WANWÜNKAX 20:1 - OTSAO BAIBEL (BSI)

¹ Alüile juling-saxsaxle changkyae nang olyem ang azing ang tamchu ongat ang achangle. Jutok-saxnga le chang angkya a ongat.

WANWÜNKAX 20:1 ပူးပေါင်းရင်းမြစ်များ

HOSIA 4:11

Jowanpae thüi: “Ju, odom hia ozia pangnyie ku khünaknu ang hwom tutex asam ang tom ngole!

EFISIA 5:18

Hünzom olithu angkya jue nang to taxtok; itülüi Chasae awangle ngolax.

ISAIA 28:7

Jenu-shipa hia nguapabu ngaxchu juling-saxsax laxle tok-tok-ngale lomnong to paodaoa. Hwom chikho suale laxkya hia jepakya kople hwome okho-anguile jao juling-saxsaxle changle. Ajebu a Zang-e ahüikya mikngünohün ngaxchu tsingle lax ang chithole jue tok, ilaxle nguapabu chuwüi hwom hato apüikya tsetwon-zangwün fünle fa ang ngaxchu khosamle jutok ngo.

WANWÜNKAX 31:4

Lemuel, apalax, wanghombue junu hia jukhi chemchu chilingüi.

1 KORIN 6:10

chichangba ahuxkya, osing nüfux, jutok saxngat, adix-ada, pa-lokya, iningkyabu owaechu Zang Wangting mantswon ang münkopüi.

GALATIA 5:21

ahak-ahankya; osing-nüfux; mong apamkya; jutok-saxngat; thomsha-khuazong; iningkyabu. Ami pongkya ningle athaxchu kue hünzom ang kaxkhün fapu: Opange iningkyabu saxmok laxüihex, ibue Zang Wangting kop ang müntho.

2 SAMUEL 11:13

Dawid-e chix a fongsax ang se ilaxle ju ang atok. Ikoxle ija ja chuwüi Uriah hom to chichat; itülüi toxnyinu nom laxle wanghompa nyetmixbu nui ma wüi jip.

ISAIA 56:12

Ibu juling mixbue thüile, ‘Ju apüihax, ilaxle keme otsuak-tsuak ma linghax! Anyix tukux ngainyix a ofün chimüitüi!’”

ISAIA 5:22

Hünzom a maxdaoa! Ju pe ma naomüibu! Ija lingkya zuma hünzom ang tüle mongchong!

HOSIA 7:5

Wanghom fongkhale sax nyix hwome wanghompa hia chix nguakax wangkhobu ang ju alinglaxle tokle nga ang tom.

2 SAMUEL 13:28

ilaxle chix dabu ang adangle fa: “Amnon-e ju okhonguile lingkya to hule ngohüi, ilaxle chemtue kue kaxkoxle changpuix, chix lang kox. Ojao taxza. Ija bama hünlit kue laxlax angpu. Mongchong kox ilaxle cha-ao-mongsao taxtüi!”

LIWI 10:9

“Hünzome tamchu hünzom su-sabu owaechu ku ngole tüikya Nyihom to juling-saxsax laxle taxngui. Hünzome ile jangmok, hünzom a ziüi. Ija a hünzom hanpak ang sutsün-satsün to nguile ojento twonle ngo angkya wanlom changpu.

WANWÜNKAX 23:20

Angangle juling-saxsaxle changkyabu füi tomsax-tommokle taxchang.

HABAKUK 2:5

Tuinae dyenlale changüi. Nüfux füikya khünakbu ma mongngam tüile ilaxle mong nazakkya chitüi. Hwom a zikmüt-mangkho ningle otuechu mongzom müikya chitüi. Ikhoma hwome ma hanpak ang jat-li bomachu jat-libu tingtakle pao.

ISAIA 5:11

Hünzom a maxdaoa! Hünzom juling saxsaxle chang ang swomsae kai wüi zopu, ilaxle zangnak ma chuwüi sudaole jutok ngopu.