WANWÜNKAX 18:7 - OTSAO BAIBEL (BSI)

⁷ Chemtue ongat khünak tuitae zangwünpuix, chixe ma hato thama sekya changpu; chix tsaifa-kaxfafa mawüi chix manle.

WANWÜNKAX 18:7 ပူးပေါင်းရင်းမြစ်များ

WANWÜNKAX 13:3

Nange chem zangwünpuix ija bama khünzailax ilaxle nang khüzün awale koplax. Füitui texkya chitüile zangwünkya khünake ma max angkya atakle.

WANWÜNKAX 12:13

Chichangchizangkya khünakbu a ma zangwünbu ma manle, ikoxle otsing khünakbu a ma alüile thama chak tokya azangle paole.

WANWÜNKAX 10:14

Jetüi-hwonlangkya khünake tsuakkya pongle tsing-wankya kople, ikoxle chemtue ongat khünake zangwünle changpuix, tingtui a hoxchwon ma tüile.

MÜNCHUAK-TSAI 140:9

Ku akhoplaxle tüikyabu ngadong ang taxtom, hwom tunpünbu makhange ku aza-anale changkya hwom ding mawüi düt ang tomkox!

MÜNCHUAK-TSAI 64:8

Kax ibu khoma chixe hwom amütüi; hwom ngünkyabu pangnue ngom saküi.

WANWÜNKAX 6:2

Nang zangwün hia nang kaxtsaobue nang alüile aman dao pia?

WANWÜNKAX 10:8

Khünzaikya khünakbue anwot-anole koxkya pongle kopüi. Ongat zangwünkya khünakbue thama apongüi.

KAXFÜNPA-HWOM 11:35

Chemtue chixe she ngünle laxpuix, chixe mongtsik laxle chix nyi akyetle thüi: “Oh, ku sacha! Nange ku mong ashixdaoa! Ku mongto okak adün angkya nang ang wüio lechu büthüikoxle chang angkya? Kue Jowanpa füi tsaotsütle changdaoa, ilaxle kue ija chatle achat ang müntsuak!”

WANWÜNKAX 18:8

Zaman zangwün a huanuma tile: ija jok angkya to keme chemtukuxle mongkünpuix!

WANWÜNKAX 5:22

Chichangchizangkya khünakbu ochax a kam thakya tuita changle. Hwom a ma ochax sha ma alüile manle.

WANWÜNKAX 14:3

Ongat mongngam khünake zang huanuma wünüi; jetüi-hwonlangkya zangwünbu füi hwom kho awaüi.

WANWÜNKAX 16:22

Jetüi-hwonlangkyabu hanpakma je-hwon a khüzün tümik changpu, ikoxle ongatbu ang anwot-anole chang ang azongkya a tuita hanpak ashixkya zaza.