WANWÜNKAX 2:6 - OTSAO BAIBEL (BSI)

⁶ Je-hwon koxkya a Jowanpa tix changle; tsing-wankya hia man-ngünkya chix makhange tix hüile.

WANWÜNKAX 2:6 ပူးပေါင်းရင်းမြစ်များ

JAKOP 1:5

Ikoxle hünzom khama owawa je-hwon ma okho chinguikya mix jangtüi thüiba, chixe Zang ma ju ang laxkox; chemthüikoxle thaikya lomle chingo homle mongtsukya füi koxkya Zange ija chix ang faüi.

MÜNCHUAK-TSAI 119:98

Nang kaxtom a ku füi jento tüile ilaxle ku a zanpabu füichu onüi ang hwontüi-jelang mix ang achangle.

JOB LAIPEX 32:8

Ikoxle khünak hato nguilaxle hwom ang je-hwon koxkya a Khüthak Zang chasa tix changle.

KAXHO MÜIKYA LUK 21:15

Chemthüikoxle hünzom zanbu owaechu hünzom füi apan ang chitho angkya hia lan ang chitsuak angkya kax üntoxle je-hwon kue hünzom ang koxüi.

ISAIA 54:13

“Nang khünaknu to ku jaojaoe anwot-anole changüi ilaxle hwom ang ahak-alua angkya hia mongsom koxüi.

JUHAN 6:45

Ajepae ile zakya tüile: ‘Pangnusa hama Zange apuaüi.’ Owae Apa kax atatüi hex tamchu chix makhange awanle laxüi hex, chix tix ku hato nguile.

1 WANGHOMBU 3:12

nange jukya kue nang ang koxüi. Kue nang ang je-hwon otax-onüi koxüi. Nang lailaikya mix owachu matüitox tamchu müntüitoxüi.

JAKOP 1:17

Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

MÜNCHUAK-TSAI 119:104

Kue nang Wanlombu makhange hwon-je kople, ikhoma kue chimüikya zanglom-saikha pangwüi thua anule.

DANEL 2:23

Kue nang to shwompu ilaxle nang achuakpu, nang kwom pupa hwom Zang. Je-hwon hia tsak-zong ku ang nange koxpu; ku zangjop to nange lanpu ilaxle wanghompa hama chem akax angkya hex ija kwom hama nange aho fapu.”

DANEL 1:17

Ibu mixsün ali ang Zang-e man-ngünkya hia tsing-wankya fa. Ito bole chixe Danel ang mikngün-ohün hia wünmangbu tai ang awan angkya jetax-hwonnüi kox.

ISAIA 8:20

Hünzome ibu kax to lanüi: “Hünzom hama Jowanpae chem anwot-ano puix ija to apalax! Jenu-shipabu zangwün to taxapa — hwom zangwüne hünzom sikngün füi atsaile thom ang münthopu.”

1 WANGHOMBU 4:29

Zang-e Solomon ang ozangjang je to ataxkya thüt ang chitsuakle je-hwon kox.

DANEL 2:21

Chixe otu-owan hia hanpak-zanghan pangwüi chix chak ma kople thomle; khünak züizüi chixe wanghom ang achang ikoxle züizüi a wanghom ang ngokya amüt; Je-hia hwon koxkya a chix tix changpu.

WANWÜNKAX 6:23

Adangle fakya ibu a wünnyan changle; achangle fakya ibue nang chemle ngokox müiüi ija anwot-anole fa ang tsuak.

MÜNCHUAK-TSAI 19:7

Jowanpa Wanlom a okhonguikya changle; ijae janzüi hozün koxle. Jowanpa kaxtombu a mongong tüikya wüi changle, je chitüikyabu ang je kox.

1 WANGHOMBU 3:9

Idaile nang khünaknu thakma kue sukya kaxfün fakya füi tamchu omüi hia oma ajatle awanle apün ang thokya lima ku ang je-hwon fahüi. Ile chichang thüiningle ibibikya nang khünaknu kue chemle apünthoüi?”

LAIPAO 31:3

Kue chix to kutsak-kuzong füi awangle chang ang tompu. Kue chix ang tsing-wankya, man-ngünkya ilaxlechu chakzing mwot pangwüi moktsuak angkya zong koxpu.

1 PUKAX-PANGAO 22:12

Ilaxle chix Wanlom ma chemle tüipuix ilailaile nange Israel khünaknu apün-awangle tsuak angkya hanpakma Jowanpae nang ang tutex-mongjang hia je-hwon naxfakox.

NEHEMIA 7:5

Hwom kako-kako akhi-takle hu angkya hanpakma khünaknu hia lompabu tamchu alixachongbu sele asox angkya hanpakma Zang-e ku mongkho ma adünle fa. Zanda ang ngokya pongwang ma chatkyabu bama laiza thomkya kue lomle atak, ilaxle kue atakkya a ija changle:

JOB LAIPEX 22:22

Chixe koxkya hwon-nwot jaono pongle koplax; chix kaxbu nang mong ma pongle koplax.

MÜNCHUAK-TSAI 51:6

Mongkoxkya hia otsingtsing a nange lomkya changle; nang je-hwone ku khangka awang fale.

HWON-NWOT-JAONO 2:26

Je-hwon, tsing-wankya, ilaxle mongmüi a Zang-e chix mong amüikyabu ang koxle, ikoxle chixe ochax khünakbu ang kop-lo angkya hia tsyenle twon angkya bama mwot mok ang tomle, ikoxle tix chixe ma mong amüikya mix ang koxtsuak angkya chang koxle. Ima laxli chemchu müntüi. Ija a zangwin füito zikkya thatha changpu.

1 WANGHOMBU 10:24

Zang-e chix ang koxkya je-kax to apa ang chaxwannu pangwüi chix hato nguisele tsu.

IZRA 7:25

“Izra, Zang-e nang ang fale tüikya hwon-je twonlaxle, Zang Wanlom fang ma ngole tüikya Hannop-Eufrat angkya khünaknu thakma apün-awang angkya pünpa-chongwang hia kaxfünpabu nange zün angkya changle. Ija Wanlom chitsingkya khünak owawa jangtüi, nange chix hama ija anwot-anole kox angkya changpu.

JOB LAIPEX 12:16

Zang a othuithuima tsak-zongle ngokya chitho-jalün; dyenkya khünak üntoxle owato dyen puix, hokhi pangnyi chixtsak chixzong ma tüipu.

MÜNCHUAK-TSAI 19:8

Jowanpa wanlombu a otsingtsing changle, üntoxle ibu kax ma laxle tüikyabu ang mongmüi tüile. Jowanpa kaxtombu a sukya changle üntoxle tutex ma atsing-awankya koxle.

MÜNCHUAK-TSAI 94:10

Chixe jat-libu to sa: chixe hwom ang sik münangünpia? Chix a pangnusa hanpakma nwotmix changpu: chix ma tütali hwon-je müntüile hia?

MÜNCHUAK-TSAI 119:34

Nang wanlom ku hama akhixle wünfahüi, ilaxle kue ija kax ma laxüi; ija kue zongbakle mongkha ma thomüi.