WANWÜNKAX 18:6 - OTSAO BAIBEL (BSI)

⁶ Chemtue ongat khünak tuitae kax ma alat ang sütpuix, ija chixe ma to chakmok-hüile lompu.

WANWÜNKAX 18:6 ပူးပေါင်းရင်းမြစ်များ

WANWÜNKAX 27:3

Sak hia long füi ngaxchu ongate apüikya tingtui wüi sülix.

WANWÜNKAX 29:9

Chemtue jetüi-hwonlangkya khünake ongat khünak tuita zongto müikya wanlom tuita apüile changpuix, ija angapa a nyilan nyiüi ilaxle ija a noke atatle tuita wünhai ang achangüi.

WANWÜNKAX 25:24

Zaman mixcha füi tomle homkha ma ngokya füi homtok to ngokya wüi sümüi.

WANWÜNKAX 20:3

Ongat khünak tütapuechu zangwün atsat ang tsuak; ibu füi atsaile ngo angkya a tuita achuak-achen fang changpu.

WANWÜNKAX 19:29

Zünkax-saikax ma chilaxkya zünte-e tok ma sansüi kop angkya atsingsho.

WANWÜNKAX 19:19

Owawa ma küntsik-mongtsik jangtüi thüiningle, chixe ija jannong-alüikya kop ang tomkox. Nange chix thama chak tokya tam azün ang jangtho, nange ija chatle chuwüi mok angkya changle.

WANWÜNKAX 17:14

Tsetwon-khualop zangwün owang wangkya a tuita tsyen dap angkya tilom züile tilyet owang wangkya ningle changpu; alüile zia mama-maba wüi ija azaklax.

WANWÜNKAX 14:16

Jetüi-hwonlangkya khünakbu a sikngün füi atsaile ngo angkya bama mik-hingle, ikoxle ongatbu a chem aju-ajangkya chitüile thüile mokle awütle.

WANWÜNKAX 14:3

Ongat mongngam khünake zang huanuma wünüi; jetüi-hwonlangkya zangwünbu füi hwom kho awaüi.

WANWÜNKAX 13:10

Künngam-mongngame tingtui adünkya boma chemchu münalan. Anwot-anole fakya lomkya a jetüi-hwonlangkya changpu.

WANWÜNKAX 12:16

Ongat khünak tuita mongtsik pongma thuakjok angkya müntüi, chixe lebama wüi ngaile faüi. Jetüi-hwonlangkya khünake ajao-adakya to na chithaüi.

WANWÜNKAX 22:10

Tsaichong-kaxbongkya khünak füi atsaile ngolax, ile jangchangba atsi-ala ngo angkya, ohyet-otsi, chichangba münlünkya, ibu chemchu müntüipu.