WANWÜNKAX 18:21 - OTSAO BAIBEL (BSI)

²¹ Oja zang nange wündao laxpuix ijae nang khosün ang tsuak chichangba khohang ang tsuak; idaile nang zangwün khoma chem apongpuix ibu nange pongle lax angkya wüi changle.

WANWÜNKAX 18:21 ပူးပေါင်းရင်းမြစ်များ

EFISIA 4:29

Nang kax füi, atatkyabu fün amüi angkya hanpakma mix zongto kak angkya zang taxwün, itülüi mix to juafong angkya oli kaxzex zangwünkox.

KOLOSI 4:6

Othuithuima hünzom zangwün a mix zongma müile tamchu apa ang tsule tüikox, ilaxle pangnusasa ang wüi changkya kaxlan fa ang hünzome awanle tüikox.

WANWÜNKAX 10:31

Otsao khünakbue jekax akaxle, ikoxle ochax zangwünkya leza a zütdaoüi.

WANWÜNKAX 12:13

Chichangchizangkya khünakbu a ma zangwünbu ma manle, ikoxle otsing khünakbu a ma alüile thama chak tokya azangle paole.

ISAIA 57:19

Kue pangnusa ang mongsom koxpu, hoxkyabu tamchu tsailo tokyabu pangwüi to! Kue ku khünaknu kak amüiüi.

WANWÜNKAX 11:30

Otsaoe khüzün fale, changnong-pünthomle tüikyae ija paole.

2 PITAR 2:18

Achax le ngokya khünakbu füi atsaile pao ang owang wangtankyabu tsün angkya hanpakma hwome chilaxli ongam zang wünle, üntoxle müi-hi-aji mongzok zalokya lom to tsangtsa twonle.

2 KORIN 11:15

Idaile chix dabue hwom sün otsao dabu ningle naxngün ang alüile aje ang chem mwotnu akhokya ale. Hwom mwote chem atakse hex, oshukma hwome ija jaojaole ataküi.

2 KORIN 2:16

Maxsamle ngokyabu zongma ija a lang angkya zik hing ongan ningle; ikoxle khosün koplaxle ngokyabu zongto a ija a azün angkya ongan müikya so-ngan ningle changle. Jangchang thüiba, iningkya mwot moktsuak angkya mix a owa tüi?

WANWÜNKAX 21:23

Nang thama füi atsaile ngose jangtsu, nange chem akaxpuix ija bama khünzaikya tüilax.

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

HOSIA 10:13

Ikoxlemix hünzome ochax mix ali-akan ilaxle ija puamün züt. Hünzome hünzom kaxthai zangwün makhange alaikya pünziak saxdaoa. “Hünzome hünzom man-kanlinbu to tamchu huanuma tüikya hünzom süpahibu to mongongkya khoma,

MÜNCHUAK-TSAI 12:5

“Ikoxchu athax ku nguiüi, chemthüikoxle chitüi-chinangbu to afangle thomkya üntoxle zothup apongkyabue hwom to kak-koxle wotle. Hwome lomkya khosün kue hwom ang koxüi”, le Jowanpa thüile.