WANWÜNKAX 20:7 - OTSAO BAIBEL (BSI)

⁷ Otsingtsing zangwün tamchu sukya mwot mokkya hopa tüikyabu a tüle shomüikya su-sa hwom changpu.

WANWÜNKAX 20:7 ပူးပေါင်းရင်းမြစ်များ

MÜNCHUAK-TSAI 112:2

Müikya khünak su-sa hwom haxtok ma tsak-zongle tüiüi; chix sixli hwom to mohimanüi.

MÜNCHUAK-TSAI 37:26

Othuithuima hwome mix ang amuamuale kox-zunle changle, ilaxle hwom su-sabu a mohiman ang achangle.

JEREMIA 32:39

Kue hwom ang tsün ma mwotli tuita wüi koxüi: ija a, hwom tamchu hwom su-sa hwom fünmüi angkya hanpakma, hwome othuithuima ku chathua zale ngo angkya.

2 KORIN 1:12

Kwom mongngam a: Ija chaxwannu ma kwom tsün, tamnüilechu hünzom füi asyen-abuikya bama, khünak hwon-je makhange chichangle Zang chingcha tsakzong makkange, Zange fakya ngaitho hia zaxhune azuilaxle saxmokle hüidaoa le kwom khangka ma tsaotha le awandaoa.

WANGSHEMBU MWOT 2:39

Chemthüikoxle hünzom üntoxle hünzom susabu, üntoxle tsailo to ngokyabu pangnu, üntoxle Jowanpa kem Zange chix hato otukux sele tüilaxpuix, ibu noknusa hanpakmale Zange tsaokya changle.”

WANWÜNKAX 19:1

Tsetselopkya ongat khünak ang ngokya füi chem chitüikoxchu otsingtsing ma ngokya wüi sümüi.

WANWÜNKAX 13:22

Müikya khünakbu ma hwom su-sabu chak to tox ang tuina tüiüi, ikoxle ochax khünak tuinabu a otsao khünakbu chak to dongüi.

WANWÜNKAX 14:2

Nang thaithaxle taxchang, ijae nang Jowanpa chathua zale tüikya ahole; thaithainyaile jangchang, ijae nang ile müntüile ahopu.

MÜNCHUAK-TSAI 15:2

Opange pangnu lom ma Zang kax ma laxle tüipuix üntoxle othuithuima changkya mwot mokle tüipuix, opang zangwün sule tamchu mongkoxle tüipuix,

PONGWANG LAIPEX 17:7

“Oshuk-chitüikya Tsaotsüt tuita ang kue ku kaxtsao füichima nang füi tamchu nang su-sa hwom füi thom ang tomüi. Ku a nang Zang tamchu nang su-sa hwom Zang ang ngoüi.

KAXHO MÜIKYA LUK 1:6

Jowanpa wanlom hia kaxtombu apale hokhi a Zang miksho ma otsao tsün ngo.

MÜNCHUAK-TSAI 26:1

Jowanpa, ija bama kue chemchu müntik koxa, le ngaifa, chemthüikoxle kue chem supuix ija mokwüi ilaxle komkaile mongong thompu.

ISAIA 33:15

Nange kaxtsing zangwün tamchu sukyakya mokle jangchang nang chizile ngo ang tsuak. Nang tsak-zong a chitüi-chinang dyenla ang taxtwon ilaxle zuizun pongle taxkop. Mix mik amüt ang tungkya hia ochax mwot mok ang tungkyabu khato taxhak.

MÜNCHUAK-TSAI 26:11

Ku hanpakpak a, chem supuix ijatix kue mokpu; ku to chingcha-jaja tüihüi üntoxle khosünle kophüi!

JOB LAIPEX 1:1

Jople amünkya mixsün tuita tüikya; chix a Uz nok ma ngokya mixsün tuita. Chixe Zang to shwom ilaxle chix to mongong thom. Chix a müikya khünak tuita changkya. Tütali to thaithaxle chibang angkya hanpakma chix tüle khünzai.

WANWÜNKAX 14:26

Jowanpa chathua zakyae khünak tuita ang tamchu chix homkha ang mongong chalom hia khangkho sünkya tüiüi.