WANWÜNKAX 22:4 - OTSAO BAIBEL (BSI)

⁴ Jowanpa kax ma laxlax tamchu puinaile tüilax jangchangba nange ahak-aluakya, münchong hia tsünlo-zaknuile ngo angkya pangwüi kopüi.

WANWÜNKAX 22:4 ပူးပေါင်းရင်းမြစ်များ

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

JAKOP 4:10

Jowanpa thüntho ma hünzom puinai le tüilax, ile jangchangba chixe hünzom asale nwonüi.

WANWÜNKAX 21:21

Chingcha-mongkün tamchu sützia-mwotzia ma ngokox jangchangba nang tsünlole ngo ang kopüi; mixe nang to e-sele changüi tamchu müile hu-meüi.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

WANWÜNKAX 3:16

Je-hwone nang ang tsünlwot fale, ifüi tomle tuina hia achuak-achenkya chuwüi fale.

JAKOP 4:6

Ikoxlechu chixe fakya chingcha ifüi sütsexkya changle. Chemthüikoxle Otsao Lai-e thüile: “Ngamkyabu to Zange abaxle, ikoxle puinaikybu ang chixe chingcha fale.”

ISAIA 33:6

ilaxle tingnok a oting ma sütle shingmong ang tomüi. Chixe jento chix khünaknu kho-awale ilaxle hwom ang je-hwon hia tsing-wankya koxle. Hwome tuina tüichongpa aJowanpa achuak-achenkya changle.

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

WANWÜNKAX 21:20

Jetüi-hwonlangkya khünakbu a tüinangle tamchu mongtex ma ngo ang kople, ikoxle ongat khünakbue ongun-osyen chemtukux chwonpaile koppuix itukuxle lebama baktsuakle.

WANWÜNKAX 22:3

Mik-hing-nakakya khünakbue thama hüile ngokya ngünle ilaxle ija tsiakle toxle, ikoxle khangka chizaikya mix küithole ikhato nguile koxle ilaxle wanzing to tix khaxtok to top angkya laile.

WANWÜNKAX 22:5

Nange ma khüzün to mongkünkya jangtüi, lomjang to chichang-chizangkya khünakbu amankya taibu füi atsaile ngolax.

WANWÜNKAX 29:23

Ma kax ma chilaxlaxba le thütkyae nang thomle adütüi, ikoxle nang a puinaile jangtüi, nang chathua zaüi.

WANWÜNKAX 31:30

Jik-naikya a odyen changpu ilaxle sünmüi samdao angkya, ikoxle Jowanpa achuak-achenle tüikya mixcha a achuak angkya wüi.

DANEL 4:36

“Chemtue ku khangka hingle hüipuix, ku wanghom münchong, achuakachenkya tamchu ku wangting fuazangle tüikya pangwüi ku ang achatle kox. Ku nguakax-wangkho hia alixachongbu pangnusae ku pwonle pongle kop, ilaxle ku ang amipongkya füi ngaxchu sütsexle ku wanghom tsak-zong hia achuak-achenkya fa.

WANWÜNKAX 19:23

Jowanpa kax ma laxle tüilax, jangchangba nang, mongzom ma müile tamchu khosün ma tsünlo-zaknuile ngo ang kopüi.