WANWÜNKAX 19:10 - OTSAO BAIBEL (BSI)

¹⁰ Ongat khünak a shixshixkhaxle chingo angkya oli, ilaxle da tuitae alixachong to apün-adale chichang angkya oli.

WANWÜNKAX 19:10 ပူးပေါင်းရင်းမြစ်များ

WANWÜNKAX 26:1

Tsonue nyenti dütkya hia tsaxtu pongma zangwatkya chisukya ningle mongkho chinguikya khünak achuak-achenle changkya ojao münpax.

JAKOP 4:9

Mongmakya tüilax, soplax, üntoxle mikfi ajenlax; hünzom nyit sopkya ang achanglax, hünzom mongma mongmüi ang achanglax!

KAXHO MÜIKYA LUK 16:23

ilaxle chix amalumfang To sikngün ashukle ngoponge, chixe mik zaple thakchi to hukoxle ochu to chixe Abraham üntoxle chix zuima thungle Lazar le ngün.

KAXHO MÜIKYA LUK 16:19

“Hanpak tuita ma, nyiza otha alixlix lax üntoxle nyixfole mongtex ma fongkhale saxlan le ngokya hakpa tuita tüikya.

HOSIA 9:1

Israel khünaknu, songsaribu ningle hünzome pangpwon saxle ngokya zakün. Hünzome a hünzom Zang hato tok ahodaoa ilaxle chix to mongong chitüile hünzom ngole hüile. Chaxwan faole hünzome tsangtsa hangkya khünakbu ningle ma alüile Bal baozang ang hangdaoa ilaxle chixe hünzom ang omün ang koxpule thütkya saxziak to mongkünle changdaoa!

ISAIA 3:5

Hwome tata to adale changüi. Naolibue tüichong mixmüibu chathua zale chitüiüi, ilaxle laxli chitüikya khünakbue ma thakma akhokyabu to e-sele chitüiüi.

ESTAR 3:15

Wanghompa kaxtom ma ija khuapu a pongwün tingnu Susa machu noknusa na to atat ang tom. Zikkyabue ija kaxho angkya wangtsak ting pangnu khato wüi apuk. Susa tingnu a tüle khosam to adütlaxle wanghompa hia Haman hokhi a juling ang thung.

2 SAMUEL 3:39

Ku a tuita Jowanpae zünle kopkya wanghompa changle, ikoxngaxchu anyix ku ang zong chitüile changkya kue tikle laxle. Zarüiah sasün hwom a ku zongto huanuma wüi changnong pünthomle tüile. Hwome lomkya ningle Jowanpae ija mütkop bama hwom to sikangünle naxchang kox!”

1 SAMUEL 25:36

Abigail Nabal hato chat. Chix a chongwang hwome püntuxkya ningle fongkhale saxngokya. Chixe jutok laxle jemax-hwonsamle tüikya khoma she-e chix hama ofüinop kople chemchu chiwün.

WANWÜNKAX 17:7

Chathuazale tüikya khünakbue otuechu tsaithai-kaxnyaile münchang, ija ningle ongatbu angchu mongong fang zangwün chemchu müntüi.