WANWÜNKAX 20:6 - OTSAO BAIBEL (BSI)

⁶ Noknusae wüi ma müikya hia sukya mowün amüile zangwünle, ikoxle otsingtomtata ma iningle mix owawa atak ang azonglax!

WANWÜNKAX 20:6 ပူးပေါင်းရင်းမြစ်များ

MÜNCHUAK-TSAI 12:1

Kwom to asunhüi, Jowanpa! Atale toxkya müikya khünak tuita müntüi; sukya khünak athax atak angkya müntüi;

MATHI 6:2

“Chitüi chinang mix to fongle jali kox-zun pongma, künkux mongkwombue Zangshwom nui to hia noknu tu ma hwonkya ningle, achenle taxaho. Hwome ile mokkya a khünaknue hwom naxachuak ang mokpu. Kue hünzom füi kaxshing kople akaxpu, hwome ma hingho komle kopdaoa.

KAXHO MÜIKYA LUK 18:8

Kue thüipu, chixe hwom chima sele kaxfün chwonle wüi faüi. Ile changkoxchu chix nguikya zuma chaxwannu ma Khünak Hosae mongong ataklax angma hex?”

KAXHO MÜIKYA LUK 22:33

Pitar-e lan: “Jowanpa, ku nang füi tomle kun to donglaxle nang füi tomle zi ang ngaxchu ku achwon ngopu!”

KAXHO MÜIKYA LUK 18:11

“Farisi khünak chixsüisüi to ajong üntoxle chix mongto ile akaxle jop: ‘O Zang, ku mix khünak, apamkyabu, chitsaokyabu hia chinunchakkaikyabu ningle chichang ilaxlechu ija süisai mix ningle chichangkya khoma kue nang ang münchong fapu.

WANWÜNKAX 27:2

Mix khünake: mixhing wünpabue to lünle nang achuakle naxchang; otuechu ma alüile achuakle taxchang.

WANWÜNKAX 25:14

Chikox angkya khato koxüihex-ole tsaosaxkya khünak a tuita zangngax chiawat angkya to atyenkya zangfwom hia awinkya zangwin ningle changpu.

JEREMIA 5:1

Jerusalem angkya khünaknu, hünzom tingjang lomnubu fole ziklax! Akhople hulax! Ma hanpakpak to hulax! Thalex-juatai nuibu lomlax! Sukya mwot mokle tüikya mix tamchu Zang to mongong shingmongle ngo ang azongkya mix khünak tuita ngaxchu hünzome atat ang cha? Hünzome atakle jangtsuak, Jowanpae Jerusalem thaikya alaküi.

2 KORIN 12:11

Kue ongat ningle mok ngopu, ikoxle hünzom tokhange kue ile mokpu. Ku bama achuak achenle wün angkya a hünzom changse. Chemthüikoxle ku chemangchu chichangle tüikoxlechu, hünzome “ataxkya wangshembu”, le ekyabu füi ku tütali lom machu ahixkya münchang.

JUHAN 1:47

Jisu-e Nathanel chix hato hüikya ngün ilaxle chix bama thüi: “Israel khünak tsingtsing to hulax; chix ma thaikya chem müntüi!”

KAXHO MÜIKYA LUK 18:28

Ifüima Pitar-e thüi: “Hulax, nang man toüi ma kwome hom-pung komle dantoxpu.”

MIKA 7:2

Ija haxtok ma, Zang kax ma laxle tüikya sukya khünak tuita danle müntox. Pangnusasa wüi mik amüt angkya hanpakma ziasyen thatan ngole. Noknoke wüi ma-mix zan to kale ngole.

HWON-NWOT-JAONO 7:28

Kue mama kaxlanbu to hule hüipu ikoxle tuita chu chiatak. Chathuazale chang koxle asule tüikya mix kue hajat tuita khama khünak tuita wüi atakle, ikoxle ikhama sheko tuita müntüi.

WANWÜNKAX 20:5

Khünak tuita mongjang a tüküi mong tokya ti ningle, ikoxle awan-atsingkya khünak owawae ija khole laxtsuakle.

MÜNCHUAK-TSAI 12:2

Hwom pangwüi tata zongto atse;

MIKA 7:1

Monghom angkya ojao müntüi! Ku a, fupsa pün ma pünziak tuita chiatak ilaxle grep zu ma grep ziak tuita chiatakle woknuak maxngokya mixsün tuita ningle. Grep hia ipong müikya fupsa ziakbu a komkaile khaibang daoa.