünle thompupule sünle thomüi. Ikoxle nang zanpabu a, khünak tuitae jandao long tswonle awütpupule Jowanpae tswonle awütüi.

1 SAMUEL 2:6

Jowanpae khüzün amüt tamchu khüzün koxle; chixe khünakbu amalum pan fangto le ang tom, ilaxle ikha tokya chixe wüi tamchatle apüi.

1 SAMUEL 2:3

Nang mong azaxle ngamle ngokya zakdao; nang mongngam kaxbu adang dao. Chemthüikoxle Jowanpa a chitsing-jawan changpu, ilaxle khünaknue mokkya mwot pangwüi bama kax chixe fünle.

MÜNCHUAK-TSAI 94:9

Zang-e kem nabu zingle koxpu: chixe atat ang müntho lehi?

WANWÜNKAX 12:14

Nang hingho a nang zangwün hia nang mwot füifüi; nang chem kopsehex ija nange kopüi.

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

WANWÜNKAX 16:2

Nange mokkya pangwüi sule tüile le nang thütle ngokoxlax, ikoxlechu nang tutex kaxfün fakya a Jowanpa tix changpu.

MANGSOP 3:36

khwalo ma sukya kaxfün ajoajüile changpongma chixe awanle.