WANWÜNKAX 2:5 - OTSAO BAIBEL (BSI)

⁵ Nange ile jangmok thüiba, Jowanpa thua zapu tamchu Zang tsing-wanpule chem ang nyakpuix ija awanle laxüi.

WANWÜNKAX 2:5 ပူးပေါင်းရင်းမြစ်များ

WANWÜNKAX 1:7

Jetüi-hwonlangle chang angkya hanpakma nang owangpa ma Jowanpa thua zakop angkya changpu. Angabue je-hwon chathua zale münchang ilaxle tsing-wanle münchangpu le angamle.

JEREMIA 24:7

Kue hwom ang ku a Jowanpa changpule awanse tsukya mongtsukya azaile koxüi. Ifüima hwom a ku khünaknu ang changüi, ilaxle ku a hwom Zang ang changüi, chemthüikoxle hwom a ku hato mongpak-fünthole chat angkya changle.

1 JUHAN 5:20

Keme otsingtsing Zang tuita tsing angkya hanpakma, Zang Hosa ngui laxle kem ang tsingwankya fadaoa le keme awanpu. Kem otsingtsing Zang tuita tamchu Hosa Jisu Khrista füi notom ma womle ngopu. Ija a otsingtsing Zang tuita, tamchu tuita oshuk chitüikya khüzün.

KAXHO MÜIKYA LUK 10:22

“Apae ku ang pangnu li koxdaoa. Hopa boma Hosa owaechu münawan; üntoxle Hosa hia Hosae opang hato Hopa ngaile aho ang zünle koplaxpuix, hwom boma Hopa owaechu münawan.”

JEREMIA 9:24

Owawae tsaichong-kaxbongle tüise jangtsu, ibu hwome ku tsing-wankya bama tsaichong-kaxbongle chang ang tsuak, chemthüikoxle ku mongkün ma ojem münfün, ilaxle kue chem supuix tamchu chem changpuix ijatix mokpu. Ku mong amüi angkya mwotli a ibutix changpu. Ija a, Jowanpa, kue akaxdaoa.”

MATHI 11:27

“Apae ku ang pangnu li wüi fadaoa. Hopa boma Hosa owaechu müntsing tamchu Hosa hia chixe angaile ahose le mongtsukyabu boma Hopa owaechu müntsing.

HOSIA 6:3

Kemepi Jowanpa tikle lax ang azong hax. Tütakoxchu zangngaile hüikya ningle, ojao chithaile chaxwan tok to tsosa zangwat dütkya ningle, chix a kem hato hüiüi jaojao.”

JEREMIA 31:34

Hwom opupuechu tomzi hama Jowanpa tsingle lax angkya wüile anwot-ano ngo angkya müntüi, chemthüikoxle hixkya makhange chongkya kople hwom pangnusae ku awanle changüi. Kue hwom ochaxbu alaküi ilaxle hwom thaikyabu mong ma münthomüi. Ku, Jowanpae ija akaxdaoa.”

WANWÜNKAX 9:10

Jetüi-hwonlangkya mix ang achangüi thoma nange pongwang ma Jowanpa to achuak-achenkya tüi angkya oli. Nange Otsaopa awanle jangchang thüiningle nange tsing-wanle changüi.

JOB LAIPEX 28:28

Zang-e khünaknu ang thüi: “Jetüi angkya hanpakma Zang thua za angkya changle. Tsing-wan angkya hanpakma ochax hato tok aho angkya changle.”

JUHAN 17:3

Oshuk chitüikya tsün khüzün le thüikoxle, tuita otsingtsing Zang, nang awankya tamchu nange tsanle ajokya Jisu Khrista tsingkya ang thüipu.

WANWÜNKAX 8:17

Kue ku to mongkünkyabu to mongkünle; opange ku lompuix ibue ku ataktsuaküi.

WANWÜNKAX 28:7

Wanlom kax ma laxle tüikya tsünzün thom a jetüi-hwonlangkyabu changpu. Tütama lax ang chimüikyabu füi zuikhui zingkya a honu-hopa hwom hanpakma zakkop changpu.

ISAIA 33:6

ilaxle tingnok a oting ma sütle shingmong ang tomüi. Chixe jento chix khünaknu kho-awale ilaxle hwom ang je-hwon hia tsing-wankya koxle. Hwome tuina tüichongpa aJowanpa achuak-achenkya changle.